¹ Ae Paulus geng anga tatabi Rasul bola geng anga ping manusia adi banaga oli ae manusia miadu banaga angami anga ae Kristus Yesus oli gimang Lahatala gomimi nama amina geng ap'etal. ² Angami ae pikaku pi saserang gonong gabung ajimi ae geng bagala topuni moe jemaat Galatiami. ³ Nua hama oli suka navera miama ingtang ae pimang Lahatala gomimi oli ae gaval Tuhan yesus gomimi. ⁴ Gengba Gavak miama pi gahalang adi gatilal gola ping genese mang gie oras p'ela adimi ae Lahatala gamau ugaluali. ⁵ Geng angaba hamolang sampe geg jia. Tabi. INJIL ANU KELANGBA AE ⁶ Nang baruati, ing mang holik-holik Gohap'a, i agang ae Kristus ganua gomi, oli injil ebengba ga dang. ⁷ Padahal, injil joa ka ae banaga. Ibase angami anga namajua ae ing gene kaco jema oli bola Kristus Gahurdal gene gaebeng. ⁸ Anga mi anga, kalo ing oliba Malaikat anu toe sorgami Lahatala ga injil miama ila tutuk ae ka imau ugaluali banaga ae nening ba ingubagang gomimi miama ila hama kutuk miama magenang! ⁹ Seperti ning miama ubagang jema anga oli ading nang ubagang magala, kalo bola nama jua ae injil miama ilahup'a ae nening ba ing tarima anga ka gajoang bana, kilangba genga kutuk mia galahama. ¹⁰ Aganise ading Nanggie lamal manusia ga tomianu atau Lahatala gatomi anuba gola? nening anga ba ning gola ukarajang gagola ae neng adi Lahatala gagahing vala. PEMBELAAN MIAMA PAULUS GAKARAJANG GALA HAMA ¹¹ Kaku gonong, mang nomi tabi puni Injil ba nang gola miama ilatutuk adi ingdo bola injil manusia ba ukarang. ¹² Nangka manusia gabung mia banaga, oliba nangka manusia gabung gagola banaga mang tabi-tabi Lahatala gabung ba mia. ¹³ Anga gelang, ing umagia na suang tula anga ae agama Yahudi mi, nang Lahatala ga jumaat gonong gajajahing nomi tatabi kalila nang oli gene tatabani bola gijajahing gi butung. ¹⁴ Nang tatabi lamal ae agama Yahudi mi, anga lebenua ning ukapaing. Nang tatabi kalaka ae ugariang pidata gonong gi p'ana tulang angami. ¹⁵ Ani ibase, Oras Lahatala, ba nenggene tatara ae niva gotok gomi oli angami, gang naagang ae Lahatala ganua gomi angami ¹⁶ Nang ubagang Gaval anga ae neng mi angahi nendi bola gane anga ubagang namaba Yahudi gajoang bana anga ging hahamami. ¹⁷ Nengdi ka Yerusalem abangmi jema gingba rasul jema anga ging harak bana, ibase nag holik Arab gegoa mijema oli bale Demaskus abangmi jema. ¹⁸ Tung atoga muse, nang kota Yerusalem mijema navak miama Kefas gatubing oli nang gilatopuni miha selama Vid karanu valung avehang. ¹⁹ Ibase angami, nangka namanu di gauling ae Rasul ebeng hahamami banaga, angami anga Yakobus, Tuhan Yesus gakaku. ²⁰ Nang tatabi ubagang ing Lahatala gahondal goa bola nening angaba nang tulis miama menang angaka ilaleko banaga. ²¹ Sengmuse, nang oli jema moe wilaya Siria oli Kiliki. ²² Nangka navak adi miama gio gatubing bado ae jemaat-jemaat ae Lahatala gomimi ging ae wilaya Yudea. ²³ Ging mangae hajat umagia, "Geng, anga tulang ni jajahing, oras adi vede ading angututuk ubagang ae a iman batula ae nama gajahing." ²⁴ Ging Lahatala gane utajaning karena neng