¹ Naa ramu wam, Səku kuru naa ndaawa waarra kəri bi? Atərro iyu cam nən Israila, kadugum Ibrrahim naa miya Bilyaminu. ² Səku kuru ndaaw waarra kəri bai, wara aci zəga du tən waci. Kwa zəga be wara kakkadi Seku ramu bai ii ɗa Ilya, waarra dlamu wiili ii Səku iiɗa Israila? ³ "Məgənyi, akshi rəbə na nabaucin ci, akshi rəbgə naa dababərak maagita ci. Gazan iyu rruganai, kuru akshi aa maka arro ga". ⁴ Amman Səku ngumii ci maa tam?,"Naivəna ndawa dubu gatkasa waarra ngalte pa kufu ii kəma baal bai". ⁵ Duk na kasən wam, ii zaaman waarra waa kunu na gagzhin wam waarra nda cikɗu gaɗa herr. ⁶ Amma gaɗa herr nən, to gaaɗa dlama wana wam bai, kasən bii nən, daa herr aa dlaɓan gara herr wam bai. ⁷ Tam wam? Be wara Isrraila a makau tən waaci, atu ba bai, amman ndaawa mii nda cikɗu du badu, gagzhin gu ke nda kata na akshi nda aɗa gauɗak. ⁸ Kaasən kalkal kakə mii nda tarrnu: "Səku barik shi ankal kə saanuuta be bai, barik shi da bai gaaɗa akshi da dlama lawan naa atu bai, barik shi aguɗ ke bai gaaɗa akshi da dlama kərrəmta naa atu bai, kapa yagənangu." ⁹ Dauda ke ramu maa, ndaiva tepərr gəri da dlamən gara dlaabən naa aaraakau, kurrtum ƙəma zəgər, kapa be mii aa gəshak shi da kacin gara ii aɗak shi. ¹⁰ Nda ɗaawa naa dakshi da dlaməm gara aiwa gaaɗa akshi da dlama lawan bai, nda ɗəbadlu naa akuk shi ke kapa dəmmarro." ¹¹ Ii maaya, "Kurtəm gu kkəmak shi gaaɗa akshi dagamu nən da tla wam bii ko? Sutku aa waakaata bai, ii sərrin gu da dari dagamak shi ndaawa mii zəga Səku bai ba naa raa, gaaɗa da ɗaawak shi da dlamu guru. ¹² to, duuniya bərrɗən gara dari dagamak shi nən, aasarr shi ke dlaɓən gara bərəd ii ndaawa mii zəga Səku bai, Marrtapa mbasakshi aa dlama nana? ¹³ Amman, naa rama naa kun ndaawa mii zəga Səku bai, fatawan ke ii muwaanak kun nən, naa kkəma aadla ga ii kunu wana mii naa dlamau gaaɗa kun ¹⁴ Daawanange naa ɗaawa ndaawa waarra nda ga kə təka da dlamu guru. Daawanange jaa ra na ndo jigaɓ da kunak shi. ¹⁵ Atərro nda salotə naa duuniya na Səku gaɗa nda kuri naa akshi nən, wate nda gəni naa akshi nən wam, wate see arro da kunu ndaawa mii gamtak bai? ¹⁶ Nda ciriptə naa ləmamiya səkurr nən, gagzhin gu mak a dlaɓa kasən. Aru gu da ciripta nən to gaptatin gu mak aa dlaɓa kasən. ¹⁷ Amman nda salamtu naa gabtatin waka zaitun wunduwa gu jigaɓ nən, ci waarra gapta waka zaitun kə pata, nda takwsu diici zəba ii gatərr shi nən kurru ka tak ta da aaru wakau iiɗa gayi naa gagzhin gaptatin gu. ¹⁸ Ka kkəma aadla iiɗa gagzhin gabtatin bai. Amman ka kkəmi aadla ci nən, aa taanyi du kaa rroota aaru gu nən ci bai , amman, aa rroota ci nən aaru gu. ¹⁹ Kaa dumu ka ramu ma,"nda darrtla naa gaptatingu gaɗa nda kkumi naa iyu ii gatərr gu". ²⁰ Sutku jiirre, nda darrtlak shi gaɗa buuka bari jiirrewa shi, ammab ci da kkuma gaaɗa bari jiirrewa ci. Ka kkəma aadla ci bai amman a kalwi Səku. ²¹ Atərro Səku bəzu gaptatin zaitun biinən, ci ke aiva ci bai. ²² Dugo aaiki na herr Səku naa napta bone gəri. Napta bone iiɗa ndaawa waarra katak shi dakau amman herr Səku aa dlaɓ aaɗa ci, ci da mbasu aa kunu herr Səku nən. Kaasən biinən ci cam nda karma na ci. ²³ In akshi ta kima na rashi bar jirewakshi, nda kalagta nakshi da kau i kunu, gaɗa kakasku a dumu da kalak ci nakshi wam. ²⁴ In nda wudici da ddəm waka zaitun wara a pata, har wanage nda nibkinaci i kun waka zaitun blan gu, nana yahudaucin wara a gapta sukur, akshi a dlamanakshi in nda nipkakshi i kun waka zaitun ki sukur?. ²⁵ Nancu kwa dlaɓa a kun rashi zigaya bai, yaganaucinga i kun bik asir karf i kun kuraram kun kun aɗa kun nda səm. A ziginadu iɗak gaudɗak aɗa Israila ki laktu rab ne, sai laktudew ƙi ndawa wara Israila bai dew rikun. ²⁶ Da sunu Israila duk a bina raa, kaki miwara nda tarnu,"Dakun Sihiyona baci raa a virai. Aci a dina rashik zigaya kakasku da ri Yakubu. ²⁷ Sartune alkawarga na aci, laktu wara na mana aipakshi. ²⁸ Da ami gayi labarb herr, nda kurnakshi gaɗa kun. da ami gayi wam aɗa cikiɗ ki kakasku, da intutakshi gaɗa akshi kakancin. ²⁹ Gaɗa ɗaura kakasku na bari gəri a patata bai. ³⁰ Gaɗa waci kwa ladab i kakasku bai, amman gususkukwa ba na kanjino gaɗa rashik ladab kun. ³¹ Dari gayiye, yahudaucingu dlam na rashi ladab gaɗa kanjino wara nda tatki kun akshi ye gususku bana kanjino. ³² Gaɗa suku Cimna tike i kun rashi ladab gaɗa da tatki aɗagəri i tike. ³³ Nda dagəri bərəd na zigaya Kkakasku!, shariya gəri nən bata bai da budyakshi, duvugəri ye ɗika na awayu zigaya! ³⁴ "Zigana kurakam Məgənyin tai? Nən tawan wam baci bari ci shawar?. ³⁵ Ko ̇ tawan bari be i Kakasku da sukur gaɗa nda ngumici?` ³⁶ Gaɗa darigəri,darigəri, i aci be mak nda bardi ci Saksakta wara go dadgəri, Amin.