1 خوش به حال کسی کی خداوندِ جَه ترسه و همیشه اونِ اَحکامِ جَه ایطاعت کونه. 2 اونِ دسترنج پور برکته و خداوند همیشه اونَ مبارک و سعادتمند کونه. 3 اونِ زن اَنگور دارِ مَأنستَأن پورثمر اونِ خانه دورون ایسَه، و اونِ زَأکَأن زیتون دارانِ مَأنستَأن اونِ سفره دؤر نیشیند. 4 کسی کی خداوندِ جَه ترسه، اَطو برکت گیره. 5 خداوند جی صَهیون ترَه برکت دِهه، بیبه کی همۀ تی عمرِ اَیام اورشلیمَ آباد و پور سعادت بیدینی. 6 بیبه کی تی عمر دراز بیبه و تی نوه یانَ بیدینی. صلح و سلامتی بر اورشلیم.