¹ Ya'ipi hua'ano'sa chiniquëno'sa' marë yonsanquë cordani' parti ya'huëpisopita na'tantopi, Yosëri cordani'ayanitërinso isërairo'santa cordani'aquëtëran pa'pi na'poaton co'huachi nohuantopihuë'ahuëtacaiso. Isërai' ninano tëhuërinquëran. ² Na'puro tahuërisa' cosuiso' Yosëri itërin, na'piquëran co'surahua' ni'quë ni'sahuaton ya'ipi isërairo'sa marca acotëquë itërin. ³ Napotohuachina cosorahua na'piquëran ni'sahuaton ya'ipi isërairo'sa marca acotërin Aralot parti ya'huëpiquërahuarë marca acotërin. ⁴ Na'puaton Cosoiso' marca acotëra'piarin, ya'ipi piyapi'sa iquipitoquëran pi'pipisopita chiminpi inotëro'parti, iquipitoquëran pi'pipi piquëran. ⁵ Ya'ipi piyapi'sa marca acotëra'piapi , A'na huahuashatëranta hua'huatërinso inotëro'parti ya'ipi marca acotopi. ⁶ Isërai'ninanoquë ya'huëpisopita iratopi inotëro' parti ca'tapini shonca pi'ipi ya'ipi piyapi'sa, Ahuëtono'sa iquipitoquëran pi'pipisopita chiminpi, Yosë noninso co' natëpihuë' ni'ton. Yosëri co'huachi nohuantërinhuën no'pa a'notacaso' ira'ca pasarinsopita no'pa pancana ya'ipi masha noyatërinquë ohuaca sho'shoi nino inapita ya'huërinquë ni'pirinhuën. ⁷ Inahua huininpita pa'pi Yosëri ya'huëcaiso quëtërinpa, Cosoiri marca acotërinsopita iraquë marca acotërinhuën ni'ton. ⁹ Nani ya'ipi marca acotohuachinara ya'ipi quëparitopi tanpotopiquë ya'ipi noyataimarë. ⁸ Yosëri Cosoi itërin, napuro' tahuëri cari matarahuë panca na'pipochin ira ya'copirinso iquipito'pa, canpitarë ni'sarinso,ina ya'huëpiquëso nipirinhuën Gilgal itopi iporahuanta ¹⁰ Isërai' piyapiro'saso' quëparitopi huë'ëcaimarë Gilgal taquë. Inaquë pascua pi'ta ana'huëpi, shonca catapini tahuëri naporo' yo'quiquëchachin, i'huaraya quirico ro'tëquë quë'paritopi. ¹¹ Pascua pita na'huërin piquëran na'poro' tahuërichachin ca'pi ya'ipi no'paquë pa'potërinso pita, pan co' ahuëpocatopisohuë: ¹² Manaso' pëyapi naporo' tahuëri chachin, nani' no'paquë pa'potërinso' ca'pi pi'quëran. Co'huachi mana' ya'huërinhuë isërairo'sa marë, nipirihuën ina pi'iquë ca'pi canaan no'paquë pa'potërinso pita ¹³ Cosoi quirico ninano ya'caria, në'pëtahuaton ni'nin, inaquë a'na quëmapi huaniarin quënanin espada sëquërahuaton, Cosoiri ya'carirahuaton itapon ¿Quiyarë'quën ni'saran co' iminiconëhuëi nica? ¹⁴ Ina quëmapiso' a'panitërin: Co' ca'pa, Ca'so sontaro hua'anco Yosëquëran ninahuëso' na'poaton o'marahuë. "Cosoiso nipirinhuën no'paquë i'sonahuaton mo'sharinquëran itërin ¿ma'ta yaitëranco? itërin, Ca'so' quëma piyapinënco, ¹⁵ Yosë sontaro hua'anëniso' itërin, Cosoi "shinira po'moranso' o'coiquë iso ya'huëpiquëso' nipirinhuën co'tehuërinhuë noya'piachin itërin, Cosoi napotohuachina inaporin: