¹ Eduuwa tooni sototo dewä acäichea anoto iyää nunö jäcä dea, Israelitacomo cönatadejaicho tönwanno cönänemaicho cönewontoichodea wedenno quee tujucomo dewä mmaja cönnöichodea. ² Israelita weichöcomo cönäsancwacho yawä tamedädä ñanno anejjacomo jonno. Cönosancwacho, cönecanmaicho töconenadiiyicomo jenadojocomo conenadiyöcomo mmaja. ³ Cönamöicho yaawä yätä cönäjatodö dötonno yawädea tönwanno töconenadiyicomo quenecamaicho tomudhe cönödöicho cajichaana Wanaadi jetaca. ⁴ Levitacomo, Jesúa, Bani, cadmiel mmaja, Sebanías, Buni, Serebías, Bani, Quenani mmaja cñnanmöicho cawoche quenecatoicho yawä cajichaana töwanadiyicomo. ⁵ Yä´jemma yaawä Levitacomo, Josúa, Cadmiel mmaja Bani, Hasabnías, Serebías, Hodias, Sebanías, Petaías mmaja, cönödöato: ´´Ätäcä cajiichana Wanaadi cöÿademotäiye yeichödäje´´ adhetöjoi awademequiñato ashicha töwecatañädöque mmaja. ⁶ Cajiichana amäädä, caju amodenöneijödö tamedä suddau jadädä, iyää tamedädä nonodewä nadö da´mma mmaja tamedä mädä taddonñe mödöa osaddau öwademecato cajunña. ⁷ Cajiichana amädä, Wanaadi cönei Abram cunucai yaawä Ur caldeos acanno, chätö cuntui Abram je. ⁸ Cönedantäi töwö neneque ñecanjödö amädä muune adhadeddu inñacontoncomo wwä utudu wetä cananeanñacomo nonodö, Hititas ñancomo, Amorreos ñancomo, Ferezeos ñancomo, Jebuseos, Gergeseos ñanno mmaja, amädä mecanmane ecanmajä tu´emö chonönge aweiyajäcä. ⁹ Töwö cönäntunamjöi tädachomo jadäiñe Egitonña, yamodöcomo metane, tuuna Cañas dötä. ¹⁰ Menejone ashichato Faraon wäiñe, tamedä shotoichomo, tamedä sotoi, iyää nono dewoncomo mmaja, odhowanäcä Egitonñacomo coneda connäi chäjäcäiñe, määdäje amädä adhetö mödöne eduuwa jonno tödöene. ¹¹ Yäjemma yawä, amädä mishancwajone tuuna, shetacaiñe tönwanno yejadätodöcomo wetä, tuuna yatocajäai noono sedejato dewä cöntonto, möjatäne ñanno cönajecatodö tuuna oocäi söje, tääju tuuna söjatoca emadö nönge. ¹² Cönadoicho yaawä cadutuque tadue anonñadädä watoque comwenjoicho coijai tötotocomoje muuduje tödhawadöcomoque cömtonto. ¹³ Sinaí jödö dewonno töwö cönätäi cönadeuwöi chowäiñe cajunñanno, chäwäiñe muune chänöngato, wanontänä neene, wanontänä imennajä mmaja. ¹⁴ Dhowanäcäiñe mödöjone iyä ashichato wädetatojo anoto awä, mune chäwäiñe wanontänä imennajä mmaja. ¹⁵ Muune chäwäiñe chäwanshucomo cajunñano, tooju anñano tuuna wecomodö yocädöcomoje mmaja. chowäiñe mädäquene yaawä ojoncomo chanacätäntäcä iyää noono, a´dhededdu munedö chäwäiñe munedä. ¹⁶ Yawääne tonwanno cadaijocomo mmaja cöntonto tönonñeda cujeje, iyää wanontönö anetada cöneiyato. ¹⁷ Tönwanno etaseda cönäjato, äntötamecöda mmaja ashichato tödöjödö jäcä yätänñe, yääje yeichame, anetadadea cöneiyato, yääje mmaja töjääduducomo quee, töcajichanachomo cönetoicho, inña mmaja jedesuje töwe´chocomo jonno towenacadöcomo wetä. Amädä ñäädä wanaadi tamedä conemjönö encwanojonei dha´mano, chänöngato, ashichato enejjonei mmaja, conenjönöje iyää wee´chame amäädä wojummanöje mma inña cösancwada mmaja. ¹⁸ Amädä änsancwada meyaquento jaaca nedöcä yacwajä mamodenätäneda wa, mädä tödöjödö aweichamenñe Wanaadi asancwadanñe queneyacä, yaawä cönödöato: ´´Mädä ñäädä Wanaadi Egitonñano ädhucanedö´´ mädeje yädötame wotoncutojo´neje cönäjato. ¹⁹ Amädä, wentomje änetä aweechö yeijäcä önsancwada meyaquento chutajemjönö aca yeichameiñe, nuunö cönadocho yääwä chämadöcomo ecanmeneije änsancwada anonñadädä queneiyato, yääje mmaja cöntontodea coijai chämadöcomo yeijancädä wato emjannajä que. ²⁰ Amädä muune ashicha aweichö, ecanmadö wetä chääwäiñe mmaja änsancwada meyaquento yaawä, emjätöse yeichöcomo yocödöcomo muunedea. ²¹ Aacä soto (40) weduto´cwacä ashchato cönnöi chäjäcäiñe, tujumnatojedada töweiye cönäjato, yomöcomo atameda, i´juducomo awojotöda mmaja. ²² Mu´ne yanontädöcomo wetä tösotoi jadäinñe nono chäwänñe mune yawä shuntaichomo wadäi. Mädäje tönwanno cönajäntoicho töjo´ducomo quee Sehon nonodö¨, Hesbón cajichana chä´dö, og nonodö mmaja Basán cajiichana chä´dö. ²³ Amädä mädäne jooje inñacomo cajunña siidichä nönea wacä jooje yeichö meneto yaawä ñonodöcomo dewä. Odomontocä ajächäcä yaawä ojoduducomoque quee cönädöacä jenadojocomo wäiñe. ²⁴ Medeje sooto cöntonto noono dönña töjoduducomoque amädä maane mädä shetacanñe ñanno sooto iyää noono yejatatacomo cönäjatodö, Cananeos ñancomo amädä chäwwäiñe muune, chädhajotoncomo shotochomo mmaja, Israelita tunjumadöcomo woije tödödö wetä yaawä. ²⁵ Tönwanno cönedamtoicho jaata noono jojato natö ja´no, cönedantoicho dea ääsa chänönge tödöajä, tuna ewötö´je, Olivo ñatötajäajä,natö jojato chäjedödö jano töweiye maja.mädeje tönwanno cönäwashinchoicho joje mädäje wanaadi nutuudu ashichato cönwademecöicho. ²⁶ Yaawäne tönwanno yoijeda mmaja cöneyatodea eduuwa, awanontädö täjeda connöicho. Tönwanno cönemaicho ñanno Wanaadi adeddu ecamjänechomo cannodea cönecammaicho yeinacadö wetä äwwadädä. Tönwanno cönätoncutoicho. ²⁷ Yää´je amädä muune conemjönöcomo wäiñe yontunamjödöcomo wetä, yaawä cönontunanöatodawä tönwanno cöneato Wanaadi wä töwö cönetacä cajunñanno wannade wewanacaneto conejönöcomo jonno ashichna aweichö woije. ²⁸ Yääje tönwanno cönädetaicho, cönnöicho dea conemjönö adhantawä, menonjaneto conenjönöcomo enwawäiñe, yääje yeijäcä ñanno conenjönöcomo cönesetoicho yaawä. Yaawäne tönwanno cönenacaicho Wanaadi wä cönadewöicho metaaneto cajunñanno wäjummanöje aweijäcä mewanecaneto. ²⁹ Töwö cönecamai towonchadänñeda töweichöcomo, medeje töwö wanontönö etadöcomo wetä, anetada mmane cöneiyato awanontädä. Tänwanno conenjönö cönnöicho iyää änmennädö jäcä, iyää chänöngato nödöadö yoije aweiyajäcä. tönwanno yoijeda cöneiyato, etaseda mmaja. ³⁰ Numa weedu amädä iñawowantañäne mecamane ashischato Wanaadi adeddu anetadammane cöneiyato. Muneto yaawä sooto amuncheda cönäjatodö yötänñe enwawä. ³¹ Yääje yeichame amädä madäne ashichato chäjäcänñe, änsancwada meyaquento ashichato wäjunmanäje aweijäcä mmaja. ³² Eduane Cajichana Cöwanadiyäcomo chänöngato, jodujato mmaja, yätädä nödöa tadeddu imennajä mojunmanäje yeichö mmaja owontunamjädö manenomjache, määdäque mödöneto. Cajichanacomo, Sacerdotes, Profetacomo jenadojocomo mmaja, tamedädä soto isirianñano Cajiichanacomo eduwa tamedädä ñanno soto cajiichana Asiria anotochädä awä eduwa nadö jona tödöene, tujumnemjönöcomo nönge ajetaca na´tode. ³³ Chänöngato amädä tamedä yeichö wacä iña nudö mädöadä, neneque mmaja munedea iya mane coneda töweichö neneja. ³⁴ Inña cajiichanai, Wanaadi adeddu ecamanei ñää adaichö mmaja, wanontono ännöda nato, Yää jajeda imennajä yää chäwwäiñe mecanmadö. ³⁵ Yaawä tönonodöcomo yeichame tönwademeque cänäjato öwwä uutame chäwäiñe, coneda cönäjato, ashichato nonodewä tönwanno mädötäne, ene´cäde queneyato conemjönö acano yeichöcomo. ³⁶ Eduuwa shotoichomoje ñaa na, yää nonodö mu´nedö ñaa adäichomo wä ñaa ewanshi we´chojoje täjemjönö weichojoje mmaja, ¡shotoichomoje ñaa na eduuwa! ³⁷ Eduuwa mmane ñaa nonodö dewä cajiichana mu´nedö ñaa ejodhacäcä ñaa conenadiyö jäcänchädä. Tönwanno chänwawänñe ñaa na eduuwa ñaa ecöntomo mmaja. Wentumje ñaa na eduuwa. ³⁸ Tamedä mädä ñaa neneadö, ta´deddu imennajä ñaa nua. Yää jajeda imennajä jäcä cajiichanacomo e´täcomo na, levitacomo Wanaadi adeddu ecanmannamo mmaja.´´