¹ Siniorori Cosoi napoterin: Ama Tëhuaquësohuë ama payanquësohuë caro'conisaran yaipi' piyapiro'sa sontarosa. Nanpëcontaquë Hain notëquë', carinquëma imirahuë quëtaran quëma. Hain copirno yahuërinso ninano nopanënta. ² Iso pochi Hain copirno nitarahuë Quirico ninano copirno nitërahuë pochin nitarahuë. Iporaso nipirinhuë yaipi masharosa ya'huërinsopita canpitanquën nisarin. Canpitari pëcotan pochin noyá na'pitoco ninano nicotanaquë'. ³ Napohuachina Cosoiso huanirin yaipi sontarosa, quëpacaso marë Hainquë. Napoaton Cosoi huoyonin cara shonca huatanca pochin quemapi'sa chiniquë ahuëtonapiro'sa, Tashi nipachina a'parin aipiram. ⁴ Inari Camayaton itapon pëcotan pochin nitoco Hain ninano. Nani yacarihuata ama ninano aquë patocosohuë. Naporahuaton canpitaso noyá yonquichinaco. ⁵ Yaipi quëmapisa quëma ca'tanaramaso yacaria hua ninono. Ahueinenpoaso marë, pi'pihuachina' ta'arahuatehua amasha yahuincananpiahua Ihuapochin. ⁶ Pipihuatama quia pinenhueiquërán amasha yahuincananpiahua ninano napoaton tëcapona inahuaso, Ihua napoterehuaso pochin nitantarëhua tapona napoaton ta'ananpíahua. ⁷ Napohuachina canpita'so na'pirama quëran, pi'pirahuatoma ninano ya'copirapico. SInioro Yosënëma ni'ton, ina imirin quëran chachin ninano quëtarinquëma. ⁸ Nani huachi ninano ya'copira pihuatama ichinpirahuitama. Nisarama ya'ipiya SIniora camaitëriso chachin nipatama. Carinquëma camairanquëmaso' ni'sarama'. ⁹ Cosoiri a'parin inahua insëquësona napicaiso marë', pitiri ninano Hain ninano inapitaso quëparitën pi'i ya'coniso partiran. Naporo tashi Cosoiso piyapinëpitarë huë'ësapi. ¹⁰ Cosoiso cohuara noya tahuëri nishatarasohuë capayatërin sontaronënpita camairín noyá yonquicaiso marë, Cosoi, Israiro aneiono'sa inapita'ton Hain ninano ya'contapi. ¹¹ Ya'ipi sontaro'nëpitarë chachin huënsëintarahuatona ya'caricai marë, ninano. Inpitasona ninano ya'carirahuatona atahuantoco pi'i ya'coninso partiran napotopi. Hain ninanoquë Na'con tanhua'no' Tërosa', ya'huërin Haiquë. ¹² Inari huayonin ana'tërapo huaran quëmapi'sa acorin na'picaiso marë' co pi'i pi'piso partiqueranhuë ina huancanachin ya'huarin pitiri ninano inaquëran Hain ninano'ra yahuarin. ¹³ NIquë chihuicarin noya noya sontaro'sa nininso pi'i ya'coniso partiquëran ninano, ana'pita sontaro'sa quëparitërinso co pi'i ya'caniso partiran ninano. Naporo Cosoiso tahuan nicotanaquë tahuërinpitërin. ¹⁴ Hain co'pirnoso' isërai sontaro'sa quënanin, napoaton tashiramiachin huënsërahuatona pa'sapi Isarairo'sa ahuápona' cortana'i, tahuán nicotanaquë na'pipi Inahuaso co nitotopihuë napipiso onporahuatonta ninano yacuntacaiso pinënquëran. ¹⁵ Cosoiri yaipi Israirosa shahuiterin yaipi misëarama Inahua yahuëpisopita ninono ta'ananpihua inotëro parti quëhuarë pa'ahuá. ¹⁶ Ya'ipi ninonoquë ya'huarinsopita Cosoi pininquëran imasapi inapotona ninano', aquënanpirapi huachi. ¹⁷ Co huachi ana'quëmapiro'sa tëranta ya'huërin Hain ninanoquë, pitiriquanta inapoaton Isarairo'sa imasapi. Inapotatona ninono co huachi tahuërëtopihuë Israirosaranchin imasapí. ¹⁸ SIniori Cosoi itapan: Imiranquëran nansanën ma'sahuaton, Hain ihuëtëquë. Naporahuaton imiranquëran chachin Hain tiyanantarán, Cosoiso nansanë ma'sahuata ihuëtachinaquë', Hain ninono'. ¹⁹ Sontorosa tahuan nicotanaquë napipiqueran pa'sahuatona noya ni'sapi onpo yaricaisona. Inahuaso ta'arahuatona ninanoquë ya'conpi