¹ Lombeni imfula kuli Yahweh munshita ya mpepo- Yahweh eupanga amapunga kabiliupaimfula kumuntu onse ne filimwa mu mabala. ² Ico utulubi twamu ng'anda tusosa ubufi; bakabuka nabo babuka ubufi; balanda ifiloto ifya bufi kabili tabapa ubutusho, eico balubaluba kubati ni mpaanga kabili nokucula pantu tapali kacema. ³ ''Ubukali bwandi bukopya pali baka cema; niba sawe- intungulushi- esho nkasalpula. Yahweh wamilalo nao ukalolekesha pa mpaanga shakwe, ng'anda yakwa Yuda, kabili nokubacita kubati niba kabalwe ba nkondo abakwe aba mu bulwi! ⁴ Mu Yuda emukafuma ilibwe lyapa cifutu; muli o mukafuma uwa kumangilako itenti; muli o mukafuma ubuta bwa nkondo; muli o mukafuma intungulushi shonse. ⁵ Bakaba kubati fiita ifinyantaula abalwani babo mumatipa ya mutu mishi ilyo bali mubulwi; bakacita inkondo, ico Yahweh uli nabo, kabili bakansha insoni abo abanina pali ba kabalwe ba nkondo. ⁶ Nkakosha ing'anda yakwa Yuda kabili nokupususha ing'anda yakwa Yusufu; ico nkababweseshamo noku bakwatila uluuse. Bakaba kubati ntabatamfishe, ico ndi Yahweh Lesa wabo, kabili nkabasuka. ⁷ Elo Ephraim akaba kubati cita, kabili ne mitima yabo ikasangalala kubati banwine umwangashi; abaana babo bakamona noku sangalala. Imitima yabo ika sangalalila muli ne! ⁸ Nkaba lishisha umunsoli nokubalonganika, ico nkabalubula, kabili bakafula kubati fintu bali akale! ⁹ Nali basalanganishe mu bantu, lelo bakanjibukisha mu fyalo fyaku tali, ico bo na baana babo bakekala no kubwela. ¹⁰ Ico nkababwesha ukufuma mu Egypt kabili nokubalonganya noku balonganya ukufuma mu Assyria. Nkabaleta mu ncende ya Gilead na Lebanon mpaka fye mwikashala umuputule nangu umo. ¹¹ Nkapita pali bemba wakutitikishiwa kwabo; nkalesha ama bimbi yapali uyo bemba kabili nkakamya konse ukushika kwa bemba wa Nile. Ubucindami bwamu Assyria bukabwelela panshi, kabili na maka ya nkonto yamu ncende ya Egypt yakafuma pa bena Egypt. ¹² NKabakosesha muli ne, kabili bakendela mwi shina lyandi-ici cisemo cakwa Yahweh.''