1 هَلِلویاه، خدایَ اونِ معبدِ دورون ستایش بوکونید، اونِ قوّتَ آسمانانِ میَأن ستایش بوکونید. 2 اونَ اونِ کارایِ عظیمِ وَسی ستایش بوکونید، اونَ اونِ عظمتِ عظیمِ وَسی ستایش بوکونید. 3 اونَ شیپورِ صدا اَمرَه ستایش بوکونید، اونَ بربط و عودِ اَمرَه ستایش بوکونید. 4 اونَ دَف و رقصِ اَمرَه ستایش بوکونید. اونَ تار و نِی اَمرَه ستایش بوکونید. 5 اونَ پیلدانه صِنجِ اَمرَه ستایش بوکونید، اونَ صِنجِ خوش صدا اَمرَه ستایش بوکونید. 6 هر کی جان در بدن دَأره، خداوندَ ستایش بوکونه. هَلِلویاه