¹ ای یَهوَه، ای خدایی کی انتقام گیری، ای انتقام گیر خدا، تی قدرتَ نیشان بدن. ² ای جهانِ داور، ویریز و مغرورانَ سِزا بدن. ³ خداوندا، تا کِی شریران، تا کِی شریران موفق و سربلندَ بود؟ ⁴ ناروا گب زند، همۀ بدکاران لاف زند، ای خداوند، تی قؤمَ ایشکیند و تی میراثَ ذلیل کوند. ⁵ بیوه زنَأکَأن و غریبانَ کوشد، و یتیمانَ به قتل رسَأند ⁶ و گوید: خداوند نیدینه، یعقوبِ خدا اَمی کارانِ متوجه نیه. ⁷ ای قؤمِ اَحمقان، بفهمید! ای جاهلان، کِی عاقلَ بید؟ اونی کی خودش اَمرَه گوش فَأدَه، نیشتَأوه؟ اونی کی چومَ چَأکود، نیدینه؟ ⁸ ای قؤمِ اَحمقان، بفهمید! ای جاهلان، کِی عاقلَ بید؟ اونی کی خودش اَمرَه گوش فَأدَه، نیشتَأوه؟ اونی کی چومَ چَأکود، نیدینه؟ ⁹ اونی کی اُمتانَ سرزنش کونه، آیا سِزا نده؟ اونی کی آدمانَ تعلیم دِهه، خودش متوجه نیبه چی کودَأن درید؟ ¹⁰ خداوند، آدمانِ دیلِ فکرِ جَه خبر دَأره و دَأنه کی اوشَأنِ فکرَأن پوچ و بیهوده یه. ¹¹ ای خداوند خوش به حال اون کسی کی تو اونَ اَدب کونی و تی شریعتَ اونَ یاد دهی. ¹² روزایی کی تو گوناهکارانَ بلایَ گرفتارَ کونی و سِزا دهی، اَجور شخص آسایش دَأره. ¹³ خداوند خو قؤمَ فراموشَ نوکونه و خو میراثَ ترکَ نوکونه. ¹⁴ ایبار دیگر جی رویِ عدل و انصاف داوری اجرا بِه و عادلان اونِ جَه پوشتیبانی کوند. ¹⁵ شریرانِ برابرِ جَه کی می جَه دفاع کونه؟ مردمِ بدکارِ برابرِ جَه کی مرَه یاری رسَأنه؟ ¹⁶ اگر خداوند می یاور نوبو تا هَسَه نابودَ بوسته بوم. ¹⁷ اونموقع کی فریاد بوکودم و بوگوفتم: می پاهان پرکستَأن دره، تو ای خداوند تی محبتِ وَسی می دسانَ بیگیفتی و وَأنَأشتی بکفم. ¹⁸ می اَ دیلِ اَن همه غم و غصه یانِ میَأن، تو مرَه دیلداری دهی و آرامَ کونی. ¹⁹ آیا اَ شرورِ حاکمان تی حمایتِ جَه برخوردار بود، اَشَأنی کی به نام قانون هر ظلمی یَ انجام دهد؟ ²⁰ اوشَأن بر علیه دوروستکاران نقشه دیچیند و بی گوناهانَ مرگَ محکوم کوند. ²¹ ولی خداوند مرِه ایتَه بلند قلعه یَ مَأنه و می پوشتیبانه، می خدا مرِه پناهگاهه. ^{22 23} اوشَأنِ گوناهَ اوشَأنِ سرِ رو وَأگردَأنه و اوشَأنِ شرارتِ اَمرَه اوشَأنَ جی میَأن بوره، بله، اَمی خدا یَهوَه اوشَأنَ مَحو و نابودَ کونه.