¹ Ilelo, mwe pe u Chilisiti ahayimvilwa mu muvili, muyinyamizye mwemwe mweka ninsivo ye yihaline. She uno we akuyimvilwa umuvilinwe aleheni nu vutalamalandu. ² Ishi zye zikulandata, umuntu wewula, she muhavalilizyo hakwe honti ali mumuvili, pe utahatendamaje ukuyanana nasdhe avantu vakwanza, nkandi ukuyana nu kwanza ukwa Mulungu. ⁵ Mwidala linilyo, imwe valumendo, muyisyaje kuvasongo . Imwe mwenti, muyizwishe mwemwe mweka nukuyisya nukuvombelana uno nuwamwavo. She uMulungu akuhana ukuyikwezya, nkandi akupa uvwila kuvakuyisya. ⁶ Pelelo muyisye mwemwe mweka kunyove yamaha iya Mulungu ukuti angavakwezya imwe pahavalilo hakwe. ⁷ Mumutulile ukupasya kwinyu shifukwa akuvasunjilila imwe. ⁸ Muteshele, muve aminso. Umulonjelezi winyu usatana akujenda akulivila akuvuluma ngati nsama, ukulondola wumo uwakumumilula. ⁹ Mwiminkane navo. Mumanye ukuti avamwinyu munsi vajimbiliye mumayimba ganago. ¹⁰ Lwe mwayimba pahavalilo hansi, uMulungu uwavwila vwonti, we avisite imwe nuvushindamu vwakwe uvwa vwila navwila nukuvazenga imwe, nukuvagomya imwe, nukuvatehamiha imwe. ¹¹ Ku wuyo kuli uvulamulili umwa shima nashima. Ameni. ¹² Nkumuviha u Silivanasi ukuva wavwitu umusuvalilwa, havili navasimbila imwe muvufupi ukujendela muliwuyo. nkuvakwezya imwe nukuvasimishizya imwe ukuti vye nkasimba vyanalyoli vwila vwa Mulungu. Mwimilile mumo. ¹³ Umwantanda wali mu Babeloni, we ahasevwa poka nimwe, akuvalamuha imwe. Wope u Maliko, umwana wane, akuvalamuha imwe. ¹⁴ Mulamushe woka nuwamwavo nulufipo ulwa lugano. Numuternde wuve kwimwe mwenti mwe muli mwa Chilisiti.