¹ Walishama we musumba uwatalama! Uwakowela kabili uunkalwe. ² Tomfwa nakwishiwi lyakwa Lesa, nangu ukusumina amafunde ukufuma kuli Yawe. Tacetekela muli Yawe kabili nangu ukupalama kuli Lesa. ³ Intungulushi shabo ni nkalamo ishilebuluma pakati kabo. Abapingushi bakwe baba nge mimbulu ya mucungulo iyo iishishapo ifupa nangu limo ilya kukolokotako ulucelo. ⁴ Bakasesema bauko tababa nacishinka kabili baume bacilande lande. Bashimapepo bauko balikowesha ifintu ifya mushilo kabili nokucita ubuluku ku mafunde. ⁵ Yawe aba umololoke. Tatala acitamo icibi nangu cimo. Cila lucelo acitila abantu bakwe umulinganya! Tacakafisame mu lubuto, leo abantu ababifi bakonkanyapo fye ukulabifya ukwabula ne nsoni. ⁶ "Ine nalilofya imishobo ya bantu; nalyonaual ne mpungu shabo. Nalilenga imisebo yabo amapopa, nokuti umuntu nangu umo epitamo. Imisumba yabo yalyonaika tamwaba abantu tamwasala bakwikalamo. ⁷ Naletila nati, 'mucine fye mwa kulantina. Sumineni no kubwelela mu nshila kabili mwikaputulwako ku mishi yenu pali fyonse ifyo mpaanga ukumicita. Lelo balekabila ukutendeka cila lucelo mukubifya imicitile yabo. ⁸ Eico kanshi ndoleleni-uku ekulanda kwakwa Yawe-mpaka ubushiku lintu nkema mukulubulwisha abantu pantu amapange yandi yakulonganya imishobo, ne shamfumu sha mufyalo, nokupongolwela ubukali bwandi pali bena ne cipyu candi conse; pantu ukubilima kwa bukali bwandi kukaboca. ⁹ Lelo elyo nkapilibula ukulanda kwa mishobo yonse, pakuti bonse bakete pe shina lyakwa Yawe nokumubombela no mutima umo. ¹⁰ Ukufuma kubushilya bwa mumana wa Kushi, abantu bandi aba mpepa-abantu bandi abasalangana-nabo bakalandetela ifya bupe. ¹¹ Mubushiku bulya tawakalengwe insoni pa mibele yobe yonse iyo wacita kuli ine, pantu pali iyo nshita 'nkafumya pakati kobe abamataki naba cilumba, kabili pantu mukaleka ukuitutumuna pa lupili lwandi ulwa mushilo. ¹² Lelo nkashamofye muli imwe abantu abafuak kabili abanakilila, kabili bakasanga icubo mwishina lyakwa Yawe. ¹³ Abakashalamo abena Israeli tabakalecita ulufyengo nangu ukubepa ubufi; kabili tabakalelanda ifyabucenjeshi mu tumwa twabo; eico bakalalya nokuikalial kabili takwakabe nangu umo uwakubatinya." ¹⁴ Imba, we mwana mwanakashi wa Sioni! Aula we Israeli. Sangalala nokusamwa no mutiam obe onse, we mwana mwanakashi wakwa Yerusalemu. ¹⁵ Yawe nafumyapo ifo akupingwile, nafumyapo naba lwani bobe bonse. Yawe emfumu yabena Israeli aban mukati kobe. Tawakatale autina icintu nakabili. ¹⁶ Mubushiku bulya bakasosa mu Yerusalemu abatu, "witina Sioni. Wileka amaboko yobe yatompoke. ¹⁷ Yawe Lesa obe ali mukati kobe, impalume iyaba namaka yakukupususah. Akasansamukila muli iwe; akekala tondolo pali iwe mucitemwiko cakwe; akasekelela pali iwe nokuibilikisha nensansa. ¹⁸ Nkalonganya abo abaloosha, abo abashisangwako pa nshikunkulu iyasontwa, eico tawakatale ausebana nakabili. ¹⁹ Mona ndi mupepi nokwimina abantu abakucusha. Pa nshita iyo nkapususha bonse abalemana kabili no kubwesha abasalangana muli bunkole kuno ku mwabo. Nkabalenga ukuba cindamika nokubalumbaya ku nko shonse pano isonde kabili nkapwisha umusenbanya wabo. ²⁰ Pali iyi nshita nka mutungulula; pali iyi nshita nka milonganya pamo. Nkamupela ubucindami kabili no lulumbi pa mitundu yonse, isonde lyonse ilyo nkamubwesesha ishuko lyenu ku cinso cenu nakabili," efyasosa Yawe.