¹ I'ha atah tu'ria Ñahama Ñahari i'ka Patatishtarí to' Ñahama Patatishtari. ² I'ma atah tu'ri to' Patatishta yo. ³ To'kri'ro yas nerala ki'ri tôh Ekayo, i'ka to' Eka i'to' ki'rií to' ki'rií. ⁴ To' Ekaya aakiri apeshka i'ka to' apesh i'ka Kamasri to' arwã krihroleri. ⁵ To' kamaskua yar í to' sukuaya i'ka sukuaya i'ka extinguishtií. ⁶ Arwã as achiri túhí Patatishta ya, cuyo api'ma Juan rii. ⁷ Eka te'ki to' testigoke ñehpiró tôh Kamasro, to' krihró creeishkerpiro Eka ya. ⁸ To' Juan ma kamasrii, i'kakes te'ki ñehpiro to' Kamasró. ⁹ I'ka ima Kamas yarhií, to' arwã krihro kamas kawishkua, i'ka î kamaskuama mundoya chiíte'kua. ¹⁰ Ekama ku' ya akiri to' mundoya i'ka mundoya Eka rish kaari tôh mundoma arihtiiri. ¹¹ Ekama te'ki eka e'ña, i'ka eka e'ma sukulertii. ¹² I'kakes to' kriro sukucheri, taro arírisa to' arwãya, Eka kawish ki Patatishta ayerwã tish kepiro. ¹³ I'ma ãuri yoma tawẽ lertii, to' yukuchani, to' arwãchani, Patatishta e'taripe. ¹⁴ To' Ñahma yuku tishki habitashki úntasyo. To' gloria chán bari, to'gloriama aske te'ki a Túsya, yar umusri. ¹⁵ Juan ma ñehi to' Eka ñewaruriro ñehi: ''I'ma taro tai ñahai: 'Ekama te'kua tasúkia a'kai tasma ho, i'ka Ekama atahtu'ri tasma ho.'' ¹⁶ I'kake to' plenitud untaskri'ro sukubri kaparbri kaparwe'. ¹⁷ To' ley nei wishkri Moisés rishki. To' kaparen yar nebori to' Jesucristo rish. ¹⁸ Tisnani cheletuí Patatishta tis nanii. Ayeerwã Aspes, Taro achihisa a Tus regazo ña, Eka kawishki karí hi. ¹⁹ I'ma Juan añaha i', ache to' Judío túri to' parehri to' levitasri to' Jerusalén ya arkape'lerpiro: "¿tarisa paí?" ²⁰ Tayoki ñehi i'ka nehashtiiri, akesh ña'hawa: ''Tasma Cristotahrawa.'' ²¹ Akes eka arkapéri: "¿I'kakes paí tarisa? ¿Elías riá?" Eka tí'kakii: "Tasmatahi.'' Eka ñehri: "¿Paí profatari?" Eka ñehi: "hó." ²² Akashkua ekalerma ñéhri: "¿Tarisa páhi?, tañaha eñá ñábari to' ya úntatúhri. ¿Taro ñéwãsa pibriña achirí?" ²³ Eka tíkakii: "Tasma ñaha tarawa, ñéwã kuk harsña: 'Yestiri Señor ataha', inkeñehi sa to' Isaías profetari.'' ²⁴ I'ka to' katuhalerima fariseos leri. ²⁵ Arka périi ti'kilera a ekaro: "¿Irish kamuhisa, akashkua, Cristo tahria, Elías chani, profeta chani?" ²⁶ Juan ma ti'kakii ñehi: "Tasma kamuhawã asoyo. Akarike, piãkera ya asachihi payo wa arihuwã; ²⁷ Tasukiama îró te'kua, i'ka taro tasma digno tahrawa arriok paro tah tuka istikaró". ²⁸ I'yas ki'lera neri to' Betania ya to' Jordan atesta ya, Juan kamúwaruria. ²⁹ kite'kuai, to' Juanma