¹ خداوندا، جی تَه دیل ترَه شُکر کونم. خدایانِ حضورِ جَه ترَه شُکر کونم. ² تی معبدِ مقدسِ طرف ترَه عبادت کونم و تی نامَ شُکر کونم، تی محبت و تی وفاداری وَسی، چره کی تی نام و تی کلام همه چیزِ جَه بوجُرتره. ³ وختی تی حضور دوعا بوکودم، مرَه اِجابت بوکودی، خودتِ قوّتِ اَمرَه می جانَ تقویت بوکودی. ⁴ خداوندا، همۀ جهانِ پادشاهان وختی تی کلامَ بیشتَأود ترَه شُکر کوند. ⁵ اوشَأن اونچی وَسی کی بوکوده ای، و تی شکوه و جلالِ وَسی ترِه سرود خَأند. ⁶ خداوند عظیمه، اون فروتنانَ مُلتفته و اوشَأنَ فَأندره، ولی مغرورانَ جی دور شِنَأسه. ⁷ هر چند هَسَه سختی میَأن گرفتارم، ولی تو مرَه جی همۀ اَشَأن خلاصَ کونی، تو می دوشمنانَ سزا دهی و تی راستِ دسِ اَمرَه مرَه نجات دهی. ⁸ خداوند وعده یانی کی مرَه بدَه دَأره یَ عمل کونه، ای خداوند تی رحمت تا اَبدالآباده، کارایی کی شروع بوکوده ایی یَ ولَ نوکون.