² Ipaulu, evuyho awi khrisiti ijesu cha nyi nila yhemi zho ilo oyiokhoje na ibo nẹfuẹma ni zi ẹphesusi, nẹ ha atah zhozi khisiti ijesu. ² Azhofẹ kẹle ki uvia mu Oyiokhose, iyha ma kẹlẹ ki oyane, ijesu khrisiti,nawa. ³ Ahẹ eshẹsẹ na oyiokhuse, iya ono yanẹma, ijesu khrisiti, onẹ ochehe bamao, cha echehebao azakpa awe ẹgua ẹho zo afẹ oyiokhosẹ cha ubo ijesu. ⁴ Kautẹzhina no oyiokhose ogbe cha uboni jema, uboku ma fuẹma, makẹyanẹ asikẹ, cha uguda zi ilo oni. ⁵ Oyiokhose ogbe ogua ni zhẹma vo,kola hama ri ebia ukpo nia,cha ibo ijesu khrisiti,cha nyi ẹla mahioni kẹkẹlẹ ki nyi olayhemi zo ni ilo. ⁶ Ahama ri ebia nia,ẹhẹ ẹshẹse na ẹlakpayhiẹ azhofẹ no fuezezo nama cha onyo ogun no duguoni ⁷ Egua ijẹsu megbe yhanẹ adẹ khiema cha azẹ ani kẹlẹ kẹ ahashuzo ozho nia, cha azhofẹ ani omolomo. ⁸ Ochehe hao azhofẹ nama, kẹlẹ ki uniamu zakpa nẹ uguzolẹ. ⁹ Eguẹ nẹ vhẹtẹ nẹ kwea, nyi ẹlayhemi zo ni ilo, no ru manẹzẹ, nyi ẹla maoni, no cha ugbo Ijesu ha kazẹ. ¹⁰ Nyi nala zilo gbẹhẹ azẹma kẹhẹ uvuleyi, ekwu Kemi kemi kugbẹ, emia zakpa nẹ zi afẹ Oyiokhose, kẹkẹ ugbono, zo uga ikhama onyo ogun, onẹ ki Ikristi. ¹¹ Egua Ijesu ajukpa nama, awẹ zẹk vo, nyi ẹla yhemi ma onyo no gbakaya azagba cha nyi nẹ la yhemi zo ni ilo. ¹² Oyikhose ojẹ ma ri ibo nia jukpa, ubo ki mama numeri usukusu hoiti Ijesu, mahẹ zha ẹshẹ nai ẹlakpayhẹ ani. ¹³ Cha egua Ijesu, kuwawa, ẹba we yho akolẹ atah, akolẹ neyhemi awẹ ufuea muwa, we yho ni yo, ahawa vhẹtẹ zo egua ẹhonẹfuẹma na whẹ zo aru vo. ¹⁴ Ehonẹfuẹma no no zhizha nama ki malẹjukpa nyi Oyhokose ola whẹvo, kẹlẹ ki nyo dẹhẹma no hamari ibo oni a. Ori uno, ibo ki mahẹ shẹsẹ ẹlakpayhe ani. ¹⁵ Ubohuno, kaẹ ẹshẹ migbe yho eyheyho mawa, zo Oyhanẹ Ijesu, kẹlẹ ku uguda na ibo Oyhokose ne fuema. ¹⁶ Mẹzẹ zahubo ka whẹhẹ Oyhokose mogbo nawa, nyi mẹla jẹ enene awa cha iwhinai ẹmẹ. ¹⁷ Mi vhinai kẹ Oyhokose owi Oyhanẹ ma Ijesu Ikristi, Iya ẹlakpayhe, olẹ hẹ ẹho uniah, kẹlẹ kẹ amiẹ - kẹ - mie, awẹ anẹzẹ ma Oyhokose, naw. ¹⁸ Mi vhinai ki ilo uulo wa ẹdanna, uboki ku wa hẹnẹzẹ ihoiti ẹnẹ aguẹ wa zo kẹlẹkẹ omolomo iyhemi ẹwẹ ẹlakphaye ajukpa ẹha ibo Oyhokose nẹ fuema ẹzakpa. ¹⁹ cha adi ilo oykhose, mi vhinai ki wahabo neze ki onyo habo he ekpukpa muka koi, ekpukpa me egbunu no Oyhokose oyhanẹ na mama ibo ni yho ni yho, cha ukhaka ma achaya, egbunu ẹkpukpa moni. ²⁰ Ekpukpa mẹguẹno, no Oyhokose oha kwẹlẹzẹ Ijusu vhaha eligun zi, okẹlẹ hani yhuyho ubo orivo ni zo afẹ Oyhokose. ²¹ Ohi Ikiristi yhuyho ẹta nẹ hanvẹnẹ ẹlakpayhẹ, ku uma kẹ ẹkpukpa, kẹ ẹgazẹ, kẹlẹ kẹ emi ke mi na rẹ enene. Ikristi noa lẹma zo, aku ugbo anana pa, ama kẹlẹ nu ugbo nuzi. ²² Oyhokose oha kekemi zo ugha ẹkpukpa mewi Ikiristi, okẹlẹ hani ri ikhama zo kemi kemi ni Ishoshi. ²³ Egbẹ Ijesu ki Ishoshi, omolomo oni, no yha ama zakpa han.