¹ O a' muj mi no tenang el bar, bad herng Lahtul om mi. airnu turlo n hul i en fe ho,napang sah nene,fe'de horo iri bu' ang. ² Bel a'ri'ing a'ra ba, na uma. Na o sah ba name panen i raham fe ho, el uling, ³ Fe'de piri ho name bolang Lahtal O' Roh om mi A'ni Utarian, Yesus O' no' bit, no' he'e, pali mate o' a'tino' ubang e ⁴ O' a'bul ta pali' mate ei napang u no' fe' de o' pilang ara. Name beng di u tanut he'e pali' mate ei ho napang no' o' mi tata ho nari, fe'de o pilang ara. ⁵ Tareng o turlo mi na nano' bolang, Israel pali'mi sari ho mong Benyamin, ai ba Ibrani hir o'lelang mi, o'mateng o' lurung ho, Ibrani ei. Musa o' sura a' ta ain he'e nari ho Farisi hinung. ⁶ Panen a'ten om mi, nari ho, name Lahtal a'taain ho na u kabesar kairlau, sobo no' ham name bolang. ⁷ Honin sobo airnu turlo ba mong turmi na panen o' untu a'holho, fed na u tanut he'e, untu nene fede' Kristus. ⁸ A'ti no' an tofng na u tanut e untu nene, med Yesus ahol ho ara meng. No afen balol ho o'fali mi mate mi lafining beng airnu e'mota. O'a'ra nabung nalolang ho suhuin oh fe'de Kristus... fe'de barpi na u tanut he'e sari ho kome karo'.. honin e, na Kristus fe med a'no nei. ⁹ O' a'hol mi ho, na a'ra Yesus om mi, sobo no' ham ba ara nafah nahir mi ho, e mong Musa o' sura' mi med nene, honin sobo , udume ba Kristus om mi horo a' lai, sari ho udume Lahtal mi sano' pilang. ¹⁰ Na sari di a' hol, Kufa' ba a' no' fetang di na a'hol, name asara beh pari, o' taporta o a'muj mi sa min tabang hodi na ara om mi, ¹¹ Honin e, mong o' a'muj mi o' taporta he'e, fetang so em na med. HEL LAME FA MONG BANG SOEM SURGA LOVE EH HO LEAM ¹² Honim sobo, ha'ai bite na med am so eme na no' ham am honi nene sobo, na ara lil a'te tel na apuin, mang fe'de, Yesus napuin am honin. ¹³ Tenang el bar, no tanut mi ho, na a'puin am. Honim soba, naba na panen fe honin ho, o namot mi na sibung omo' oh, honin e na ba o' napang fa' a' raham harofe na nom en. ¹⁴ Na lame fe eh huo e tahang toh nene sam o a'muj mi honin e na o'hir- o' pa' med, sari ho Lahtal med Yesus Kristus tong sorga emele holang mi ho lofe pa'. ¹⁵ Piri name bolang ho, ma pi tanut honin. Sobo i e' tanut honin nene le'e, Lahtal a'no' lel med i etub. ¹⁶ Honin sobo, ma e, o' no'- o' ham ba pi med am horo mi fetang sei lame eh. ¹⁷ Tenangbar, ne pating-natang ba horo a'ta'ain, no' he'e, name tofang ba o'fetang-o'farufing ma ni epating- ni tang ba a'ta'ain am ho, i e'dun- e'fal no' no'. ¹⁸ Fe'de, Name tofang fetang om miho, sano' helti ho o' falefang sari na ho'o, na ir mateng sei masing, fed ho'o mi na foil u bang sobo, neng noi fe puin ira mateng. ¹⁹ Name honin ho, o fetang mong o'a'muj mi ho, min so em med, fe'de supi ei Lahtal ho supi a'to' med supi ei dal- orang ho, na mala-maniang. Supi o' tanut ho, sei lal an tofang ba pali' mate ei. ²⁰ Honin sobo serang-buhuin fe honin ho, piri ho, sorga bang bolang o' serang- buhuin fe honin ho, di, pi kufa' afeng-afeng puin fetang asel a'danang eh, sari ho , afen balol Yesus Kristus. ²¹ Sa ho' ma he'e pi bo' sah lahal ho'o sa tiling med safah sahir ba lel madal ho a'raham, o'kufa' ho ei a' ta'ain, honin e, sa airnu- turlo ho Ari u ada a'hol.