¹ Aika' bar ho, sofo so mang ei olol, ei maehLahtal om mi horo abul. ² Ife imang hou ada ahol fede horo sa, u tahou med sa uta paha ³ "Honin e fetang ho no' med o ur lai pa' lai pali mateta". ⁴ Iri omang nun ho haai pi aika' bar ho e riing e, sobo sipi ah afoil ano' bau mate esa i ei alol Lahtal o fom pa' fe puin sipi ara mateng sipi o fetang homi. Fom Med Name Ahou Med Abaa En ⁵ Iri ba name ihou-ihou ei ho i abaai ba pali' mateta ho ei alol, ei maeh , u ada ahol, i om abul puin mang fe'de Kristus araham eh honin, karesang om araham. ⁶ Haai nang fede' name ba karesang honin e name edun, name om ono' bad , sobo karesang mang fede' Kristus o name a hou karesang eh honin, karesang Lahtal om araham. ⁷ Karang baleta lalea iom abul puin mang fede' lahal ara ham ohonim haai mang fede' name no' araham honin e. ⁸ Fede' i ahol iri ba name ihou-ihou ei, eme name il karesang aai ; sa karesang nano' fe' panen, ho di ma' Lahtal o' abor oden med en. ⁹ Ahaai ai nu i name ba ahou-ahou eh ho, i haai ono' sah-sah e, e ariing faile fede i ahol i ie i abaai eme sipi o abaai ara bar pitong eleme elafeng bang bolang mi, honin sobo sa e name ale' nene. Lahtal O Mali Fen Puin ¹¹ I Lahtal o mah fen puin honin e i kufa toh honin e setang o ladimang babor ho adang tuh. ¹² Fede' pi tou sail ho'o nahit eme foi tamar fe ara mali puin nene sobo, name ba parenta puin, abaai lamuil pali' mate o kulfa' hamai sah burang om mi lil lame eh horo ara mael puin. ¹³ Honin fe Lahtal e i mali fen fe puin hon e i kufal, na sah ho adang toh sam na ho so lamou di i dai kua tu feh. ¹⁴ Honin fe i kufah'toh, i sapi uil ono' hopuin ira peit kod na ol. ¹⁵ No' am honin hee o kalom a e'fa tamang med Lahtal o surak bolang il luling fe puin. ¹⁶ Noam honin hee hide udume puin honin e setang o mali fen ba huring ho lim amone. ¹⁷ A Lahtal o mateng pak o fom pak med hamoi bolang sa no' mi honin med baloko fetang ho a med puin . ¹⁸ A aome sei masing hamoi bolang ommi med e fa fa buang, om ano' dume honin amfe, a aome name bolang ho araham. ¹⁹ A aome na raham honin e na nat abe' sura' bolang o sasala ho na u ira mateng. ²⁰ Fede' sura' bolang ho ei le name u napuin, natang aput na farafing sah hon sobo sari u ame honin e na kufa toh mateng mah fede' na nanu u mateng eh honim. Ada Mahen O Amuid Mi ²¹ Tikhikus tenang el udume om mi, au karang, sari ho Lahtal, o karesang obaleta sa sam abul puin sa no' fetang ho omi ho ma' sau ira mateng, honin e iri di ahol na maba fe ho omi akala eh. ²² Na a hou sam i o lap sam honin e iri n0' fetang ho omi ho i ahol i om bad herang. ²³ Il luling e sah u karang omang Lahtal med Yesus Kristus iri ta. ²⁴ Halta foil name tofang araham med e sah ukarang med Lahtal Yesus Kristus araham sam so em.