¹ ای اسرائیل، اَمرَه بوگو کی تی جوانی اَیام تا هَسَه، چوطو ترَه ظلم بوکودد: ² وختی جوان بوم می دوشمنان خیلی مرَه اذیت بوکودد، ولی نِتَأنستد مرَه جی پا تَأوأدد. ³ می کمر اوشَأنِ شلاقِ جاماله وَسی، شخم بزَه زمینِ مَأنستَأن بوبُسته بو. ⁴ ولی خداوند عادله و مرَه جی شریرانِ بردگی جَه آزادَ کود. ⁵ سرنگون بوبود همۀ کسانی کی صَهیونِ جَه نفرت دَأرد. ⁶ پوشتِ بامِ علفِ مَأنستَأن بوبود کی پیشتر جی اونی کی رُشد بوکونه خوشکَ به ⁷ و، کسی نتَأنه اونَ بیچینه و دسته بوکونه. ⁸ و هیچ راه دواری اوشَأنَ نوگویه: خداوند شمرَه برکت بده. یا بوگویه: اَمَأن خداوندِ نامِ مرَه شمرَه برکت دهیم.