¹ "Kapishi mupangure, nanwe ngava dire kumupangura, ² Kumpanguro oyo mupanguita, ndjo ngava kamu pangulita, ntani masheteko ogho mwa shetekitanga, ngo ngava kamu shetekita nanwe. ³ Vinke ghuna kukengera shininke osho shina karo mulintjo lya ghunyoye, ano ngoli mukudira kudimburura mukambo ogho ghuna vindmo palintjo lya naghumoye? ⁴ Weni omo ghughamba kwa ghunyoye, ' Tanko nikughupe nkambo oyo yina vindamo pa liontjo lyoye,' pashirugho osho oyo nkambo mulintjo mulintjo lyoye yinakara? ⁵ Ove vakuvilipa! pamuhovo ghupa nkambo oyo yina kara palintjo lyana ghumoye, ntani ghumona nawa mukughupa nkambo oyo yinakaro mulintjo lya ghunyoye. ⁶ Kapishi kutapa ovyo vya pongoko ku Mbwa, ntani kapishi kuvhukuma makwarara ghenu kumeho ya vinguru. Mukonda ashi kuva ghalyatangera na makondo ghavyo, ntani nakupiruka vimu kupapawire. ⁷ " Rombenu, ngava vimupe. Paparenu, ngamu viwane. Ngongorenu, ngava mugharwire. ⁸ Kehe ghuno a rombango, kumupa; Kehe ghuno a paparango, kuwana; ntani muntu ogho waku ngongora, kumugharwira. ⁹ Are ghumwe wenu, ntjene monoye a rombe muntje wa mboroto, ghumupe liwe? ¹⁰ Ntjene ashi a rombe ntwi, ghumupe liyoka? ¹¹ Mpo ngoli, ntjene ashi vavadona yivenu omo mutapa maghushwi ghamawa kuvana venu, ghungi wakutika kuni shenu wamuliwiru a tapa vininke vyaviwa kwovo vamu rombango? ¹² Mpo ngoli, kehe vino vininke ghuna horo vavikurughanene, nove varughanene, oyino ndjo veta ntani vaporofete. ¹³ " Ngenenenu mulivero lyalididi. Livero lyalinene lya ku ngwnyunuka kuwara ku ghudona, ntani vantu vangi vapitirangomo. ¹⁴ Ano ngoli livero lidid ntani nka ndjira yidito ya kutwalidira ku liparu, yayo vasheshu vayiwanango. ¹⁵ Vangarenu kuva porofete vavipempa, ovo vana kuyo mudi mudwato da ndjwi ano ngoli ghagho ghushili mambungu gha ndjara. ¹⁶ Kuviyimwa vyavo nko ngamuvayivira. Vantu kunyanga mandjembere ku migha ndi walye ghukuyu kughunyanga ku kandjata? ¹⁷ Mundjira yaku kufana, kehe shino shitondo shashiwa kuyima viyimwa vyaviwa, ano ngoli shitondo shashidona kuyima viyimwa vyavidona. ¹⁸ Shitondo shashiwa nakuyima shi viyimwa vyavidona, shikare shitondo shashidona nashonnakuyimashi viyimwa vyaviwa. ¹⁹ Kehe shitondo shakudira kuyima viyimwa vyaviwa kushiteta ntani kushi vukumina mumundiro. ²⁰ Mpo ngoli, ngamu vayivira ku viyimwa vyavo. ²¹ Kapishi kehe ghuno wa kughamba kwande ashi, ' Hompa Hopma,' nga kangena mughuntungi wa liwiru, ano ngoli nkwandi mbovo tupu varughanango mapangero gha vavava ovo vana karo muwiru. ²² Vantu vavangi ngava ngava kaghamba kwande muliyuva plyo, '' Hompa, Hompa, kapishi mu lidina lyoye katu porofetanga, mulidina lyoye katu tjidanga mpepo dadidona, ntani kapishi mulidina lyoye katu rughananga vitetu vyavingi?' ²³ Makura ame ntani ngani vadukwira, ' Tundenuko kwande, anwe ava mwavatukango veta!' ²⁴ " Mpo ngoli, kehe ghuno wa kuyuva nkango dande ntani naku dilimburukwa ngakara yira mukafumu wamukotoki a dikiliro ndjugho yendi pa Liwe. ²⁵ Mvhura a yiya, ruhandjo aruya, ntani likundungu ali yungu naku kutoghona pa ndjugho yinya, ano ngoli kapi ya rundumukire, mukonda ashi kwayi dikilire pa Liwe. ²⁶ Ano ngoli kehe ghuno wakuyuva nkango dande a dire kudi limburukwa ngakara yira mukafumu wamugova a dikiliro ngjugho yendi pa musheke. ²⁷ Mvhura ayiya, rughandjo aruya, ntani likundungu ali yungu nakukutoghona mundjugho, ayighu ntani yadjonaukire po. ²⁸ Apa amanine Yesusa kughamba nkango dino, mbunga yatetukire ghunene kumashongo ghendi, ²⁹ Mbyovyo ashi ghuye ava shongire nankondo, ntani kapishi yira valirongi va matjangwa vavo.