¹ Nicaponahuë Israiro'saso co natëtopihuë noyanicaiso masharo'sa atahua'tacaso nini'so mapi. Acaya, huinin carochi, huinin Zapotir, huinin Zirasë inapitaso cota huëntono'sa masharo'sa mapi, a tahuatacaso nininso Sinioro'so nohuitërin Israiro'sa conoyahuë ninin. ² Cosoi Quirico' ninano quëran quëmapi'sa aparin hain ninano'quë, nisa'huaton ina yacariya Bitapin ninano yahuërin, Ina yacariya pitiri ninanon'ta. Inari itërin "paco nopanico" napotohuachina quëmapi'saso Hain ninano nicapona papi. ³ Inapitaso Cosoiquë canquira'huatona shahuitopi ama ya'ipi piyapi'sa apaquë'sohuë Hain nina'noquë. Apaquë pa'ina cato huarancahuë nipon, cara huarancahuë nipon piyapisa, apaquë Hain ninano yacon'china. Ama yaipi piyapi'sa apaquësohuës ina pitaso pipian yahuëpi. ⁴ Napo'rahuaton cara'huaranca sontaro'sa, papi Hain ninano yacontapona. Nicapona'huë Hain ninano'sari mensëra'huatona nita'atopi. ⁵ Onpoatonta quëmapi'sa Hain ninano tëpapi cara shonca saota quëmapi sontarosa naporahuaton imapi ninano yacoanaquë huarë papi aquë papirinahuë imacatona tërapi naporahuato tahuano'të', tananquë icantatona canapi. Ninanoque yahuëpiso tëhuatona yonquinëna quëran co chiniquën cancantopihuë ⁶ Ina quëran Cosoi cotonën osharin. Israiro Ancianosa'so nipirinhuë, moshiquë motonëna anëhuëtopi inaporahuatona isonahuatona Sinioro caposonën notënanquë moshorápi. Inapoatona ya'ipi tahuëri ihuaquë huarë, monsharapi'. ⁷ Ina quëran Cosoi tënin: "Mahuantacha Sinioro Yosë ¿Mamarëcha shahuitëran isopita piyapi'sa pentotocaiso Cortanii nicaya? ¿Inapotatoncai Amori'rosa apantërancoi atahuantincai'so ti? Cortanii aquëtëran quëparitërai naporini tëhuënchinso noya ni'ton huë'. ⁸ ¡Sinioro! ¿Mata caso ichinquën, ipora Israiro'sa minsëpi pipirahuatona taapi inimicorosa notënanquë? ⁹ Ipora canano'sa yaipi parti yahuëpisopita natantapi. Inapo huachin inahuaso tahuirapitarin'nënpoa inapotaton'poa, nini'nënpoa nanian'tapi, piyapiro'sa huachi. Iporaso ¿Mata onpoa'rin panca ninin'tëran'so?" ¹⁰ Sinioro'ri Cosoi itërin ¡Huaniquë! ¿Onpoa'onta quëmaso' isonaton nosorotaran moshoton nopaquë huarë paquëmaton? ¹¹ Israiro'sa oshahuanpi. Inapitaso co natëpihuë cari camaitërahuëso. Ihuatopi masharo'sa quënanpi'so mapi co macaiso nipirin'huë. Inapitaso ihuatopi, Oshanënan'ta po'opi. Ihuatopiso inahuara'enpochin yonquipi. ¹² Inapoatona Israirosa'so co nani topihuë inimiconëna minsëcaiso. Inimiconë'na ta'ananpipi, inahuara'chin yonipi co noyahuë yahuëcai'so ya'ipi masharo'sa po'opinan ninin'so atahuan'taquë huarë, naporo huarë capitaroco nisarahuë. ¹³ ¡Huanira'huaton! Ca marë anitotëquë piyapi'sa tashiraya marë canpita, noya