Jesúsro cheí eka abriña i'ka ñehi: "¡Patatishta ã Cordero ña aki to' mundo ã warkua arpeshkua! ³⁰ I'ña yai' taoñaharí: ''Ta su' te' kuama arwãro te'kua to' takií tasma ho, to' tati kiki'ri tasma ho.'' ³¹ Tasma arítarii, to'karo i'rishki te' kamuhari to' asoyo to' eka ã án pishpiro to' Israel ña.'' ³² Juan ma ñehi, ñehi: "Tasma Akuasaro chãari chreí palomake piriña i'ka Ekaya ãaki. ³³ Tasma aríhtari, i'ka Eka tatuhi kamuparo asó yo tatikií: "Taro Akuansa chewúasa ki'ra chilepe to' Eka ya, i'ñaya i' to' kamúwa i' to' Akuansa Eñaro. ³⁴ Tasma cha a i' ñahena ishkai ima Patatishta Ayeerwãí.'' ³⁵ Wãrtapehi, arákiwã, akashkua Juanma ãakiri to' pok asu'ba'tayo, ³⁶ chei Jesús tu' teshkua, ñehí: "¡Chaú, to' Patatishta a Cordero!" ³⁷ To' pok asu'ba'tama weshkri i'ñehi, Jesús arachíri. ³⁸ Akashkua Jesús te'ki chei ara chiraneri, ti'kakii: "¿Iro prohñawîsa?" Ekalerma akawarkri: "Rabi (trducidoma 'kachawîshta' ñehpirishkua), ¿pia chiísa?" ³⁹ Eka ti'kakií: "Te'kera chaúpiwã.'' Wãripe eka cheri to' eka chiriya; Ekaya tawãr kri to' chérii, to' ãukua tish piruri. ⁴⁰ To' po' weshkri to' Juan kapashkiaki i'ka wã ripe Jesús ro arachi hi Andrés neí, to' Simón ã arkiwã to' Pedro. ⁴¹ Eka ta paski ã arki ekai Simón, i'ka ti'kii: "To' Mesías yo próbarí" (traducidoma Cristo í). ⁴² Akashkua Jesúsro pe'ki. Jesúsma chei, i'ka ñehi: "Paí Simón ri, eka ñehi to' Juan Pama Cefas ripe pipia". (traducidoma  Pedro). ⁴³ A' pok krima, Jesús apaspirishkii toh Galilea ña, Felipero ne paski tihkií: "Tarachahu". ⁴⁴ Felipe ma Betzaida chatari, tôh Andres a kãá i'kaPedro ri. ⁴⁵ Felipe ma Natanaelró ne paskii tihkii: ''Untasma pasbrii Tôh kakoskii Moises toh ñehwãi profeta, a Jesúsro, José ayerwã a Nazaret.'' ⁴⁶ Natanael ró tihkii: ''¿Kaopiti yas eña ñehwã apaspii toh Nazaret?" Felipe ma tihkii: "Tehki chau.'' ⁴⁷ Jesús chei Natanael ró Ekama ñehi abriña nei: "chauwá, a' yarhi israelita, akesh ama kasa chituwã!" ⁴⁸ Natanael ti'kakiwa: "¿Pia ta táríhñawîsa?''Jesúsma ñehi ti'kakíi: ''kihrii toh Felipe pirwãhnii, toh higuera awakia aakuriche, tasma pichaari.'' ⁴⁹ Natanael ma nehí: "¡Rabí, Pama Patatishta Ayerwãria! ¡Pamá Rey riya toh israel ña!" ⁵⁰ Jesúsma ñehi ti'kií: ''irish ta'pikarisa: ''¿Inke tapikaaris higuera awakia pichaari", Inkatama arihiya? Ã yas ahkai inkatama chaupe". ⁵¹ Ehkamã tihkakii: "Yarhi, yarhi tihkakii ã payowá: piriró apriharó chelerpe, toh Angeles Patatishta tawhi chrepe Arwã Ãyerwã ochihiña.''