¹ Mu mweshi walenga cine lubali pa bushiku bwalenga amakumi yabili -na bumoubwa mweshi,icebo cakwa Yawe caishile mukuboko kwakwa Hagai kasesema, ukutila, ² "sosa ku mulashi wakwa Yuda,Serubabele umwana mwaume wakwa Shelitiele,na kuli shimapepo mukalamba Yoshua umwana mwaume wakwa Yehosadaki,na kubantu bashelepo. Utile, ³ 'nani uwashalapo muli imwe uwamwene ino ing'anda mu bukata bwaiko ubwakale? Bushe mulemona shani nomba? Bushe taili nga iyafye mu menso yenu? ⁴ Nomba,ba uwakosa ,we Serubabele !-Uku ekusosa kwakwa Yawe -kabili ba uwakosa ,shimapepo mukalamba Yoshua we mwana mwaume wakwa Yehosadaki;kabili beni abakosa ,mwe bantu bonse mu calo!-uku ekusosa kwakwa yawe-kabili bombeni,pantu ndi naimwe!-Uku ekusosa kwakwa Yawe uwamilalo. ⁵ Ici ecipangano ico napampamike na imwe ilyo mwafumine mu Egupto, no mupashi wandi wiminina pali imwe.Mwitina! ⁶ Pantu Yawe wa milalo atila ifi: munshitafye iinono na kabili umuku umo inkasunkanya umyulu ne sonde,bemba no mulundu! ⁷ Nkasunkanya inko shonse, ne nko shonse shikaleta ifintu fisuma ifyashiko kuli ine, kabili inkesusha ino ing'anda no bukata, efyasosa Yawe wa milalo. ⁸ Silfere na golide fyandi !-uku ekusosa kwakwa Yawe uwa milalo. ⁹ Ubukata bwa ii ing'anda bukaba ubukalamba ku ntanshi ukucila pa kutendeka, efyasosa Yawe uwa milalo, kabili inkapela umutende muli ino incende!-uku ekusosa kwakwa Yawe uwa milalo." ¹⁰ Pa bushiku bwalenga amakumi yabili na yane mu mweshi walenga pabula, mu mwaka wa cibili uwakwa Dariusi, icebo cakwa Yawe caishile kuli Hagai kasesema ukutila, ¹¹ "Yawe uwamilalo atila ifi: ipusha bashi mapepo ifikumine ifunde, no kutila, ¹² 'nga cakutila umuntu uusendele inama iyo iipatwililwe kuli Yawe mu cisempe ca nsalu yawe, ne cisempe cakumya umukate nangu icaipikwa, umwangashi nangu amafuta, nanagu umusango wacakulya uuli one, bushe kuti caba ica mushilo?"' Bashimapepo bayaswike no kutila, "Iyoo." ¹³ Elyo Hagai atile, 'ngacakutila umo uwakowela pamulandu wamfwa akumya cimo pali ifi fintu, bushe fyaba ifyakowela?" Bashimapepo bayaswike no kutila, Ee, fyaba ifyakowela." ¹⁴ Eico Hagai ayaswike no kutila, "efyo caba naba bantu no luko ulu kuli ine!-Uku ekusosa kwakwa Yawe-kabili efyaba no kubomba kwa maboko yabo. Ifyo batuula kuli ine fyali kowela! ¹⁵ Eico nomba, tontonkanyeni mu mano yenu palwa kale ukufika pali buno bushiku. Ilyo ilibwe talyabikilwe pelibwe libiye mwi tempele lyakwa Yawe, ¹⁶ bushe cali shani? Ilyo mwaishile ku mwina wacipimo amakumi yabili aya nganu, mwalifye ikumi; kabili ilyo mwaishile ku cikamino camwangashi kukutapulamo icipimo amakumi yasano, mwalifye amakumi yabili. ¹⁷ Nali mucushishe ne milimo yonse iya maboko yenu na lelo tamwayalukile kuli ine-uku ekusosa kwakwa Yawe. ¹⁸ Tontonkanyeni ukufuma buno bushiku ukuya kuntanshi, ukufuma ubushiku ubwalenga amakumi yabili na shine ubwa mu mweshi wa pabula, ukufuma ubushiku ilyo umufula we tempele lyakwa Yawe wabikilwe. Tontokanyeni ici! ¹⁹ Bushe mucili imbuto mubutala? Umwangashi, umukunyu, umupomegranate, no muti wa miolife tafyatwala! Lelo ukufuma buno bushiku nkamupaala. ²⁰ Elyo Icebo cakwa Yawe caishile kuli Hagai umuku wa cibili pa bushiku ubwalenga amakumi yabili na shine ubwa mweshi no kutila, ²¹ "Sosa ku mulashi wakwa Yuda, Serubabele, nokutila, 'nkasunkanya imyulu ne sonde. Pantu nkawisha icipuna camabufumu no konaula ubukose bwamabufumu ya nko! ²² Nkawisha amaceleta no baninapo; bakabalwe na baninapo bakapona panshi, umo umo pamulandu walupanga lwakwa munyina. ²³ Pali bulya-uku ekusosa kwakwa Yawe uwa milalo-nkakubuula, Serubabele wemwana umwaume wakwa Shealitieli, nga umubomfi wandi- uku ekusosa kwakwa Yawe. Nkakucita nga inindaminwe yakufwatikilako, pantu nali kusala!-uku ekusosa kwakwa Yawe wamilalo!"