nitotoco, noya yonquico. Onpoatonta Senioro Yosë Israiro naporin. Israiro SInioro Yosënën naporin. Yahuërin yai'pi masharo'sa atahuantacaso nipirinhuë. Ipora'huanta chihuin'capinan canpitataquë yahuarin Israiro'saquë. Napoaton co nanitëramahuë inimico chinitacaso yai'pi masharo'sa oshërë'taquë huarë tëhuënchinso. ¹⁴ Tashiramiachin nisha nisha huënton'sa yanocaiso yahuerin Sinioro'ri huayoni'so huënton'so nipi'rihuë quëmopi'nënpitarë yano'ina. Sinioro'ri huayoninso'pitaso nipirinhuë yanoina quëmapi'sa anaya, anaya. ¹⁵ Huayoninsopi'taso masha onpo'apona masharo'sa ihuato'pi niton; apë'pona, ya'ipi pë'inën, ya'ipi masharo'sa yahuëtërinso onpoatonta Sinioro pënëntërin'so tapirin ni'ton Israiro'saquë o'shahuanpi. ¹⁶ Naporo Cosoi'so tashiramiachin huënsë'intarin Israiro'sa ayacaritërin, ana huënto, ana huëton huayonpiso'ta cota huënto. ¹⁷ Cosoi quënin cota huënton, quëmopinën'pita huayonpi Zirasë quëmopinën Zirasë quëmopinen'pita anaya, anaya. Zapotincon'ta huayon'pi. ¹⁸ Sapotín quëmopinënpita quënin anaya anaya Acaya huinin carochi huinin Zapotín huinin Zirasë inapi'taso huayonpi cota huëntono'sa. ¹⁹ Acaya Cosoi'ri itapon: "Hua'hua Sinio'ro Yosë notëtënan'quë notëquën shahuitoco. Shahuitëquë co noyahuë ninanso. Onpo'inconta shahuitoco ¿mata onporanso? Ama caso po'otocosohuë." ²⁰ Acaya apanitërin: "Tëhuënchachin oshahuanahuë Sinioro Yosë notënanquë ina pochin ninahuë caso. ²¹ Nishahuato noyarahuë noya noya nëmëtë papironiaquë nipiso. Noporahuaton cato pasatë coriqui prata yahuërin nisahuaton anara huara oro quëran, inaso quënin miria quiro na'con, ina noya'to manahuë. Huë'erahuëso acoana huanca'nachin po'orahuë coriquitë prata inantapi aco'ana pa'piterahuë." ²² Cosoi shahuinapiro'sa aparin ta'arahuatona huë'ërinquë mashoro'sa po'orinsopita matacaiso marë pa'pi ni'conpachinara po'orinsopita quënahuapi coriquitë prata, acorinsopi'ta matopi. ²³ Ina'pitaso huë'ëshinantëquë ya'contahuatona masharo'sa po'orinso matopi Inaquëran Cosoi quëshipi ya'ipi Israiro'santa. Sinioro notëra'huatona noya'niacopi. ²⁴ Cosoi ya'ipi Israiro'sapitarë mapi Acaya Sirasë huinin inaso, prata, nëmëtë, huara oro gran, huinin'pita quëmapi'sa sanapi'sa, o'huacanën, moranën, o'huicanën, huë'ërinso ya'ipi masha yahuëtërinso, acoro itopiquë quëpapi. ²⁵ Ina quëra Cosoi tënin ¿onpo'atonta napo'onin nininso canti'irinpoa? Sinioro'so quësarin napo'onin quësarin apirahuë nipon. Ya'ipi Israiro'sari napiquëtahua'tona pënquë ahuiquitopi. ²⁶ Ina'pitaso Napi amitë amitë itahua'tona a'inahuapi iporahuan'ta inaso yahuarin. Inaquëran Sinio'ro nohuitërin'so asanoma'rin. Napoaton iporahuan'ta ina rotëso acoro itopi.