¹ '' Long 7 mun, namba wan dei bilong mun, yupela i mas holim wanpela holi bung bilong God Yawe. Yupela noken mekim wok long dispela dei. Dispela bai i kamap dei bilong yupela i winim ol biugel. ² Yupela i mas mekim ofa bilong paia i kukim olgeta long God na mekim gutpela smel i go long God Yawe. Yupela i mas ofaim wanpela yangpela bulmakau man, wanpela sipsip na 7-pela yangpela sipsip man i winim wanpela yia, dispela wanwan mas i no gat sua na bagarap i stap long en. ³ Yupela mas mekim dispela ofa wantaim ofa bilong kukim wit, tanim gutpela plaua wantaim wel, 3-pela kilogrem efa bilong bulmakau, tupela kilogrem bilong sipsip, ⁴ na wanpela kilogrem bilong wanwan yangpela 7-pela sipsip. ⁵ Yupela mas ofaim wanpela man meme olsem ofa bilong rausim sin na mekim dispela ofa bilong rausim sin bilong yupela yet. ⁶ Mekim dispela ofa insait long 7-pela mun antap long olgeta ofa bai yu mekim long namba wan dei bilong wanwan mun: em i narakain ofa bilong paia i kukim olgeta, na ofa bilong kukim wit i mas i go wantaim. Dispela em long mekim antap long olgeta taim ofa bilong paia i kukim olgeta, olsem ofa bilong kukim wit na ofa bilong dring. Taim yupela mekim dispela ofa, bai yupela bihainim ol tok i stap long lo na mekim gutpela smel i go long God, dispela em i ofa bilong paia i kukim olgeta i go long God Yawe. ⁷ Lon namba 10 dei bilong 7 mun, yupela mas holim wanpela holi bung long givim biknem long God Yawe.Yupela mas daunim yupela yet na noken mekim wok. ⁸ Yupela mas mekim ofa bilong paia i kukim olgeta na mekim gutpela smel i go long God Yawe. Yupela mas ofaim wanpela yangpela bulmakau, wanpela sipsip na 7-pela man sipsip i winim wanpela yia. Olgeta i mas no gat sua na bagarap i stap long en. ⁹ Yupela mas mekim dispela ofa wantaim ofa bilong kukim wit, tanim gutpela plaua wantaim wel, 3-pela kilogrem bilong efa bilong bulmakau na tupela kilogrem bilong sipsip, ¹⁰ na 10-pela kilogrem bilong efa bilong wanwan bilong 7-pela yangpela ol sipsip. ¹¹ Yupela mas mekim dispela ofa wantaim man meme olsem ofa bilong rausim sin. Dispela em bilong mekim antap long ofa bilong rausim sin, oltaim ofa bilong paia i kukim olgeta, em ofa bilong kukim wit na ofa bilong dring. ¹² Long namba 15 dei bilong 7 mun, yupela mas holim wanpela holi bung bilong God Yawe. Yupela noken mekim wok long dispela dei na yupela mas holim dispela bung inap long 7-pela dei. ¹³ Yupela mas mekim ofa bilong paia i kukim olgeta, em ofa paia i kukim na mekim gutpela smel i go long God Yawe. Yupela mas ofaim 13-pela yangpela bulmakau, tupela sipsip man, na 14-pela yangpela man sipsip i winim wanpela yia. wanwan bilong ol i mas nogat sua na bagarap i stap long en. ¹⁴ Yupela mas mekim dispela ofa wantaim ofa bilong kukim wit, kisim gutpela plaua na tanim wantaim wel, 3-pela kilogrem bilong efa bilong olgeta bulmakau bilong 13-pela bulmakau, tupela kilogrem bilong wanwan bilong tupela sipsip, ¹⁵ na 10-pela kilogrem bilong efa bilong wanwan bilong 14- pela yangpela sipsip. ¹⁶ Yupela mas ofaim wanpela man meme olsem ofa bilong sin antap long oltaim ofa bilong paia i kukim olgeta, ofa bilong kukim wit na mekim ofa bilong dring wantaim. ¹⁷ Long namba 2 dei bilong bung, yupela mas ofaim 12-pela yangpela bulmakau, tupela sipsip na 14-pela yangpela man sipsip i winim wanpela yia. Wanwan i mas nogat sua na bagarap i stap long en. ¹⁸ Yupela mas mekim ofa bilong kukim wit na ofa bilong drink bilong bulmakau, bilong sipsip man na long ol yangpela sipsip, mekim dispela planti ofa olsem tok i stap. ¹⁹ Yupela mas ofaim wanpela man meme olsem ofa bilong rausim sin antap long ofa bilong paia i kukim olgeta, em ofa bilong