¹ Mu mweshi wakulenga cine konse konse mu mwaka wa cibili uwa ku teeka kwakwa Darius, ishiwi lyakwa Yahweh lyalishile kuli Sekaliya umwaana mwaume wakwa Berechiah umwaana mwaume wakwa Iddo, kasesema, ukulanda ati, ² ''Yahweh alikalipile ukucilapo kuli ba shinwe! ³ Landa kuli bo, Yahweh wamilalo alandile ifi: Alukileni kuli ne! ici cisemo cakwa Yahweh wa fita-kabili nkobwelela kuli mwe, kulanda kwakwa Yahwe wamilalo. ⁴ Mwiba kubati niba shinwe abo ba kasesema balileko inshita yaku numa, ukulanda ati, ''Yahweh wamilalo alandile ifi: Alukeni ukufuma mu nshila shenu ishibi nefi citwa fyenu ifya bubifi! ''Lelo tabaumfwile kabili tabamposeleko mano-ici cisemo cakwa Yahweh.' ⁵ Ba shinwe-bali pi? Ba kasesema bali pi? Bushe epo bali pe na pe? ⁶ Lelo amashiwi yandi ne fi pope fyandi ifyo na konkomeshe aba bomfi bandi ba kasesema, tafyaikete ba shinwe? Eco balilapile no kulanda, Ngefyo Yahweh wamilalo apangile ukucita kuli fwe ifyo imisango nefi citwa fyesu filingilwe, eco alitumwine.''' ⁷ Pa bushiku bwa lenga ama kumi yabili na fine (24) mu mweshi walenga ikumi limo (11), umweshi wa Shebat, mu mwaka wa cibili waku teeka kwakwa Darius, ishiwi lyakwa Yahweh lyalishile kuli Sekaliya umwaana mwaume wakwa Berekiah umwaana mwaume wakwa Iddo, kasesema ukulanda ati, ⁸ ''Ubushiku nalimwene, no, kulolesha! umuntu alininine pali kabalwe waku kashika, kabili ali pa fimuti fya myrtle ifyali mu mupokapoka; na kunuma yakwe kwali ba kabalwe aba kukashika, aba mambalawila, naba ku buta.'' ⁹ Nalilandile, ''findo ifi fintu, shikulu?'' Elo malaika uwatile kuli ne alandile nandi, ''Nkokulanga ifyo ifi fili.'' ¹⁰ Elo umuntu waiminine pa fimuti fya myrtle aasukile noku landa, ''Aba niabo abo Yahweh atumine ukuya ku kulonda isonde.'' ¹¹ Balya sukile malaika uwaiminine pa fimuti fya myrtle; balandile kuli wo; Tuli londele isonde lyonse; mona, isonde lyonse lilitalele tondolo tondolo kabili lili no mutende.'' ¹² Elo malaika wakwa Yahweh alyasukile noku landa ukuti, Yahweh wamilalo, ni nshiku shinga tamwa kalange uluse pali Yelusalemu na mu misumba yaba Yuda, isho mwafulilwa pa myaka ii amakumi cine lubali?'' ¹³ Yahweh alyasukile malaika uwatile kuli ne, na mashiwi ya bune, amashiwi ya citalalishi. ¹⁴ Eco malaika uwatile kuli ne alandile kuli ne, ''Kuuta noku landa, 'Yahweh wamilalo alandile ifi, naliba uwakalumwa pali Yelusalemu na kuli Zion no luse lwakufula! ¹⁵ Ndi fulilwe ku nko isho shili apa kuwama. Ulo nalifye no bukali apanono kuli bo, elo bacila ukucita ifinkukuma. ¹⁶ Eico Yahweh wamilalo alandile ifi: Ndibwelele kuli Yelusalemu no luse. Ing'anda yandi ikakulwa mukati kakwe-ici cisemo cakwa Yahweh wamilalo-no mwando wa kupiminako ukatambalikwa pali Yelusamu!' ¹⁷ Nakambi kuuta, ulande, 'Yahweh wamilalo alanda ifi: Ubusuma buka paluluka nakambi mu misumba yandi, kabili Yahweh akatalalika Zion, nakambi akasala Yelusalemu.''' ¹⁸ Elo nasanswile amenso yandi noku mona amasengo yane! ¹⁹ Nasosele kuli malaika uwatile kuli ne, ''findo ifi?'' Alinjasukile, ''aya masengo aya salanganya Yuda, Isreali, na Yelusalemu.'' ²⁰ Elo Yahweh andangile abantu abafya ku pangapanga. ²¹ Nalandile, Bushe aba bantu findo bakoisa mukucita?'' Alya sukile, nokulanda, ''Aya masengo aya salangenye Yuda pakuti tapali nangu umo uwakusansula umutwe. Lelo bakafula beshile kuku banukula, ku konaula amasengo ya nko ishaimishe amasengo kuku salanganya umusumba wa Yuda.''