¹ Nomba, bamunyinefwe, mulekutupepelako, ukwebati icebo cakwa Shikulu ciye ulubilo no kucindamikwa, ifyo caba na kuli mwebo, ² kabili ukwebati twingapokololwa ku bantu ababula ukulungama kabili abakubipa, pantu tebonse abakwata icitetekelo. ³ Lelo Shikulu wa cishinka, uukamikosha no kumibaka ku mubifi. ⁴ Tulikwete ukusubilila muli Shikulu pali mwebo, ukwebati mukocita fyonse no kutwalilila ukucita ifyo tukonkomesha. ⁵ Shikulu enga tungulula imitima yenu kukutemwa kwa kwa Lesa na ku kushipikisha kwa kwa Kristu. ⁶ Nomba tukomikonkomesha, bamunyinefwe, mwishina lyakwa Shikulwifwe Yesu Kristu, ukwebati mwingataluka kuli munyina onse umunang'ani kabili uutekala ukulingana ne ntambi mwapokelela kuli fwebo. ⁷ Pantu mwebo mwebene mwalishiba ukwebati cakulungama mwebo ukuipashanya kuli fwebo, pantu tatwali abanang'ani ulo twali na mwebo. ⁸ Tatwalile umukate wa muntu uli onse ukwabula ukulipila, lelo twalikubomba ubushiku na kasuba mu kubomba no kutukuta, pakukanaba icisendo kuuli onse pali mwebo. ⁹ Twacitile ifi temulandu wa kwebati tatwali ne nsambu, lelo twacitile fi pakuba icakumwenako kuli mwebo, pakwebati mupashanye kuli fwebo. ¹⁰ Pantu ulo twali na mwebo twali mikonkomeshe, "Uyo uutafwaya kubomba no kulya elakulya." ¹¹ Pantu tulomfwa ukwebati bamo pali mwebo benda mubunang'ani, tebakucincila ukubomba, lelo bakupamfiwa na fintu fimbi. ¹² Nomba abakubefyo tukobakonkomesha no kubakoselesha muli Shikuli Yesu Kristu ukwebati balekuibombela mu mutalalila no kulya umukate wabo. ¹³ Lelo mwebo, bamunyinefwe, mwinaka mukucita icabune. ¹⁴ Kabili nga cakwebati uuli onse tabela ifyebo fyesu muli iinkalata, mu mwishibe kabili mwikwata ukwampana nao, pakwebati engekatwa insoni. ¹⁵ Lelo mwimucita ngo mulwani, lelo musokeni kubati wa bwananyina. ¹⁶ Nomba Shikulu wa mutende umwine amipele umutende inshita shonse munshila shonse. Shikulu abe na mwebo bonse. ¹⁷ Nebo, Paulo, nkolemba ifi ne minwe yandi, icakuba cishibilo pa nkalata yonse iyo nkolemba. ¹⁸ Ukusenamenwa kwa kwa Shikulwifwe Yesu Kristu kube na mwebo bonse. Ameni.