¹ Dispela em i wokabaut bilong ol manmeri bilong Israel bihain long taim ol i lusim Isip wantaim ol ami bilong ol aninit long lukaut bilong Moses na Aron. ² Moses i raitim em bilong ol ples ol i lusim pinis na ol ples ol bai i go, olsem God Yawe i tok. Dispela em i wokabaut bilong ol, igo na igo. ³ Ol i wokabaut lusim Rameses long namba wan mun long namba 15 de bilong namba wan mun. Long moning bihain long pasova, ol manmeri bilong Israel lusim ples, taim ol Isip i lukluk i stap. ⁴ Dispela i kamap taim ol Isip i planim ol namba wan pikinini bilong ol, husait ol em God Yawe i bin kilim ol long namel long ol manmeri bilong ol, em i bagarapim na mekim nogut long ol god giaman bilong ol. ⁵ Ol manmeri bilong Israel i lusim Rameses na mekim kem long Sukot. ⁶ Ol i stap long Sukot na mekim kem long Etam, long arere bilong ples i nogat man. ⁷ Ol i lusim Etam na tanim bek igo long Pi Hahirot, long narapela sait bilong Bal Sepon, na ol i kem long narapela sait bilong Mikdol. ⁸ Nau ol i lusim narapela sait bilong Pi Hahirot na go namel long solwara na go long ples i nogat man. Ol i wokabaut 3-pela de i go long ples i nogat man long Etam na mekim kem bilong ol long Mara. ⁹ Ol i lusim Mara na bihain ol i kamap long Elim. Long Elim, i gat 12-pela liklik wara na 70 diwai i stap. Long dispela hap ol i wokim kem. ¹⁰ Ol i stap autsait long Elim na wokim kem arere long wara Retsi. ¹¹ Na bihain ol i lusim Retsi na kam mekim kem bilong ol long ples nating bilong Sin. ¹² Ol i lusim ples nating bilong Sin na kem long Dopka. ¹³ Na ol i lusim Dopka na wokim kem long Alus. ¹⁴ Ol i lusim Alus na go wokim kem long Repidim, long ples i nogat wara bilong ol manmeri i ken dring. ¹⁵ Ol i lusim Repidim na mekim kem bilong ol long ples i nogat man long Sinai. ¹⁶ Ol i lusim ples i nogat man long Sinai na kem long Kibrot Hatava. ¹⁷ Na ol i lusim Kibrot Hatava na mekim kem bilong ol long Haserot. ¹⁸ Ol i lusim Haserot na kem long Ritma. ¹⁹ Ol i lusim Ritma na mekim kem bilong ol long Rimon Peres. ²⁰ Na ol i lusim Rimon Peres na wokim kem long Libna. ²¹ Ol i lusim Libna na mekim kem bilong ol long Risa. ²² Ol i lusim Risa na kem long Keheleta. ²³ Ol i lusim Keheleta na ol i mekim kem bilong ol long Maunten Seper. ²⁴ Na ol i lusim Maunten Seper na go wokim kem long Harada. ²⁵ Ol i lusim Harada na mekim kem bilong ol long Mekelot. ²⁶ Ol i lusim Mekelot na go wokim kem longTahat. ²⁷ Na ol i lusim Tahat na go wokim kem long Tera. ²⁸ Ol i lusim Tera na go kem long Mitka. ²⁹ Ol i lusim Mitka na go kem long Hasmona. ³⁰ Ol i lusim Hasmona na go wokim kem long Moserot. ³¹ Ol i lusim Moserot na kem long Bene Jakan. ³² Na ol i lusim Bene Jekan na ol i kem long Ho Hagidgad. ³³ Ol i lusim Ho Hagidgad na ol i go kem long Jotbata. ³⁴ Ol i lusim Jotbata na wokim kem long Abrona. ³⁵ Na ol i lusim Abrona na go kem long Esion Gebe. ³⁶ Ol i lusimEsion Gebe na ol i go kem long ples i nogat man long Sin long hap bilong Kades. ³⁷ Ol i lusim Sin Kades na i go kem long Maunt Ho long arere bilong graun bilong Edom. ³⁸ Pris Aron i go antap long Maunten Ho olsemGod Yawe i tok na dai long hap bihain long 40 pela yia taim ol Israel i bin lusim Isip na kamaut long namba wan dei bilong namba 5 mun. ³⁹ Aron i bin gat 123 krismas taim em i dai long Maunten Ho. ⁴⁰ Wanpela man Kenan, King bilong Arad, husait i save stap long hap saut bilong ples i nogat man long graun bilong Kenan, i harim olsem ol lain Israel i wok long kam. ⁴¹ Ol i lusim Maunten Ho na kem long Salmona. ⁴² Ol i lusim Salmona na ol i mekim kem bilong ol long Punon. ⁴³ Ol i lusim Punon na go wokim kem long Obot. ⁴⁴ Ol i lusim Obot na ol i kem long Iye Abarim long graun mak bilong Moab. ⁴⁵ Ol i lusim Iye Abarim na kem long Dibon Gad. ⁴⁶ Ol i lusim Dibon Gad na mekim kem bilong ol long Almon Diblataim. ⁴⁷ Ol i lusim Almon Diblataim na mekim kem bilong ol long maunten bilong Abarim hapsait bilong Nebo. ⁴⁸ Ol i lusim Maunten bilong Abarim na wokim kem bilong ol long ples daun bilong Moab arere long wara Jodan long Jeriko. ⁴⁹ Ol i kem long arere long wara Jodan, na long Bet Jesimot ol i go long Abel Sitim long ples daun bilong Moab. ⁵⁰ Na God Yawe i toktok long Moses long ples daun bilong Moab arere long wara Jodan long hap bilongJeriko na tok, ⁵¹ ''Toktok long ol manmeri bilong Israel na tokim ol olsem, 'Taim yupela brukim wara Jodan i go insait long Kenan, ⁵² yupela i mas rausim aut olgeta manmeri i stap long dispela hap graun. Yupela i mas rausim ol kainkain piksa bilong samting ol i mekim long en. Yu mas rausim olgeta samting nogut bilong ol na bagarapim olgeta ples bilong ol. ⁵³ Yupela mas kisim graun bilong ol na sindaun long en, long wanem mi givim yupela dispela graun long kisim. ⁵⁴ Yupela mas kisim graun ol i tilim long wanwan lain famili. Long ol bikpela lain famili, yupela mas givim bikpela graun long ol na ol liklik lain famili yupela mas givim liklik hap graun long ol. Taim ol makim long givim wanem lain famili, dispela graun bai i bilong ol. Yupela bai kisim graun long mak bilong lain tumbuna bilong yupela. ⁵⁵ Tasol sapos yupela i no rausim ol dispela lain long hap, bai ol dispela lain bai pasim yupela long mekim planti samting long lukluk bilong yupela na bai ol i kamap ol samting bilong sutim yiupela long ol sait bilong yupela. Bai ol i mekim laip bilong yupela i hat tru long dispela graun yupela i sindaun long en. ⁵⁶ Na wanem samting mi tingting long mekim long ol dispela lain manmeri bai i kamap, na bai mi inap mekim wankain samting long yupela tu."