¹ Mumwaka wabubili uwa mfumu Daruisi, mumweshi walenga mutanda, pabushiku, bwa kubalilapo ubwamweshi, icebo cakwa Yawe caishile mukuboko kwakwa Hagai kasesema umulashi wa Yuda, Serubabgeli umwana mwaume Shealitielu, nakuli shimapepo mukalamba Yoshua umwana mwaume wakwa Yehosadaki; ukulanda ati, ² "Yawe wamilalo alanda ici; aba bantu balanda ati, 'tenshita yesu iyakwisa nangu kukula inganda yakwa Yawe." ³ Elyo icebo cakwa Yawe caishile mukuboko kwakwa Hagai kasesema, ukulanda ati, ⁴ "ninshita yenu mwebene ukwikala mumayanda yenu ayapolishiwa, Bushe Iyi nganda ilifye icibolya? ⁵ Eico nomba Yawe wamilalo alanda ici bakeni imibele yenu! ⁶ Mwalitanda imbuto ishingi, lelo shaisa utunono; mulalya lelo tamwikuta; mulanwa lelo tamukolwa. Mulafwala lelo tamukaba mwebene, kabili uubombela amalipilo akwata indalama kukubikafye mwitumba ilyaisulamo ifipunda! ⁷ Yawe wamilalo asosa ici: "bakeni imibele yenu! ⁸ Nineni kulupili, mulete imbao, nokukula inganda yandi; elyo nkasansamushiwa muli yena, kabili ikacindamikwa!- Yawe asosa." ⁹ "Mwalefwaya ifingi, lelo moneni! mwaletele utunono munganda, pantu nkafiputa! Cinshi? Acipampamika Yawe wamilalo." Pantu inganda yandi yaba ifibolya, ilyo cilamuntu alebutukila ku nganda Yakwe fye. ¹⁰ Pamulandu waici imyulu shaikata umume kuli imwe, ne calo caikata ifisabo ifyaciko. ¹¹ Naitile icilala pa calo kabili pampili, pa ngano kabili pamwangashi uupya, pamafuta napafyo umushili wamesha, pabantu napafinama kabili pakubomba konse ukwamaboko yenu!" ¹² Elyo Serubabeli umwana mwaume wakwa Shealitieli, na shimapepo mukalamba, Yoshua umwana mwaume wakwa Yehosadaki, nabantu bonse abashelepo, nokubela ishiwi lyakwa Yawe lesa wabo ne fyebo fyakwa Hagai kasesema, pantu Yawe Lesa wabo namutuma kabili abantu batiina icinso cakwa Yawe. ¹³ Elyo Hagai, inkombe yakwa Yawe, yasosele ubukombe bwakwa Yawe ku bantu no kusosa ati, "ndi naimwe!-uku kulanda kwakwa Yawe!" ¹⁴ Eico Yawe aimishe umupashi wamulashi wa mu Yuda, Sebubali umwana mwaume wakwa Shealitieli, no mupashi wakwa shimapepo mukalamba Yoshua umwana mwaume wakwa Yehosadaki, no mupashi wabantu bonse abashelepo, eico balile kabili babombele munganda yakwa Yawe wamilalo, Lesa wabo ¹⁵ mubushiku bwa makumi yabili nacine ubwa mweshi wamutanda, mumwaka wabubili uwa mfumu Dariusi.