¹ اوشَأنی کی خداوندَ توکل دَأرد، صَهیونِ کوهَ مَأند کی همیشه ثابته و تا اَبدالآباد تکان نوخوره. ² هوطو کی کوه هان اورشلیمَ دؤرَ کوده دَأرد، خداوندم خو قؤمِ دؤر ایسَه و جی هَسَه تا اَبدالآباد اوشَأنَ خو پناه میَأن دَأره. ³ شریران همیشه رِه دوروستکارانِ سرزمینِ میَأن حکومت نوکوند، چره کی ممکنه دوروستکارانم خوشَأنِ دسانَ گوناهِ رِه درازَ کوند. ⁴ خداوندا، صالحان و اوشَأنی کی اوشَأنِ دیل تی اَمرَه راسته یَ احسان بوکون. ⁵ ولی کسانی کی خوشَأنِ راهِ کجَ شُد و تی جَه پیروی نوکوندَ، شریرانِ اَمرَه سِزا بدن. صُلح و سلامتی بَأیه اسرائیلِ رِه.