¹ Na bari ci linok tuku i kǝma Sǝku na Yeso Masipu, wara a dlama hagata ii ndawa mi na aro na ndawa gamtak, kuru gaɗa pakayi gəri na garva gǝri: ² A dlam wazik ramau. Ka dlap ga sapəratak ko na lakwtu ka na lakwtu bai. Agǝrnyi, a gab'i a ka rami, na kanadi mak na gugza. ³ Atəro na saktu aye ni mi ndawa a dǝmu kanadi na gugza kǝ jirewa bai. Gaɗa kasǝn, akshi a cacpayi malamcin gaɗa gaɗakshi ii ntu gǝshakshi. Akshi a jǝbak tlaɗa aguɗshi, ⁴ Akshi a mǝsta nakshi darik jirewa, da vuci nakshi irik zənzən kǝ vatku. ⁵ Amman ci, ampi ankal ii ɗa be tawanke. A dlam kanadi ii sa bone; a dlam wana baci wazək; a damə na guzapəna ci. ⁶ Atəro nda vəngəna iyu. Sartu nya ganai den gara. ⁷ Na dlam na marmare ga kalkal; na damə na rawa ganai; na jǝb na barik jirewa. ⁸ Ndampa dani aryapu jirewa, wara Mǝgǝnyi, liyari ba ci adalta, aye bara nai ii gafo gu, gaɗa ii ruga bai, amman ii ndawa mak wara ntutə na pakayi gǝri. ⁹ A dlam kərat kanai kaɗe-kaɗe. ¹⁰ Gaɗa Demas ivəna iyu. A ci ntutu na duniya tuku jingəri ii Tassalonika, Krescens jingəri Galatiya, Titus ke jingəri ii Dalmatiya. ¹¹ A riga nən Luka rugəri. Amaken Markus kwanai i ɗaga gayi gaɗa a ci na paida ii riga ii kunu wanau. ¹² Na wana na Tikikus ii Afisu. ¹³ Ayan dani gwadam mi naive ii Taruwas iri Karbus, ka ni nən a yan naci na atu, na rəvək kə taran tən cam. ¹⁴ Iskandiriya baci zəma tatka hal gaɓshu rankata, Mǝgǝnyi a ngumu dici kakǝ mi aci dlamu. ¹⁵ Cike a dlam ankal na aci, gaɗa aci a gamɗaya tlapar na wana wau. ¹⁶ Ii rra aɗa ga ki sǝkur, na nǝn irɗi ɗaga bai. Gaɗa kasǝn, tike rawan gǝri daivi na Iyu. Amman ndampekshi sau i aɗak shi bai. ¹⁷ Amman Mǝgǝnyi irɗin gǝri ii ɗaga kuru da ɗagwaici na Iyu ke, gaɗa dariga, wazik da mbashi na vəkshi gara gaɗa duniya mak da kǝmi. Nda gumbe na Iyu da miya jagadlaw. ¹⁸ Sǝku a gumba na iyu dari wana gabshu tawanke da rri na iyu kǝ gaɗa garva gǝri kǝ dǝsku. Saksakta da dlaɓ kəri harr dəmmaro. Amen. ¹⁹ Andimi Biriskila, na Akila na wǝnduwa Onisifurus. ²⁰ Arastus dan mbasu a Koranti, amman nabze Turufimus ngabai a Militus. ²¹ A dlam kərat kanai kapǝn sartu mama. Yubulus a ndima ci, kasǝn ke Bundis, na Lenus na kalafidiya, na yaganaucin mak. ²² Mǝgǝnyi da dlaɓa na Nǝnuwa ci. Herr ke da dlaɓa na ci.