¹ Tun airnu faling ut alai, na foi barnabas emed Titus ora nibor mong Yerusalem leam. ² Na sam ho asel o'utub ara, med e fom pa' bolang, ho uil puin sipi ara mateng petang, sipi ba e Yahudi hinung nene ho, sobo n panen ho, name nunu arian, name ba malang ta,honin ne, na ahol, nabafe na akala dai, mede naba fe na akala am ho e mang tanai nene. ³ O mita Titus ba ara nara ho sunatmmdi no' otabi sari ho Yunani Hinung ⁴ Na hoo ara ho asel e o di' ail bar nene ba por-por ho' madong aratoh tafuning-tafuning il luling ba Yesus Kristus med ten ho edun eh, honim foil tarafa sah karang lefa. ⁵ Honin sobo ni e sipi efar pipite'di aai, honi fe fom pahang bolang ho ara so iom mi eh ⁶ Sobo name malang ta nun ba eleme no' ututew med nei araham puin faleng hee sah, asel Lahtal e ale' ale' nene, sipi ho e naden med nei ta nene. ⁷ O mita sipi nedun hee, nari so sura' bolang ho o'tino bit name oba sunat ho ereeng, mang tede Petrus u'how mede name oba sunat am ho ereeng. ⁸ Asewl sari so Petrus om mi baleta ano' e'tang med, name ba sunat am ho ereeng, nari horo sa foil nom mi baleta nano' E'tang med name ba ew Yahudi nene ho ereeng. ⁹ No horo hee Yabobus, Petrus, med Yohanes ba name sano' bolang am, ano' so ludung asel am, ho sipi ahol bite haltafoi sa med nen ho ei fe ni niom nu nitang to puin. Barnabas med nari, honin e ni sam o ba sam name ba sunat am ho ara mateng. ¹⁰ Sipi mang ni om bang, honin e ni name sah lahal ho uma. Sari na ho ro no baleta hoo ano' farekang. Paulus, Petrus O ahal U tub ¹² O sel Yakobus o name nun e ma ne dai, Kefas name ba e Yahudi nene ara mih na ade mimang tanai, sobo sipi mang ho, he e Sa salui hod sipi e let asel sa name ba sunat am ho el baroich. ¹³ Name Yahudi beng hosipi ei ataain aba karang, horo Barnabas di so sipi o aba karang ho atain. 4 Ho' araham na edun hee sipi panen aten ho, e ongo tom pa'bolang ho aratuhuil nene am, horo hee na Kefas ara mateng name tofang ho eng 'adang pong dang, na ubang ho' mang fede iri Yahudi no fetang o rupa name Yahudi nene honin ne taro'ni name Yahudi nene toi fetang orupa name Yahudi honi? ¹⁵ Piri ho Yahudi bang om te mi tafain ho hee piri ho e name doch'al nene mong orupa name Yahudi nene honi. ¹⁶ honin sobo pi ahol mang name no' nu asel Torat o hukung salang ho sa sano' abul sah hunin sobo udume ba Yesus Kristus mi horo ano abul. O mita piridi ba Yesus Kristus o'tino bit honin fe pi udume ba Kristus om mi ho tano' abul e'ongo asel torat o hukung salang nene', asel name nu torat o hukung salang ano' abul sah. ¹⁷ Honin sobo, fed pi panen taroni sa piri di Kristus om mi'bul fe, no' hee pi mang tahol piri doc'hal, e om bite Kristus ho doch ubaleta? E honin nene! ¹⁸ Naba fe na ari' bahite am ho, nan so foil nona aten, hee na no hukung la alai. ¹⁹ Asel Torat o hukung salang lol horo na uminam fe, honin fe no fetang ho med Lahtal ereeng. ²⁰ Nandi Kristus ara Helti tahil, fed na fetang eh hoo e nari nene, sobo Kristus so ara nom mi fetang. Fetang fed ba nami fetang hoo ara tamar fe puin, sari hoo fetang asel udume ara Lahtal ai fe mi sa nari ukarang, mitata Ai safah sahir med nereeng. ²¹ Lahtal o haltavoil ho asuhuin sah, asel na o'bul ho mang fede' Torat o hukung horo lol ho' hee, Kristus O min tereeng ho mi mang tanai.