¹ Longaneni mwe bena mupalamano kabili kumaneni, uluko ulwabuka insoni-ilyo icipope tacilaisa kabili ubushiku tabulapita nge misungu, ² ilyo icifukushi ca bukali bwakwaYawe, ubukali tabulaisa pali imwe, ilyo ubushiku bwa kwa Yawe no bukali tabulaisa pali imwe. ³ Fwayeni Yawe, imwe bonse mwe bafuka abantu bakwe pa calo mwe banakila ubupingushi bwakwe! fwayeni ubulungami bwakwe fwayeni ubufuke, kabili limbi muli no ku cingililwa mu nshiku sha kwa Yawe ubukali bwakwe. ⁴ Pantu Gasa ali nokonaulwa kabili Ashiklene ali no kuba ici pomonwa. Kabili bali no kufumyamo Ashidode mu kasuba, kabili Ekrone ali no ku shi maulwa! ⁵ Kalanda ku baikala ku lulamba lwa bemba, uluko lwa bena Kerete! Yawe na sosa, ukwa lukila imwe, kenani, impanga iya ba Pelishiti. neli no ku myonaula mpaka takuli kushalamo no uwaikalamo. ⁶ Eico ululamba lwa bemba lulino kuba apa kwikalo aba cemi kabili ya kaba amacinka ya mpanga. ⁷ Kabili ululamba lwa bemba lukaba ku bashalapo aba munganda yakwa Yuda, abali noku cema umukumi wabo kulya. Abantu babo bali noku lola panshi mu cungulu mu nganda ya Ashklone, pantu Yawe Lesa wabo ali no kubabaka noku bwesha bunkole bwabo. ⁸ "Nalyumfwa ukusebanya kuli Moabu kabili ne nsele ku bantu ba bena Amone ilya ba Sebenye abantu bandi no kususha imipashi yabo. ⁹ Eico, ilyo njikela-ici ecisemo cakwa Yawe uwa milalo, Lesa wakwa Israeli-Moabu ali no kuba nga sodomu, kabili abantu bakwa Amone nga Gomora, icifulo caba kaenya kabili ne cilindi ca mucele, cikalekwamo umuyayaya. Lelo abapusuka abantu bandi ba konaual bena, kabili abashalapo abantu bandi bakapyaninina bena." ¹⁰ Ifi fikacitika ku bena Moabu kabili na kubena Amone pa mulundu wa filumba fyabo, pakuti ba sebenye kabili nokuitakisha ku bantu ba kwa Yawe wamilalo. ¹¹ Kabili Yawe akaba uwa kutinya pali bene, pantu ali nokonaula imilungu yonse iyo pano isonde. Uuli onse akakontamina panshi kuli ena, cila umo ukufuam pku cifulo cakwe, ukufuma kunamba yafishi fyanko. ¹² Naimwe mwe bena Kushi mu kaputulwa ku lupanga lwandi, ¹³ nokuboko kwakwa Lesa ku kasansa kukapinda kakuso noku bongolola Ashiru, pa kuti Ninife ukuba, uwa pomoka uwaumisha uwamange ciswebebe. ¹⁴ Kabili umukuni uli no kulala panshi kulya shonse inama sha mu c alo. Shonse isha mu ciswebebe ne sela na cinungi ali no kutusha pa mulu wa nceshi shakwe. Akapululu kakalila ukufuma pa nsolokoto; mwa nkole akaba pa mwenshi, ifi muti fya mikedari fikamoneka. ¹⁵ Uyu musumba wa nsansa uwaikala ukwabula umwenso, uwatile mu mutima wauko, "naba, kabili takwaba ica ku ninganyako." Ifyo waba icapomonwa, icifulo ca kuyolololamo inama no kulalamo panshi muli cena. Onse uupitapo pali cena alaitomona no kusunsha amaboko kuli cena.