¹ Moses i toktok long ol hetman bilong ol manmeri bilong Israel. Em i tok, "God Yaweh i givim tok strong olsem. ² Taim wanpela man i mekim tok promis long God Yaweh o tok strong tumas long em yet wantaim wanpela samting, em i mas noken brukim dispela tok promis bilong em. Em i mas mekim olgeta samting em yet i bin tokaut long maus bilong em. ³ Taim wanpela yangpela meri husait i stap long haus bilong papa bilong em na i mekim promis long God Yaweh na tok promis long ol samting em bai mekim, ⁴ na sapos papa bilong em i harim dispela promis long ol samting em tok long mekim na em ino mekim wanpela samting long stopim dispela pikinini meri bilong em, orait, olgeta promis bai stap olsem tasol. Olgeta tok promis em i bin mekim bai stap olsem tasol. ⁵ Tasol, sapos papa bilong em i harim dispela tok promis na em ino mekim wanpela samting long em, orait olgeta tok promis em i tokaut long mekim bai istap wankain olsem. ⁶ Na sapos papa bilong em i harim dispela tok promis, long wanem ol tok promis em yet i mekim na em i tok strong long pikinini meri bilong em long dispela dei yet, orait ol dispela tok promis bai ino inap stap. God Yaweh bai lusim rong bilong dispela meri, long wanem, papa bilong em i rausim dispela tok promis bilong em. ⁷ Sapos em maritim wanpela man taim em i stap aninit long dispela tok promis yet, o sapos em i mekim ol promis ino gutpela na em i stap aninit long dispela yet, ol dispela tok promis bai i stap wantaim em. ⁸ tasol sapos man bilong dispela meri i stopim em long dispela dei taim em i harim na rausim ol dispela tok promis, ol dispela tok promis bai i stap yet olsem. God Yaweh tasol bai rausim em long kalabus bilong bilong tok promis bilong em. ⁹ Tasol long ol mer,i man bilong ol i dai, o ol meri i bruk marit, em olgeta samting istap long tok promis bilong em bai i stap. ¹⁰ Sapos wanpela meri i mekim promis insait long haus bilong man bilong em o wanbel long mekim wanpela samting na tok tru olsem em bai mekim, ¹¹ na man bilong em i harim ol dispela samting tasol em ino mekim wanpela tok long em na stopim em, orait olgeta tok promis bilong em bai stap yet. ¹² Tasol sapos man bilong em i rausim olgeta long dispela dei em i bin harim, orait wanem ol tok i bin kamaut long maus bilong em long ol tok promis bai ino inap stap, long wanem man bilong em i rausim ol. Na God Yaweh bai rausim ol dispela tok promis bilong em. ¹³ Olgeta tok promis sapos wanpela meri i mekim, man bilong em tasol bai strongim o rausim. ¹⁴ Tasol long wan wan dei i kam em ino mekim wanpela tok long em, orait dispela i ken strongim olgeta tok promis bnilong meri bilong em. Dispela tok promis i strong long wanem, em ino mekim wanpela samting long taim em i harim ol dispela tok promis. ¹⁵ Sapos manbilong em i traim long rausim ol tok promis bilong meri bilong em bihain long longtaim tru em i harim ol promis bilong em, orait dispela man igat asua long sin bilong meri bilong em." ¹⁶ Dispela em ol lo God Yaweh i tokim Moses long tokaut. Em lo namel long man na meri bilong em na namel long papa na pikinini meri bilong em taim em yangpela yet na i stap wantaim lain famili bilong em.