¹ Honin fe, orupa Lahtal eu dudun mang fede' ai ka bar u karang honi. ² Ukarang on mi fetang o' rupa Kristus tari u karang honi, safah alorang med ten o rupa sari fail o' manem Lahtal araham. ³ Honin sobo, haay labuy laek ate em mang naba kome kare em makakang em bit puin haay na ho e raham e so ara anai name bolang homi. ⁴ Haay mateng sah ara, mateng kamulu em na o' ba nehar sah bang ma fede' lapano abor bit noni nene. ⁵ O'o beng rahol bul ho, o rupa name labuy, name ebolang nene,em name makakang ba na sah fe u ada hol ho, e ong bit kafa e ba aten o bang golang Kristus e med Lahtal om ni mateng pa. ⁶ Haay name ira aba lurung e, fe'de na ho e e araham Lahtal na osah ara ho' med ai kabar o' kabesar no ta. ⁷ Honin fe haay sipi ara tenang el e. ⁸ Tur ho iri ho paka om mi bo fed iri ho Lahtal om fe mi lel. fetang ho o' rupa lel ai bar honi, ⁹ Fe'de lel o' pir ho o' rupa o no' o' ham o' rupa, ¹⁰ Med naba ono' ho lap apate ahol e sa Lahtal om tamuj. ¹¹ Haay pana alol panen puin fa o'hil ne e reeng o, honin sobo panen ataui ho na a, boy. ¹² Horo fe na an-an ba sipi panen homang por-por puin panen puin tano mala. ¹³ Honin sobo, bar piba u during lel am hopi ahol am. ¹⁴ Fe'de bar pi ara ho sari lel am . Horoba sa bita toh, hoy iri bar ta karang' name min anay fetang sahir toh, honie sah Kristus o'lel arita. ¹⁵ Honi fe e dun no' no' i fetang ho taro mi, hay orupa name kamuke uoni bo orufa beng fal honi. ¹⁶ Panen aten puin sel o' araho ano-no' fe'de haer ho'o haer sah. ¹⁷ Horo ba, haay mang kamuke e, sobo ahol puin Lahtal e fe ataain. ¹⁸ Haay araka mi labaw e, na ho e' no' nene, sobo mino honi he'e hamoi bolang so iri om mi. ¹⁹ Dal bit u name no' tofang ara mateng masmur, kidung pujian, med nyanyian rohani, om ato abul bal puin dal med panen fa Lahtal araham. ²⁰ Apa no' bit puin o' amuj mi, med nun ho arata om a Lahtal ba ani pi Tuhan Kristus Yesus ho en. Fom Pahang Med Ob Lote En ²¹ Name no' tofang efar, Ktistus om mi baroe. ²² Iri o'b bar i lote efar, orupa Lahtal araham honi. ²³ Fe'de o lote bar o rupa elatung honi mang fe'de Kristus ba reala o' lafung honi, fe'de horo obo med sari horo solo o' il lilung o' asel. ²⁴ Horoba, orupa reala Kristus efar honi, mang fe'de orupa ba ob bar uil-uil so lote efar sam an-an tofeng om mi. ²⁵ Iri lote bar ukarang orupa Kristus reala u karang honi safah sahir med reala e reeng. ²⁶ Honi e sa sipi ano' bolang, med ano' bolang mong sey puin o' banek mong fom pa' alai. ²⁷ Horo e lefe, Krtistus reala alorang med se reeng mong so atino' alai e komene em e kafakung ne em orupa naba honin, horo fe reala di bolang med e sah nene. ²⁸ Honife iri aco' bar iuil-uil ob to bar no' u karang orupa a obo e sah e honi, ²⁹ Fe'de name dun e homi, safar sahir o, ho som puin ataain eh nene, sobo sah u gariang med ano' no' orupa ba Kristus, akala reala araham honi. ³⁰ Fe'de piri ho o bo ho o e' e atang. ³¹ Horo lefe, name lote bar ho uil-uil solo soma ho ad, honi e so ob ho ara enu, honin e sah sanang alo ho orupa namenu honi. ³² Na tom e faning ho'o mate, horo ba naba naong bit ho'o Kristus e reala oham mi o' hamow ho mong. ³³ Honin ba se honi iri an i ob bar u karang orupa i bo honi di iri ob bar, i uil-uil i lote bar u ada ahel.