¹ Nani ya'ipi piyapisa cortanii' pëntontopachinara, sinioro cosoi itapon: ² shonca cato' quëmapi'sa Israiro'sa huëntoquëran huayonquë'. ³ Naporahuaton isopochin camaiquë: "shonca cato napi cortani yaniroquë huancona carto hua'ano'sa huaniapatapataquë huarë' maco', masapatoma' insëquësona huë'ëcamaso' nininquë quëpa'ina itërin." ⁴ Inaquëran cosoiso, shonca cato' quëmapi'sa Israiro huëntono'saquëran anaya anaya huayonisopita përarin. ⁵ Inaquëran cosoiri itapón: "Sinioronënpoa' caposonën notënanquë, cortani yaniroquë. Na'pi manamaso quëpaco' itërin. ⁶ Ina ayonquiarinquëmá Ana tahuëri Hui'nama yahuërinso': Natanarinquëma', "¿Ma'ta onpoaton iso na'pi a'mitë a'mitë itëramaso'?" itarinquëma. ⁷ Napotopachiquëma canpitari sha'huitarama': iso' ayanquiarinpoa' corto hua'ano'sa Yosë caposori pitënpi quëran, ipora inaitasoichachin cortanii nipatamarinso'. Napohuachina yaniro pa'tatoi cortanii pëntontërai, Napopachina' Yosë chinotacaso marë, artaro israiro'sa huëntono'sa quëran a'naya a'naya na'pi acopiso'. Iporahuanta' ya'huëárin itarama itërin. ⁸ Cosoiri sha'huitërinso chachin israiro'sa nipi, shonca cato' na'pi cortani yanirorinquëran ma'pi, cosoi Siniorori sha'huitërin chachin Nipi. ⁹ Inaquëran cosoiri cortani huancana na'pi a'mitë a'mitë itërin. ¹⁰ Corto hua'ano'sa Sinioro caposonën pitënpiquëran hua niapitaquë naporin inaquë Siniori cosoi sha'huitërinso chachin israiro'sa ananipi, inapoatona Moisësë cosoi sha'huitërinso chachin, ya'ipi quëmapi'sa nanitopi cortani pëntontacaso. ¹¹ Nani ya'ipi piyapi'sa pëntonpachina, corto hua'ano'sa Yosë caposonën pintënpiquëran, israiro quëmapi'sa ni'tonënquë pëntopi anta'. ¹² Robin Huëntono'sa, Gata Huëntono'sa Naporahuaton Manasësë huëntono'sa napoinchin. Israiro'sa notënanquë huaniontapi sontarósapochin, noyá niacorahuantona napopi Moisësëri sha'huiterinchachin nipi. ¹³ Catapinishonca huaranca pochin Yosë catahuarinpoa ahuëtacaso' tatona', quirico ninano' no'paquë napopi. ¹⁴ Naporo Tahuëri cosoi Yosëri catahuarin chiniquën nanantërin ya'ipi israiro'sa ni'tonënquë naporin. Napoaton inapitari natëpi', Moisësë ya'ipi tahuëri natëpisopochin nitopi ¹⁵ Naporo' Sinioroso' cosoi nontaton: ¹⁶ "corto hua'ano'sa camaiquë Yosë caposonën pintënpiquëran cortaniiquëran pipiina'." itërin. ¹⁷ Napotopachina cosoiso corto hua'ano'sa camairin: "Cortaniiquëran pipico huachi itërin. Napotohuachina corto hua'ano'sa." ¹⁸ Yosë caposonën pitënpiquëran pipi, pipipachinara, cortani i'sha mëntaiatarin huachi. ¹⁹ Piyapi'sa caniarintërinso' yoquiquë, shonca tahuëri nicaso'. Cortaniiquëran pipirapatona' iricaro parti quëparitopi, iricaroso, quiri'co ninanoquëran pi'i pipirinso parti quiparitërin. ²⁰ Cortani yanirorinquëran shonca cato' na'pi mapiso' cosoiri. ²¹ Iricaroquë a'mitë a'mitë itërin, Naporahuaton cosoiri israiro quëmapisa' itapon: "canpita shiiparima' piquëran yahuëantapiso: pa'pina natanpachina ¿onpoatonta' iso na'pi a'mitë a'mitë itopiso? ²² Isëquë mini israiro quëmapi'sa: "Cortanii Yosë nohuanton i'sha nipatomaipachina yaniroquë pëntopi itoco'." Yosë chinotëramasoari ayanirin campita marë', campitanta' pëntonacaso marë', quëhuai marënta'. ²³ Yosë chinotëramasoari chachin ayanipachina' Pëntonai, Napoaton, ya'ipi isoropaquë ya'huëpiso nitochina' Yosë imirinso' ya'ipiya nanitaparin. ²⁴ Ina yonquiatoma' canpitanta' nani tahuëri Yosë chinota'poma'."