¹ ''Ici cisemo ce shiwi lyakwa Yahweh ilikumine incende ya Hadrak na Damascus, incende yaku tushishapo co; Ico amenso yonse aya muntu ne mitundu ya isreali yatonta pali Yahweh. ² Ici icisemo cili kumine na Hamath, iya pakana na Damascus, kabili cili kumine Tyre na Sidon, ico bakucenjela pamaka. ³ Tyre aliikulile ilinga noku tulika umwina wa silufele kubati lukuungu no kulopolola golide kubati matipa yamu tumishi. ⁴ Lolesha! Shikulu aka mutamfyamo noku monawila amaka yakwe pali bemba, eco akonaikila pa mulilo. ⁵ Ashkelon akamona noku tutuma! Gaza nao akasunkana pa maka! Ekron, isubilo lyakwe likamupwa! imfumu yamu Gaza ikonaika, kabili Ashkelon takashale. ⁶ Ba mwisa bakapanga amayanda yabo mu Ashdod, kabili nkaputula icilumba caba felishiti. ⁷ Ico nkafumya umulopa mutunwa twabo nefya muselu pakati ka meno yabo. Kabili bakaba abakashalapo bakwa Yahweh kubati mukowa wakw a Yuda, na Ekron akaba kubati bena Jebusites. ⁸ Nkacita inkambi ukushinguluka incende yandi pa balwani bandi, pakuti umuntu nangu umo epita nangu ukubwelelamo, pantu tapali uwakubacusha nangu umo uukabacilila, ico nomba ndiimwenene na menso yandi! ⁹ Sansamuka apakalamba, we mwaana mwanakashi wamu Zion! Bilikisha, we mwaana mwanakashi wamu Yelusalemu! Mona! Imfumu yobe ikoisa kuli we. Yakushila kabili ni ikacimfya. Aliicefya kabili nanina napali kabalwe, pa mwaana wakwa kabalwe. ¹⁰ Elo nkaputulako amaceleta kuli Ephraim kabili na kabalwe wa mu Yelusalemu, kabili ubuuta bukaputulwako ku bulwi; ico akalanda umutende ku nko, noku teeka kwakwe kukaba ukufuma kuli bemba nokuya kuli bemba, kabili ukufuma ku mumana ukufika nakumpela ye sonde! ¹¹ Lelo kuli we, pamulandu wa mulopa wa cipangano candi nobe, nkolenga abafungwa ukulubuka ukufuma mu cilindi umo umwakubula amenshi. ¹² Bweleleni kwilinga, mwe bafungwa besubilo! Na lelo nko sosa ukuti nkamibwesesha imiku ibili, ¹³ ico ndipetamikile lubali Yuda kubati buuta bwandi. Muli Ephraim ndiswishemo ukutenta kwandi. Ndimishe abaana baume bobe, Zion, pa baana baume bobe, Greece, kabili nalikucita, we Zion, kubati fiita fyankondo ifya lupanga!'' ¹⁴ Yahweh akaba monekela, ne mifwi yakwe ikalasa kubati ka kubyasha! Ico shikulu Yahweh akapuuta mwi sengo lya mpaanga kabili akafuma nama bimbi ku Teman. ¹⁵ Yahweh wamilalo akaba cingilila, kabili bakabonaula noku cimfya amabwe yamu lenkeni. Elo bakanwa noku bilikisha kubati bantu banwine umwangashi, kabili bakesushiwa kubati finwino, kubati fifutu fya bulambo. ¹⁶ Eco Yahweh Lesa wabo akabapususha pali bulya bushiku, kubati mukuni wa bantu bakwe. Makosa ya cisote ca bufumu ayo yaka bengeshima pa ncende yakwe. ¹⁷ Yangu we bune noku wama bakaba! Abalumendo bakaemba pa ngano nabana cisungu pa mwangashi wakulowa!''