¹ Paulo, Silbani, na Timote, ku lukuta lwaku Tesalonika muli Lesa Shifwe na Shikulu Yesu Kristu. ² Ukusenaminwa kuli mwebo no mutende ukufuma kuli Lesa Shifwe na Shikulu Yesu Kristu. ³ Fwebo tufwile lyonse ukupela ukutotela kuli Lesa pali mwebo, bamunyinefwe, ngefyo cifwile ukuba, pamulandu wa citetekelo cenu icilekulilako no kukulilako, ne citemwiko mwakwata kuli umo no munankwe icilekulilako. ⁴ Eco fwebo tulaitakisha pali mwebo mu nkuta shakwa Lesa pakutekanya kwenu ne citetekelo muku pakaswa kwenu konse, na muku cucutika uko mukopitamo. ⁵ Ici e cishininkisho ca bupingushi bwa kwa Lesa ubwakulungama, ukwebati mwebo mukumeko kubukankala bwa bufumu bwa kwa Lesa, ubo na mwebo mukoculila. ⁶ Pantu mucine, bulungami kuli Lesa uku bwesesha ukupakaswa kuli abo abamipakasa mwebo, ⁷ no kumwangushako mwebo mwe bakopakaswa pamo nefwe, ilintu Shikulu Yesu akosokololwa ukufuma mu mulu pamo naba malaika bakwe abamaka ⁸ mu lubingu lwa mulilo, ukubwesesha icilandushi pali abo abataishiba Lesa nabo abatabela ku mbila nsuma yakwa Shikulwifwe Yesu. ⁹ Bali no kucula kukukandwa kuboni bwa muyayaya ukufuma kwisenge lyakwa Shikulu na kubukata bwa maka yakwe. ¹⁰ Ali no kucita ici ulo akesa pali bulya bushiku muku sumbulwa mu bantu bakwe abashila na mukumutakisha kuli bonse abamucetekele, pantu ubunte bwesu kuli mwebo bwali cetekele. ¹¹ Pamulandu wa ici nefwe tula mupepelako mwebo ukukanaleka, ukwebati Lesa wesu amupende abacindama kubwite bwenu na ku maka yakwe afikilishe yonse amapange yabune yonse no mulimo onse uwa cicetekelo. ¹² Fwebo tulapepa palwa ici ukwebati ishina lyakwa Shikulu Yesu lilumbaniwe muli mwebo, na mwebo muli ena, ukulingana no kusnamina kwa kwa Lesa wesu na Shikulu Yesu Kristu.