¹ وختی خداوند اسیرانَ دوباره وَأگردَأنی اورشلیم، خیال بوکودیم خواب دِئِن دَأریم. ² اَمی دَهنِ جَه فقط خنده بیرون اَمویه و اَمی زبان جی خوشی سرود خَأده. بازن اُمتای دیگر دربارۀ اَمَأن گوفتد: خداوند اَشَأنِ رِه کارایِ عظیمی بوکوده دَأره. ³ واقعاً خداوند اَمرِه کارایِ عظیم بوکوده کی اوشَأنِ جَه شادمانیم. ⁴ خداوندا، اون قدیمِ سعادت و سربلندی یَ دوباره اَمرَه وَأگردَأن، چوطو کی باران خوشکِ رودخانه یانَ دوباره پورَه کونه. ⁵ اوشَأنی کی اَشکِ اَمرَه کارد، شادمانی اَمرَه دِرو کوند. ⁶ کسانی کی گریه اَمرَه دانه وشانی رِه شُد، شادمانی اَمرَه وَأگردد و خوشَأنِ محصولَ اَورد.