¹ Oli, vid hamolang va jema, Maria Magdalena, Maria Yakobus giva, salome, gala ging tebuma peli pana jema Yesus gadang tang mega. ² Oras koko gadang, vid hamolang minggu,vid mada jema, ging dang gadang adu. ³ Anga mi ginggi topuni mategi talatutuk, "Alang bana hi pingga bagang pila valpal moe dang geng tang moo gakola miama dang geng tang uhapa?" ⁴ Angami, ging uling mida, val ba p'altalalu anga nama gakola jema. ⁵ Oli, ging dang gomi lela, ging uling se nama kopal ana juba abal pendo dang tang tanegoa miha jia, oli ging baruati ⁶ Angami, ging ginang ajimi gila tutuk, "ake baruati ganang, ing Yesus Nasaret val inggola angaba nama geng halia gang oli apatal gang ka gie adimi gana. Ing uling mana amina migata di. ⁷ Angga gegelang jemahi, Sakola valgono gila hupa oli Petrus di bola gang gatula va moe Galelea. Momi, inang ajimi Geng harak, emang hula mening ba nang miama Gang ila tutuk anga." ⁸ Angami, ging hela ehi dang gadang jema angami ging baruati oli gi pukang mali, ging ka il joa miama nama ebeng gala tutuk banaga oli gi pukang mali [Oli, karanu-karanu nama ubagang anga miama P`etrus ging takaku gitala tutuk ging gila tutuk tapokang anga mimuse, Yesus galokang ging gahing vid madang. Goa alovi mugu goa huse hamolang ade ubagang nama geng gena susa banaga sanang gegjia miama gila hama. Tabi.] YESUS GAVAK MIAMA SAKOLAVAL UGATUBING ⁹ Angami Yesus ap'etal koko gadang via gaha lomang Minggu anga gadang, gang helomang Maria Magdalena gavak ba Yesus eang pela p'ititoga gatiali. ¹⁰ Angami, gang jema ubagang ging ba ae Yesus gala to puni, Oras angami, sanang bana oli ging gign ae ko jia. ¹¹ Oli, Oras anumi gi umagia sebola Yesus ap'etal oli ging gauling, ging kapar saja banaga. ¹² Angami oras gaebeng anga, Yesus angami giavak miama gitubing gaebeng aena malo ging hamami ginbg ae lamal Desa ana gadang jema. ¹³ Anga mi, ging bale oli hur ade miama, ging ebeng gila hupa ibase ging ebeng anga ka gihur anga upar saja bana. YESUS GASAKOLA VAL GANONG GILA TUTUK ¹⁴ Anga mose, Gang gavak miama Gasakola karanu valung anu gitubing oras ging topuni miha ilkede oli ging geteng gomi gene anamang seng giper saja bana anga oli gio miba anamang anga. Anga gelang, ging ka parsaja bana miama nama tohing rai anga uling Yesus ga p'etal gomi mi. ¹⁵ Oli, Gang tutuk jema, "Vamoe palika tohing rai angami Lahatala gahur gadal adi miama nama tohing rai miama gila tutuk. ¹⁶ Alang ba persaja jema oli jial miama ga biang tang jema anga sanang dapa, alang ang ba uper saja bana geng anga nama geng tamina ¹⁷ Oli, tanda tanda anga ae giluali ginang ajimi parsaja: Gane gomi ging angami eang p'ela gatiali, ging angami tutuk ae hur habami; ¹⁸ Ging angami ging gitang miama mong puni; ging bola tubna ging gene amina, oli anga ka ging gene susa ba naga, oras anga mi ging gatang miama nama rai keta tang mega, Oli, nama anggonong mona." YESUS GAVAK GAHELI SURGA MI MIDA ¹⁹ Gioap'a anga, anga muse Yesus anga mi gila tutuk, gang gavak gaheli sorgami gimang gatang tane goa miha. ²⁰ gioap'a, jema soreinta mana mana mi, anga mi anga, anga pi Lahatala giala toponi giavak gala gene anamang ae hur nua mi ae tanda-tanda ae giala toponi.