¹ Bah! iri Galatia hinung kamuke. Ano so ino' ba bi am. i dun mi ho, Yesus Kristus name e med name tofang eng a'dang ho mi hel ti ta haleng nene? ² Nanu ho'o na u itan, Roh bolang med Yahudi o' sura om a' tau ain eme, udume puin ma'eh alepang horo mi med? irir so kamuke empir. ³ I Roh bolang ad tur, sam o' a'mij mi, i tanut ho bo' malengfe puin ⁴ Ma ar mahip tofang i a'no' no mang tanai so he'e, a'no' na mang tanai. ⁵ Honin fe, Roh balang sa med i en, na u tahoir o nai mi ho i ano' lame Yahudi o'sura a'ta ain eme, ma eh alepang e med ududme fe mi med? ⁶ mang fede' Abraham sa Lahtal o' a'tino' bit horo ba sari ho u ta'an med en ano' fang a'bu. ⁷ Honin fe, iri di a' hol ho, ano so o' udume ara honin he'e sari horo Abraham o'ai bar. ⁸ Sura' bolang dai eh ta a'lel puin sari h, Lahtal name Yahudi nene ho a'no' abul fede' o udume mi sotur Injil ho u abraham a'ra mateng ubang ho, sel nu mi, Abraham ara no' mahen a'hol, fede' ari ⁹ Honin fe, name ba udume ho, sel nu mi, Abraham ara no' ham med. ¹⁰ name no' tofang ba Yahudi o sura' om ukaresang, sobo tahil meng ho, futung pa uj efar' ara hul ol menng ubang ho, name taroso sa e na an an ba Yahudi o' sura' om mi e u baroe ano' lame nene sah karang araham. ¹¹ Honinfe, a'ra lel am. sari ho, name taro horo di, Lahtal ano' a'bul Yahudi o sura' a'ta ain nene fede' name abul fetang med ho, udume fe mi ¹² Honin sobo, Yahudi o sura' oh ho, o pilang ho e udume nene. Adimang meng ke'e, name Yahudi o sura' om u baleta ho, se nu mi he, fetang sura' om ho a'ta ain. ¹³ Kristus tari tiling Yahudi o sura' om ho a'ta ain, o se'bur ho, sa san' name a' hal med tere enng, fede' ara hul meng, ubang ho, o min o tabang, ari ai ba tong helti ta hil meng ho. ¹⁴ Yesus na ho panen, honin e, Abraham o' no' o ham ho, samong bang airnu lehel, honin e, pi udume om mi, Roh bolang u paha' eh ho pi med. LAHTAL O PAHA' MED YAHUDI O SURA' ¹⁵ Tenang el bar, fetang dil lel arian ho, na o lel apite' u iramateng. name pir alo sa pa ha' mu bit med sura ' mi hul, sara u i'nung ham-ham masiki dai hul o sel tameng am, mang ano horo di o sono' ubang sah, foil uta sah. ¹⁶ Fed ho'o, paha' ba Lahtal med Abraham med o di ing o bap ara mateng ho, Lahtal e ubang ba tofang honin nene, sobo med ei fol ei heb, o lel ho name pirnu,sari ho Kristus . ¹⁷ No tanut ho, Yahudi o' sura' ba o tun rat ut air tou mi he'e, ara ho, puin Lahtal med Abraham sara paha' ho o sono' bit sah. Honin fe, paha, ho asuhuin sah ¹⁸ Mang fede' mateng o asel ho Yahudi o sura' ara honin he'e mateng pa' ho'o, o asel ho e paha' nene, sobo Lahtal med Abraham en ho paha. ¹⁹ baba ei sofe, Yahudi o sura' ho ara? Yahudi o sura' ara ho, fede' tetang hasu tofang sam bab bale mi meng ho mang fede' paha' sel meng honin. ²⁰ Name ham mi ho, e name nu tilingsano' name mi nene faleng, Lahtal ho name pir nu ²¹ Mang fede' honin so, Yahudi o sura' ned Lahtal o' paha' ho, salahain eme, e nene? e salahin nene, Fede' Yahudi suri ho med, fetamg med, honin he'e u'il-u'il abuk ara om mi. ²² Honin sobo, airnu turlo, med name no' tofang doe efar ho, sura' bolang med sapiri mi oh, honin e, paha' ba Yesus Kristus o udume om mi ho, sa med name ba o' a'ti'no ubang ho en. ²³ udume ho ara dai he'e, Yahudi o sura' pa' tabehang med sefar satang far ano' name tahang om mi honin sam udume so ara. ²⁴ Honin fe, mateng pa' Yahudi o sura' mi ho, sano' name tari bua'ang honin sam Yesus ho' honin e sa tano' name abul, fede' udume ho ei. ²⁵ Fed ho'o, udume ho ara am. Pi e Yahudi o sura' pa' ho udume ano' name tari buang nene anu, ²⁶ Yesus Kristus om mi, iri ho bar pi Lahtal o aibar ma udume om ho mi. ²⁷ Irir barpi sei tuling tour ho med, honin fe, Kristus ho, i med a'no' i ei am. ²⁸ Name Yahudi, name Yunani, name o ara mih, name il-il,lote eme ob, barpi a'ai am, iri ho barpi sano' name pirnu, fa Yesus Kristus om mi. Mang fede' Yesus iri u aneng am, honin he'e, iri horo Abraham o bap o bale, med aneng afen, paha' ho ei a'ta ain. ²⁹ Honin fe iri ho Kristus med i anok, iri ho Abraham atotoh tohamou upahak sopi ho hak waris puin.