¹ وختی مرَه گوفتد بیشیم خدا خانه، خوشحالَ بوستم. ² ای اورشلیم، هَسَه اَیَ تی دروازه یانِ میَأن ایسَم. ³ هَسَه اورشلیم دوباره چَأکوده بوبُسته و، ایتَه شهرِ به هم پیوسته یَ مَأنه. ⁴ اَیَ جایی ایسه کی همۀ اسرائیلِ طایفه یان اَید. خداوندِ طایفه یان، تا یَهوَه نامَ ستایش بوکوند. ⁵ هَ شهرِ دورون اسرائیلِ پادشاهان مردمِ داوری رِه نیشتد. ⁶ اورشلیمِ صُلح و سلامتی رِه دوعا بوکونید؛ بیبه کی تی دوستداران آسایشِ میَأن بِئسد، ⁷ صُلح و سلامتی تی حصارانِ دور و امنیت تی قصرانِ دورون برقرار بیبه. ⁸ می براران و می یارانِ وَسی گویم؛ سلامتی بَأیه تره. ⁹ ای اورشلیم، اَمی خدا یَهوَه خانه وَسی، تی سعادتَ خواهانم.