kukim wit na ofa bilong dring. ²⁰ Long namba 3 dei bilong bung, yupela mas ofaim 11-pela bulmakau, tupela sipsip man na 14-pela yangpela sipsip i winim wanpela yia, wanwan i mas nogat sua na bagarap i stap long en. ²¹ Yupela mas mekim wantaim ofa bilong kukim wit na ofa bilong dring bilong bulmakau, bilong sipsip man na bilong yangpela sipsip, mekim planti ofa olsem tok i stap. ²² Yupela mas ofaim wanpela man meme olsem ofa bilong rausim sin antap long oltaim ofa bilong paia i kukim olgeta, ofa bilong kukim wit na ofa bilong dring. ²³ Long namba 4 dei bilong bung, yupela mas ofaim 10-pela bulmakau, tupela sipsip man na 14-pela yangpela sipsip i winim wanpela yia, wanwan i mas nogat sua na bagarap i stap long en. ²⁴ Yupela mas mekim wantaim ofa bilong kukim wit na ofa bilong dring bilong bulmakau, bilong sipsip man na yangpela sipsip, mekim planti ofa olsem tok i stap. ²⁵ Yupela mas ofaim wanpela man meme olsem ofa bilong rausim sin antap long ofa bilong oltaim ofa bilong paia i kukim olgeta, em i ofa bilong kukim wit na ofa bilong dring. ²⁶ Long namba 5 dei bilong bung, yupela mas ofaim 9-pela bulmakau, tupela sipsip man, na 14-pela yangpela sipsip i winim wanpela yia, wanwan i mas nogat sua na bagarap i stap long en. ²⁷ Yupela mas mekim ofa bilong kukim wit na ofa bilong dring bilong bulmakau, long sipsip man na yangpela sipsip, mekim planti ofa olsem tok i stap. ²⁸ Yupela mas ofaim wanpela man meme olsem ofa bilong rausim sin antap long oltaim ofa bilong paia i kukim olgeta, em ofa bilong kukim wit na ofa bilong dring. ²⁹ Long namba 6 dei bilong bung, yupela mas ofaim 8-pela bulmakau, tupela sipsip man na 14-pela yangpela sipsip i winim wanpela yia. Wanwan i mas nogat sua na bagarap i stap long en. ³⁰ Yupela mas mekim wantaim ofa bilong wit, na ofa bilong dring bilong bulmakau, bilong sipsip man na bilong yangpela sipsip, mekim planti ofa olsem tok i stap. ³¹ Yupela mas mekim ofa long wanpela man meme, olsem ofa bilong rausim sin antap long oltaim ofa bilong paia i kukim olgeta, em ofa bilong kukim wit na ofa bilong dring. ³² Long namba 7 dei bilong bung, yupela mas ofaim 7-pela bulmakau, tupela sipsip man, 14-pela yangpela man sipsip i winim wanpela yia, i mas nogat sua na bagarap i stap long en. ³³ Yupela mas mekim ofa bilong wit na ofa bilong dring bilong bulmakau, bilong sipsip man na yangpela sipsip, mekim planti ofa olsem tok i stap. ³⁴ Yupela mas ofaim wanpela man meme olsem ofa bilong rausim sin antap long oltaim ofa bilong paia i kukim olgeta, em ofa bilong kukim wit na ofa bilong dring. ³⁵ Long namba 8 dei yupela mas holim narapela bikpela bung. Yupela mas noken mekim wok long dispela dei. ³⁶ Yupela mas mekim ofa bilong paia i kukim olgeta, dispela ofa bai paia i kukim bilong kamapim gutpela smel i go long God Yawe. Yupela mas ofaim wanpela bulmakau, wanpela sipsip na 7-pela yangpela sipsip i winim wanpela yia. Wanwan i mas nogat sua na bagarap i stap long en. ³⁷ Yupela mas mekim ofa bilong wit na ofa bilong dring bilong bulmakau, bilong sipsip man na bilong yangpela sipsip, mekim planti ofa olsem tok i stap. ³⁸ Yupela mas ofaim wanpela man meme olsem ofa bilong rausim sin antap long oltaim ofa bilong paia i kukim olgeta, ofa bilong kukim wit na ofa bilong dring. ³⁹ Dispela kain ofa bai yu mekim i go long God Yawe long taim bilong bung. Dispela em bilong strongim antap long promis na ofa bilong mekim long laik. Yupela mas mekim dispela ofa bilong paia i kukim olgeta, ofa bilong kukim wit, ofa bilong dring na ofa bilong bung wantaim narapela''. ⁴⁰ Moses i tokim ol manmeri bilong Israel long olgeta samting God Yawe i bin tokim em long tok.