¹² اَنهمه احسانی کی خدا مرِه انجام بدَه دَأره رِه، چی تَأنم اونَ تقدیم بوکونم؟ ¹³ نجاتِ پیاله یَ راستَ کونم و خداوندِ نامَ شُکر کونم. ¹⁴ و همۀ نذرایی کی بوکودمَ همۀ مردمِ ورجَه اَدا کونم. ¹⁵ وختی خداوندِ مقدسین میرد، اونِ رِه خیلی ناگواره. ¹⁶ آه ای خداوند، من تی بنده یم، من تی بنده و تی کنیزِ پسرم، تو مرَه جی مرگ نجات بدَه ایی. ¹⁷ پس ای خداوند شُکرگزاری قربانی یَ تی حضور تقدیم کونم و تی نامَ ستایش کونم. ¹⁸ و همۀ مردمِ ورجَه می نذرانَ خداوندَ اَدا کونم. ¹⁹ خداوندِ خانه صحنِ دورون، تی دورون ای اورشلیم. هَلِلویاه.