¹ Nomba malaika wakulenga busano alilishishe intandala yakwe. Nalimwene ulutanda ukufuma ku mulu ulwaponene ukufuma ku mulu ulwaponene pe sonde. No lutanda lwalipelwe imfungulo ya cilindi cashika aya pacilindi cakubula impela. ² Aliswile icipunda cashika ica calindi cakubula impela, kabili icushi califumine mu cilindi kubati cushi cikofuma umwakwengulwila. Akasuba no mwela fyalyalwilwe fititi ku cushi calikufuma mu cilindi cashika. ³ Mucushi mwalifumine bamakanta abaishile pe sonde, kabili balipelwe amaka kubati ya ba kaling'ongo pe sonde. ⁴ Balibebele ukukana konaula icani ca pe sonde nangu icili conse icakatapa katapa nangu icimuti, lelo kanofye abantu abatafwatikwe icikakatikilo ca kwa Lesa pa mpumi shabo. ⁵ Tabapelwe insambu sha kwipaya aba bantu, lelo kanofye ukubapa butanshi pa myeshi isano. Ubukali bwabo bwali kubati busungu bwa kwa kaling'ongo ulo asuma umuntu. ⁶ Muli shilya nshiku abantu ba kalekufwaisha ukufwa lelo tabakaisange. Bakalakukumbwa ukufwa apakalamba, lelo imfwa ikalekufulumuka ukufuma kuli bena. ⁷ Ba makanta balikumoneka kubati niba kabalwe abo bateyanishiwa bulwi. Na pa mitwe yabo pali fintu kubati filongwe fya golide, kabili ne finso fyabo fyali kubati bantu. ⁸ Balikwete umushishi kubati mushishi wa banakashi, kabili na meno yabo yali kubati meno ya nkalamo. ⁹ Balikwete ifyakucinga ififuba kubati fyakucinga icifuba ifya cela, kabili ciunda ca mapindo yabocali kubati ciunda cipangwa na macheleta ayengi na bakabelwe abakobutukila mu bulwi. ¹⁰ Balikwete imicila iyali no lubola lwa busungu kubati ni ba kaling'ongo; mu micila yabo bali na maka ya kulimuna abantu pa myeshi isano. ¹¹ Balikwete nge mfumu pali bena malaika wa kucilindi cakubula mpela. Ishina lyakwe muci Hebere lyali Abaddon, na muci Giriki alikwete ishina Apollyon. ¹² Ne cabulanda cantanshi cilipitile. Moneni! Panuma yaifi pali nafimbi ifinkunka fibili ifikoisa. ¹³ Na malaika walenga mutanda alilishishe intandala yakwe, kabili naumfwile ishiwi likofuma pa masengo ya cipailo ica golide icaba pa mulola wa kwa Lesa, ¹⁴ likolanda kuli malaika walenga mutanda uwakwete intandala, "Lekelako bamalaika bane abo abakakilwe pa niika ikalamba iya Euphrate." ¹⁵ Ba malaika bane abateyaninwe pali ilya insa,pali bulya bushiku, muli ulya mweshi, kabili muli ulya mwaka balilekelweko ku kwipaya icipendo ca butata ica mutundu wa bantu. ¹⁶ Ne mupendwa ya fita ifyali panuma ya bakabalwe yali 200,000,000. Nebo nalyumfwile impendwa yabo. ¹⁷ Nefi efyo nebo namwene bakabalwe mu cimonwa candi kabili nabo abaninine pali bena: Ifya kucinga ififuba fyabo fyali ifyakukashika ngo mulilo, ifyafita makumbi makumbi kabili ngo mutuntula wa salfere. Ne mitwe ya ba kabalwe yalipalile imitwe ya nkalamo, na mu tunwa twabo mwalifumine umulilo, icushi kabili na salfere. ¹⁸ Necipendo ca butatu ica bantu balifwile kuli ici cikuko ca batatu: umulilo, icushi kabili salfere ifyali kufuma mutunwa twabo. ¹⁹ Pantu amaka ya ba kabalwe yali mu tunwa twabo kabili na mu micila - ico imicila yabo yali kubati ni nsoka, balikwete imitwe iyo bali kucenenako abantu ifibenga. ²⁰ Na bonse abantunse abashelepo, abo abashaipaiwe kuli ifi ifikuko, tabalapile ukufuma ku milimo ya maboko yabo, nangu ukuleka ukushinshimuna ifibanda nangu ifilubi fya golide, silfere, umukuba, amabwe kabili ne fimuti - ifintu ifitakomona, ukumfwa, nangu kwenda. ²¹ Awe tabalapile ukufuma mu kwipaya, kufya malele fyabo, ubulalelale bwabo nangu imilimo yabo iya bung'oo.