¹ Iyää anooto awä Moise nimennädö jaajeda cönadeetoicho sooto netadöcoomoje. Imennajä cönedantoicho ñanno Amonita tonichä yejummadöcomo Wanaadi jadä omomjaicha yeichöcomo. ² Edä cönejadätäi ñanno Israel äwanshi, tuna dhameda cönejotodö jäcänñe, coneedamma Israelitacomo jäcänñe töwadewewö cönajäntoicho Balan woije. ³ Yääje yeichame, conemjönöje eijaicho ashichato je Wanaadi cönnöi, töwäänñe etajäcä´ deamma iyää wanontänä tameedä ñanno Israelitañanno cömjacanö´joicho aneejacomo sooto chäjadäiñe cönäjatodö. ⁴ Yaawä, edä owajo, ñäädä Eliasib sacerdote, cönäjacä Wanaadi esadö maa tödöjäajä shomatojo edachäneije, töwö cönäjacä Tobía wääjimmätädö. ⁵ Eliasib cönconecai shomatojo maa adaijoto, iyää ashichaato uajajä shomatojo´je cönäjadö chäjedödö, tödööjäajä, aneja mmaja, awaadenato anatödö ejedödö. vino eucudu tödöenö Aceite mmaja, Levita wäiñe tu´emöje töweiye cönäjadö, töwecantaöñamo wwä, mönatata edachänamo wwä mmaja sacerdotecomo tue´möje töweiye cönäjadö. ⁶ Yaawä edä cönejadäadäwä jedusadenña´da wäjaaquene. Yaawä aduawooto amojadä acä Artajerjes, Cajiichana Babilonianña yeichö, Cajiichana dönña weiyaquene. Yäjeeje numacäiche ⁷ Yäädöajäcä chäjadonno wejaacatojo weecane Cajiichanawä, Jedusadenña yennacane yaawä. Eliasib chänönjenno inñöjödö weetane Tobía wä iyää maa ujäajä shomatojo Wanaadi maai jödodochädö utujödö mmaja. ⁸ Yaawä jooje wäätömane, tamedä Tobía nödödö shomajä cönäjadö iyää maa´taca tamedä wöja´ne. ⁹ Yaawä wanäntäne iyää maa amoichadö jäcä amochajacä wishomanedea yaawä tamedä iyää Wanaadi nödödö, täjemjönö chäjedödö, iyää cadono ijojotojo mmaja. ¹⁰ Yaawä yowanäcä wödööne dea ñanno anontacomo Levita nödödöcomo ujä´namo äntujätöda yeichöcomo, töwadänñe cöntäjätöicho tönadäjocomo aca, ñanno levitacomo töwecantañamo mmaja cönetadawacojoicho. ¹¹ Yääje yeijäcä ñanno e´tacomo wä jooje yadenne wödöaqueene yaawä: ´´¿Aaquene yeijäcä ca mädääwacä odhowonchadäiñedeja matodea Wanaadi mai jaacä.?´´ Manijunmatäne manetätäne dea aweichocomo utudu weetä. ¹² Yääjemma yaawä tamedä judá weichö täjemjönö chäjedödö, vino e´cutajä awadenato aceite shomatojo aca tödödö weetä. ¹³ Wee´täne yaawä edachäneije iyää maa shomatojo ñäädä Selemias, Sacerdote Sadoc mmaja imennä´namo mmaja, Levitacomo mmaja, mmaja, inñäcäiñe cönä´jato Hanán, Zecur needö mmaja, Matanias needö mmaja chänön´e eijai cöntö´tammecato chäjadäiñe. Anontacomo cönäjacä iyää äwanshi shomajä ecamoneije töjadoncomo wäinñe. ¹⁴ Jääcä ätötacäde Wanaadiyö, edä jääcä monconcaiche edä ashichato ännöjödö Wanaadiyö esaadö jäcä chowonoje tödöjödöjäcä. ¹⁵ Iyää anooto awä öwö weneaquene Judá wetadawacojodöcomo uva etajatojo jacä wädetatojo anotochädö awä chäjedödö ijummadöje Burro de´wä ijummancädä, vino mmaja, uva mmaja, higos maaja, tamedä iyää taminñacomo tadämö mmaja, Jedusadenña tönnöe cönäjatodö wädetaatojo anotoichädö awä. Chännön´eda öwwä cönä´neacä wädetatojo anotoichädö awä ejemajodö äwanshi. ¹⁶ ¡ Ñanno Tironñancomo dhanwacomo Jedusadenña cönäjatodö cönnejoto na´cwancomo tamedä yeichö wacä äwanshi tönwanno tönejemajo cönäjato wädetatojo anotoichädö awä Judá weichö wäiñe ijatawäiñe! ¹⁷ Yääje yeijäcä jäduje yadenne Judá edhajotoncomo wäiñe: "¿Anequenei conemjönöje nai edä wädetatojo anotochädä awä mödöatodö? ¹⁸ ¿Edä omotoncomo ännöda cöneiyato? ñäädä cöwanadiiyöcomo jääcä mmaja, ¿conenjönö cö´wadädäinñe ännejoda ca cöneiyacä cöjatadöcomo jääcä mmaja? eduuwa änwanno Wanaadi ede´cwadö jojecä meneato Isdaeditacomo waadädä wädetatojo anochädö annöda aweichonjäcä."