¹ خداوندَ شُکر بوکونید، چره کی اون مهربانه و، اونِ رَحمت اَبدیه. ² خدایانِ خدایَ شُکر بوکونید، چره کی اونِ رَحمت اَبدیه. ³ عالمیانِ پروردگارَ شُکر بوکونید، چره کی اونِ رَحمت اَبدیه. ⁴ اونَ، عظیمِه معجزه یانِ وَسی شُکر بوکونید، چره کی اونِ رَحمت اَبدیه. ⁵ اونَ کی خو حکمتِ مرَه، آسمانانَ خلق بوکود، چره کی اونِ رَحمت اَبدیه. ⁶ اونَ کی زمینَ عمیقِ آبانِ رو وَأشَأد، چره کی اونِ رَحمت اَبدیه. ⁷ اونَ کی خورشید و ماهَ آسمانِ میَأن خلق بوکود، چره کی اونِ رَحمت اَبدیه. ⁸ آفتابَ روزِ سلطنتِ رِه چَأکود، چره کی اونِ رَحمت اَبدیه. ⁹ ماه و ستاره یانَ شبِ سلطنتِ رِه چَأکود، چره کی اونِ رَحمت اَبدیه. ¹⁰ اون مصرِ پیله زَأکأنَ بوکوشت، چره کی اونِ رَحمت اَبدیه. ¹¹ اسرائیلِ قؤمَ مصرِ جَه بیرون بأورد، چره کی اونِ رَحمت اَبدیه. ¹² خو دسِ قوی و خو قدرتمندِ بازو اَمرَه، چره کی اونِ رَحمت اَبدیه. ¹³ اون کی دریایِ سرخَ جی وسط دوپارَه کود، چره کی اونِ رَحمت اَبدیه. ¹⁴ و بنی اسرائیلَ اونِ وسطَ جَه ردَ کود، چره کی اونِ رَحمت اَبدیه. ¹⁵ اون فرعون و اونِ لشکرَ دریایِ سرخِ دورون غرقَ کود، چره کی اونِ رَحمت اَبدیه.