¹ Icakonkelepo nasanswile amenso yandi noku mona umuntu no mwando wakupiminako mukuboko kwakwe. ² Nalandile, ''ukoya kwisa?'' Eco alandile kuli ne, kukupima Yelusalemu, kukwishiba ifyo waba mu bwipi namu butali.'' ³ Elo malaika uwatile kuli ne aile kabili na malaika umbi aya kukumukumanya. ⁴ Malaika wa bubili alandile kuli wo, ''Butuka noku sosa kuli ulya umwaana umunono; ulande, 'Yelusalemu akekala mu calo ica ku pabuka pa mulandu wa bantu ba kufula naba shimweshimwe baba mukati kakwe. ⁵ Pantu nebo-kuli wo nkaba icibumba ca mulilo ukumushinguluka-ici cisemo cakwa Yahweh kabili nkaba ubukata pakati kakwe. ⁶ Ima! ima! Fulumuka ukufuma mu calo caku kapinda kaku kuso-ici cisemo cakwa Yahweh-pantu nali kusalanganya kubati myela ine iya mulwelele-ici cisemo cakwa Yahweh. ⁷ Ima! Fyukila ku Zion, webo we wikala no mwaana mwanakashi wamu Babylon!''' ⁸ Pantu panuma Yahweh wamilalo ansuba alintumine ku nko isha misanshile-pantu onse uwakwikata aikata pa mboni ye linso lya kwa Lesa!-panuma Yahweh acita ifi, alandile, ⁹ 'Nebo nemwine nkapunkanya ukuboko kwandi pali bo, kabili bakaba aba kusansa abasha babo.'' Elo mukeshiba ukuti Yahweh wamilalo alintuma. ¹⁰ ''Imba ne nsansa, we mwaana mwanakashi wamu Zion, Pantu nebo ne mwine ndi mukwisa nokwikala pakati kenu!-ici cisemo cakwa Yahweh.'' ¹¹ Elo inko ishikalamba shika sankana ishine kuli Yahweh pali bulya bushiku. Alandile , ''Elo mukaba abantu bandi; pantu nkekala pakati kenu,'' kabili mukeshiba ukuti Yahweh wa milalo alintuma kuli mwe. ¹² Pantu Yahweh akapyana Yuda kubati cikwatwa cakwe icakulungama mu calo caku shila nakambi akaisalila Yelusalemu umwine. ¹³ Beni tondolo, mwe fibumbwa fyonse, pa cinso cakwa Yahweh, pantu alimishiwa ukufuma pa ncende yakwe iya kushila!