ya'copiratona aroáchin ichinpirapitopi ninano huachi. ²⁰ Hain quëmapisa tahuerërahuaton pinëqueran quenanin conai ninano huancanaquërán pipirarin pi'irotë quëhuare pantarin. Inapotohuachinara co huachi nanitopihuë insërantëranta pi'pi caiso Israirosa sontarosaso taápiso naquëranchi huënantapi niahuecaiso marë. ²¹ Cosoi ya'ipi isërairo'sapitare conai tomotërinso quënanpi nani huachi napirinsopiri ya'cohuirahuipi ta'tona naquëranchi ta'huërantapi Hain ninanoquë chachin huëntatona ya'ipi quëmapisa Hainquë ya'huësopita ya'ipiya atahuantochinapi. ²² A'napita Isërai sontaro'sa ninanoquë ya'conpi'so Inapitanta. Aipiranquë pi'pihui, niahuëcaiso marë', napohuachina Hain quëmapi'sapitarë, Isërai sontaro'sa niahuërapi co nanitopihuë insërantëranta pi'picaiso ni'ton, anatëran, anatëran niahuërapi. ²³ Hain copirno'so co tëpaponaihuë to'pinan masahuatona quepapi Cosoiquë. ²⁴ Nani huachi Israirosa ahuëtatona canatuachinara tahuëreimantapi, niahuëatona atahuantomiatopi. No'panëna inotëro parte isërairo'sa imapiso nipirinhuë isërairo'saso naquëranchi huënantapí Hain ninonoquë. Na'poro inapitaso hua'na'quëran sahuëninë inëshi niniso ocoirahuátona yaipi tiquipi huachi. ²⁵ Naporo tahuëri'sa Hainquë ya'huëpisopita yaipi quëmapisa, sanapi'sa inapita chiminpi shonca ca'to huaranca piyapisá. ²⁶ Naporohuarë Cosoita nansanë ihuërinso co apamayaterarinhuë ya'ipi Hain ninono ya'huërinsopita atahuantacaihuarë, apamarin. ²⁷ Israirosaso yaipi masharosá yahuerinsopita Hain ninanoquë ohuáca coriqui oro Inapita noya macacaiso shahuiterin Sinirori Cosoi. ²⁸ Cosoiri Hain ninano ahuiquitohuachina, náponin aeorin. Inaquë ya'huëpi'sopita tananpitochinapi iporahuanta'. ²⁹ Hain copirno'so nipirinhuë naraquë tonpopi. Ihuaraya quëhuarë inaquë ninin. Nani huachin pi'i ya'conpachina Cosoiri camairin copirno nonën Iquiritaicaiso marë', ina quëran pi'tahuachina ninano ya'coanaquë ya'cáconin. Ni'ton, anotërin. Napachina na'piquë Tiyanantatona nóya imotopi inapotopiso, Iporahuanta ya'huarin. ³⁰ Inaquëran Cosoiso a'na artaro ninin Yosë chinotacaiso Israirosarë chachin Ipano Tananquë. ³¹ Moisësë'so no'tëquë Sinioro marë sacatërin ni'ton, inari camairi Isërairo'sa ma'sona, nicacaiso nishitërin ana quirica. Moisësë Tëniso chachin: A'na artaro ni'que na'piquëran co incaritëranta patëtërinsohuë. Inaquë chachin Senioro marë ahuiquitacaiso marë a'nanta Sinioro marë acopisopita tepatona tomaquënáchin ahuitoco nanan anoyatacaiso marë'. ³² Inaquë chachin Isërairo'sa nicasoi na'pi aipi nishitopi masona nicacaiso Moisësë naporinso'. ³³ Ya'ipi Isërai anciono'sa, sontaro hua'ano'sa, coisënta, ana'tëran, ana'tëran huanitopi, cartaro. Corto hua'ano'sa. Nipitaro'sa inapitaso' Sinior caposonë, pitënapiro'sa. a'naquëna nisha piyapiro'sa natipo itopiso. Mintano'santa huanipi Moisësë ni'tonëquë ananta Inicina ananta mitan ipan. Tanano'sa notënanquë, inahuari catahuarin Isëraro'sa no'tequë Moisësëso Sinioro marë' sacatërin ni'ton, camairinso ya'nancaniaritiri quëranhuarë nininso Tënin. ³⁴ Inapiquëran ya'ipi naporinso nanan Cosoi nontërin noya catahuarinso co noya nininsota inapita nicaton ana quirica nishitopi masona nicacaiso' amarë'. ³⁵ Coya'ipi Moisësë camaitërinso Cosoi nonteihuën natanacaiso' Isëraira'sa niyontopiquë'. Inaque chachin nisha piyapiro'sata, sanapi'sa hua'huaro'sa inapitanta natanapi ni'ton napotërin