¹ کوه هانِ طرف چوم بودوخته دَأرم، و کمک رأفأ ایسَم. ² می کمک جی خداوندی طرف اَیه کی آسمان و زمینَ خلق بوکود. ³ خداوند وَأنَأله کی می پا لغزش بوخوره و بکفم، اون می پوشتیبانه و هیچموقع نوخوسه. ⁴ اون کی اسرائیلِ جَه حفاظت کونه، هیچموقع نوخوسه. ⁵ خداوند تی نگهبانه، اون تی کنار ایسَه و تی جَه حمایت کونه. ⁶ نه روزِ آفتاب ترَه اذیت کونه و نه شبِ مهتاب. ⁷ خداوند ترَه جی همۀ خطرأن دورَه کونه، اون تی جانِ جَه محافظت کونه. ⁸ خداوند جی هَسَه تا اَبدالآباد تی شوئون اَمونَه فَأندره و تی جَه محافظت کونه.