¹ Paul ẹvuyọ - iki ẹvuyọ ma ọ gbọ, tabi chia ukpatẹ u ọgbọ, chia ukpati u Ijẹsu Kiristi baọ Oshọkọzẹh ọwi iya, ọni ẹgbẹ ilẹ gu za wa zi. ² Ewẹ ẹwọ, nẹ zakpa ẹni ziza kpẹ zọ ẹgbẹ i chọchi ẹwi Galatia. ³ Iya mi lẹ ọfẹ na zẹ wẹ, baẹ kalafia aọ Oshọkọzẹh iya mana ki Jẹsu Kiristi ọnọkọhi. ⁴ Onọ gu na zia mana, zi kọẹ sha na ma ubọ ẹgwẹnẹ bẹ ẹwa mana, ẹlẹ nu lamai ọshọzi iya mana zọ. ⁵ Oni nọ ya nẹ kọ hi mi ẹza kpa lai lai Amin. ⁶ Ugbẹ ni munu kpẹ, ki wa ha ya viẹna gbẹ ẹyi ma ọyiọ nọ gwẹ wa, ẹgbẹ iyẹmi lẹ ọfẹ ọwi. ⁷ Akoli aọ Oshọkọzẹh afa a shọọ, tọripẹ ibọjọ iziọ ẹni ruzu wa ọkọ, gbẹ akọli aọ Oshọkọzẹh shẹhẹ. ⁸ Mẹ lẹ zọzi wẹ wẹ kpọ ki nọ ruma abi Agẹli ọnọ gbẹ ẹrizi, nọ kọli akọla fa, yatọ za akọli anu yiọ nọ, ilẹi nọ yiọ abiọ. ⁹ Elẹ ma la wẹ tẹlẹ abiọ mẹ zi lọ wẹ. anana akẹ miẹ ọyiọ nọ kọli afa, yatọ za kọli aọ Oshọkọzẹh ani ma kọli nọ; ilẹi nọ yiọ a biọ. ¹⁰ Ilọ ni yẹ mi ẹwi ọgbikama ni mẹ da; abi ilọ ni yẹ mi ọwọ Oshọkọzẹh? ugu nu mai ọgbikama ni mẹ da ku miliri? Okiri ku gu nu mai ọgbikama ni mẹ da ku mi, mẹ ri ẹvuyọ ma Oshọkọzẹh ka biọ. ¹¹ Ewuẹ mẹ, da ku wa nẹ zẹ kpẹ akọli ani mẹ kọli, akọli aọ Oshọkọzẹh nọ. Iki akọli aọ gbikama. ¹² Mẹ gbẹ ubọ ọgbọ yiẹ, tabi mi gbẹ ubọ ọgbọ wẹna Ijẹsu Kristi nọ ha kẹ zẹ mẹ. ¹³ Wẹ yọ, ẹlẹ nu gbọ lu mu mẹ tẹtẹ, ẹshẹ ni mẹ shẹ ẹgbẹ ibọ i Juda, ẹlẹ ni mi lazọzi ishọsi ẹwi Oshọkọzẹh li wọ ni da ku mi mẹmẹzẹ wa. ¹⁴ Mẹmẹ mi zẹ aru ẹgbẹ - ẹku amana za kpa ẹnẹ shọ i Juda, mẹ họkọ zakpa gamẹ ẹgwẹ ẹwẹ yala ma na zakpa ẹwu kpọ iyamẹ. ¹⁵ Eshẹ nọ Oshọkọzẹh ọsami zọ mẹ gbẹ; ka bi ẹ gwa ọlọniẹ fizi ugbo; ọgwẹmẹ, ẹgbẹ i yẹmi lẹ ọfẹ ẹ nọ yanẹ na zẹ mẹ. ¹⁶ U, maọ kọ họmọ wọ kazi ẹgbẹ mẹ, zi ki mẹ hẹ kọli akọli awọ kazi ẹwu gbọ ọri ẹshẹ nẹ shẹnẹ ni mẹ hẹ gbẹ zakpa, ka zẹ yiẹ ugu nọ wẹ. ¹⁷ Ma zẹ yọ Jẹrusalẹmu, ẹfẹ nẹ ẹvuyọ ai bọ ni sha bẹrẹ ka nu mẹ; ẹwianẹ yọnọnọ mẹ lalv ẹyala ẹwi Arabia, mẹ gbaja chẹ ma zọ Damasukas. ¹⁸ Eyhin mi kpẹsa mi la chẹ ma zi Jẹrusalẹmu mi la nẹ zẹ Cẹphas, mẹ shẹ ashaọ akọgbẹyhẹ. ¹⁹ Ma miẹ ẹvuyọ kọ kpa vẹ nẹ uyumu Ijẹsu nagwẹ ni Jẹmisi. ²⁰ Iwẹ ẹzakpa ni mẹ chiẹ zọ wọ, mẹ ha nọ Oshọkọzẹh jẹri zọ kpẹ ki ma siyọ. ²¹ Eshẹ ni mi ri vọ nimi lali ẹyala ẹwi siria bai Cilishia. ²² Kunẹ kunẹ, ibọ ishọshi ẹni yin Ijẹsu yọ nẹ shọi Judia, ẹnẹ zi ilọ mẹ. ²³ Iziki shẹ wẹ kpẹ, ọhọzi ọnọ zọzi ma gbẹna, ọta bai ma ọkẹ kọli akọli aọ Oshọkọzẹh, anọ da kọ bẹ mẹ zi wa tẹlẹtẹlẹ. ²⁴ Enẹ zakpa ẹbẹrẹ ẹlẹ zẹzọ Oshọkọzẹh tọ ri ukpa mẹ.