¹ Leny khomkho ti phiri Yesu yele ti shileh pharono Yamba, shekkhi shelang ti yuruk janibarata, ² shakkhi liyah gog am phelau shelami ti fukvuk meyan kheppo shilim yele pherun kha gog yelephurin foyoh raganyung. ³ Yesu liyon yeteih dok gog nah Bitrus ta ma giyon tum kha gog fukuuk shelleh diyoh ta yu shuppherr ti lenya tiya gog. ⁴ bandu pharo ta Simon guyan kha gog phiri zhulli khen phatu raga ma khepphurr, ⁵ siman mungbureh mun yu foro phiri kha phalang munah khuwen ma khijah pharogho nara wero raga. ⁶ Yele yu khiye yele khephena shillih gbag khulli raga yele dimmoh ma sheleh anforoyang we yetein moruk gog ⁷ ma watu miliyung yele wanna yele khengoh yagog phelaw kha shilim. Yele dukho sha gumnnung am. ⁸ Siman Bitrus wegho khishe shakkhi duho ta donoh Yesu. ⁹ khe wushenoh mungbureh nne andakkhilangweh shakk khe yeyu shela forloshonih phep kha lenya we shakkhi lukkhu gbag shiliin we yele kheppuh weh gagho. ¹⁰ kha Yakub kha Yohana shibanoh Zabadi sheleh anforonoh Siman Yesu ta Siman khega yusheum munje khara diyah an kheppoh leng. ¹¹ Yele wannan kha gogyung phephe, yele wusho sharyung. ¹² Yele kha biya binih, tiyetei manni phiri mannih meyan sharrahg kha gbukha ti phiri wegho shinoh Yesu shakkhi shukkhung tiya do donih ti ilih ta demmenih mungbure ma khu memoun khen dangnoh. ¹³ Yesu denoh shelanih nakkho shenning ta nne menneuh gbukha khara khadanih. ¹⁴ Shakkhi ta ma khenga teuh ti mannim kho khai shuwu khukhu ta an wauwah khen munoh weeh yuyeloh. ¹⁵ Lukkhu daggho we yugegho khaga Musa tengho ti phirinoh. Suk pharo waro ko tuk, gauwa lenya yele wanna phiri ma yele, shilenih yele weh gbag yung ¹⁶ ti phiri phira phirah, dan shakkhi mennih mandi phiri dokro ya dimma. ¹⁷ Dok ti shung we shakkhi yuri shuppher kham ming Farisawa kha anshuppherr Attaurai diye ti phiri yele wannah kauye we yele malani kha Galili khan Yahudiya kha Urshalima gbag mungbure tiye khan shakkhi lukkho doggho. ¹⁸ Ti phalangrih mannih lenya yele wanna sharah kha manni meyan ishanih ning shigih ti khu tihk yele mannoh khokho liyani shurukk ¹⁹ shinang shakkhi ta donoh Yesu yele we khokho liyanim lukkhu gbag lenya nimmi tiyadonoh Yesu. ²⁰ Shakkhi gbad loshoyung. Yesu ta anmmnah forgegho nodan gwegho ²¹ mayan balla Farisawa dokyuh yu pharo tiye nong wetah yuweh? ma nong ta for nodan weh ma Allah doknim? ²² Yesu phenoh we yeletah khatani ta marah phenyho ni ta bangmeh. ²³ Manih we kho kho khui wushekho (Foroh) nodang we weilu yumele? ²⁴ Mammeh phenouh lah lenya kham khufuk sharuh modanweh ti khu pherah nne tengho iluh sharuh weh fushomgho woruh minnagho. ²⁵ Khumoh iluh ta doyung shakkhi sharuh wehfushongnih shakkhi meuh minnanih tih phammoh Yamba. ²⁶ khonong weuh weh sheuwuh yele phammah Yamba, yele khemanih kha sheuwuh. Bomiyeh mun nuh weuh weh (al'alib). ²⁷ Kha bi weh weih dokgughu Yesu phenang ti phejiraih weuh mannih ankheppoh khurbe gando shubboni lawi ti phiri kheppoh khurbe gando ²⁸ ta watuh binoh hawi wusho weh phep ilauh bigenih ²⁹ Lawi shiryegho bhure bishi ti mmnanih kham meyang kheppo khurbe gando dokhan khan mannih lenya duyang ta dok zhug shuh ³⁰ shinah shuddi shuhshinah khanshunang. ³¹ ma Farisawa khan an balla yele doggho pharoto anshuranih ma yaghai, met ti shunih khan meyan kheppi khurbe gando lenya meyang nodan weh? ³² Yesu ta meya weh khan kha gbag a menjim andan ghom, andoggah wei menji andongho nne wanna tukkhu yeh an khogham. Nne wanna lukkhu nne yeh am nodang weh ma yele minoh shabbo. ³³ Yele ta anshurannoh Yohana yele kbakho fuyung lkhan yu dimma anshurah Farisawa shunuh ma yele yuh kheshen ma anshuranshegho yele ti shuni khan shenih? ³⁴ Yesu ta kham meya weta lih ansheleh kbanti ³⁵ ma baghofuk weh phedan ta watu weta sharoh batin ti phiriyung tishungh yele ta baghofuyung. ³⁶ Yesu meya teshung manni pharo ti yetei pharo. Angeh mannih weta zhadoh tufu sholomni shakkhi ton nong fuk manyung sholom kha teih mayuh kheshen ta zalohfuyuh sholon zalang fuk fuk sholom fuyuh ati diyar ni kha zalan mun fuyum sholomim. ³⁷ Angeh meyabi wetah patu burah fuyuh khabba ta mayuh dige ma yuh kheshe. ³⁸ Fuyuh khabba ta tuddoh dige ta zugani. ³⁹ Digeta dakkhe.