¹ Fe, mang jede' Kristus 'om mi, tano kufa arra eiy ho ara, aluling esah, lamail bolang om mi taunung, esah ukarang, tom u'esah, ² Apano' bad herang, ho ano rupa senang tanut nu om mi, esah ho pi ham puin, lamail bolang om mi ano nu, medtom nu, ta nu, tanut nu tereeng so banpi. ³ Tanut pilo toh, tabune tara bad. o haai nun ho mang naba horo di akale e, sobo tom ho ano amone, lamang, mang ubang bite name beng mi naatino naraham. ⁴ Haai tarian pin atino solo edun nene, sobo name beng eiy di edun fe. ⁵ Noam ba tanut ho'o med eireng, orupa Yesus kristus med sereeng hunin. ⁶ fedek sari masiki orupa Lahtal hunin, Sa e'sano saraham Lahtal hunin nene, Lahtal ho sa mang ano so kufa so u dume ei so. ⁷ Om Mite'abir ho, s sano orupa nme nai a'ai hunin no'k e sa foi sane nameno biasa hunine name ahouw atititing eiy. ⁸ Sa sano orupa nameno biasa hunin, sa sano lamang, afang rt nun di sa ataain sam so min, omi ta-ta ho, min tong tabang bo'k tahil meng. ⁹ asel hunin horo, Lahta; hal tafoi atei araham qami- anita nun ho mi emota. ¹⁰ hunin e Yesus ani om mi, barpi parih muding-o'tong burang ta, o pali'i mate ta, med o hele pali'i mate efar. ¹¹ Hunin talibung airnu u sovo bite Kristus Yesus Horo Lahtal Ada'h ahal me Lahtal, omang mte eh. LAHTAL TOM MI KARASANG ¹² Hunin fe, no diail bar bana esah, mang Fede'e ii' sei alol panen eh- e bite ho araham na ara ira, mita-ta med araham na e ara ira nene- karasang ill luling med araham fe he e, baroc med bibil dada'k diarafe. ¹³ asel, Lahtal so tom mi karasang, o nak med tom umang eh homi sobo karasang om'ano med tom umang eh homi sobo karasang am' ano-no'k. ¹⁴ barpi ho akl bo, hai u ariing med u tetang e, ¹⁵ hunin ee'i haai doc ahal ee, tano Lahtal o ailbar bolang med ai bap o abul nene, o. sebur sah lol o' ham lehel, hunin e iri ho lel med sipi ereng mang fede' Lel pali'i mate tahel hunin. ¹⁶ Mateng pa'k fetang ho apuin dume hunin e mong Kristus osel, Na med hokarasang baletaho e mang tanai vewu nene. ¹⁷ masiki nariho orupa sei med sengker persembahan mi honin, med orup tong kurban ba karasang baleta u dume ei homi, napano nom, senang empir med iraham barpi. ¹⁸ hunin bo iri,ba pi pilang ham ho, iom bad herang med ipano empir ho ma nara pi ham-ham. PAULUS TIMOTIUS E MED EPAFRODITUS AHOW. ¹⁹ Lahtul Yesus om mi, ho araham na o'hamoi maeh nom udemu Timotius na er ahouw sam abung hunin e nom hele hodi saluiling. ²⁰ asel, name beng ho s kurang bo'oho edun ubaleta ²¹ sel, name beng ho so kurang bo'oje utabubul e kristus Yesus eiy ho ukuru nene. ²² Mang jede i'ahol eh hunin, Timotius ho naatino bi asel sa akala am, sa nara karasang baleta taroni fom pa'k ho mate lai fe ho, mang fede ekabar panen fa somang araham hunin. ²³ Hunin fe, no udume ho haer sari ahouw, asel naba narupa naraham fe ho na ahol am. ²⁴ bo noudume ho Lahtal fe mi, na nolo di na err ho abung ²⁵ sobo, na utanut no'o hunin he'e Epafroditus na so ahow ho olap. sari ho no diail, tenang el nara baleta, tenangel nra karasang , med na ano, no name maring pa puin eiy, bo'no kurang bo di sa ubaleta. ²⁶ aseel ho, sa i'esh empir fa iraham sobarpi, e' omdi susah bi aselba i' meh bite sa made. ²⁷ abui so, fur ho sa made bi sam edai min, sobo Lahtal O' esah ukarang ho dai fa araham eh- haai bite faa solo araham , sobo ma naridi naraham-huni e nosusa lala ho mang lafohbi e. ²⁸ Hunin fe, nom umang ho au ho so uil-uil na ahouw sabor sam abung hunin e' ipano bad herang ho ara, fede ii' ina dun aholam , hunin e' sari baroc banibung ho misabolefe. ²⁹ Noam ba bad herang fe Lahtal om mi Epafroditus ho med ee' uada ahol, name ba orup hunin ho. ³⁰ karasang baleta med Kristus araham ee' edaita min, sa sobo' so laman hadi alorang puin name toloang, o' ualang ho ii alol panen med nen sah.