¹ Yesu khaghu kha jilib gbag phengelah ti tulli Urdun, ² jilibgba shargene ligho yashoyong shong yapherrow khuyam liyo shiggih ti phalan. ³ Shetan ma khai lanoh Yamba teuwuh ti panduye ma duyo gbeneh. ⁴ Yesu ta Ballani balla akha wushina dokkh roh lenya ta tiyanim. ⁵ Shetan waragho khu gungum we zhulli shungkhaini kub kupherah shetan mne marah mungho ghog ⁶ kuphephe wapoh nne kha fuk ti khui pherah ne khan dama ne munming ti mannih, ⁷ ma kheshe makho dohoh khen wauwenoh we phep ta diya wehgho. ⁸ Yesu ta balla makhengah yuh wauwa ti mannim, mungburah Yamba dokhing khara wauwanih. ⁹ Shetan wargho Yesu Urushalima shakkhi shelongong khashakkhi ti khuphiri wauwa ma khai lanoh Yamba wetuh khokhoti ti khu ili, ¹⁰ ballani anfoshonguih ta shugho yele ta nintegoh. ¹¹ Yele shuggerugo ti gag ti shelanyoung ma khengah guyo foshongom ti pandim. ¹² Yesu tenkho ma kha temoh mungbureh Yamba, ¹³ shetan kpado fuk temuh Yesu, shakkhi wushekkhe nih ti mandi phalang. ¹⁴ Yesu meuh Galili khemani kha jilib fukparo bado kho lok. ¹⁵ Shakkhi yugoh shupperr ti phiri wauwangung lenya yele phanige ning. ¹⁶ Phalang mannih wanna Nazarat phiri we yele molingnih kha kha weh yele yuyih, liyo yaminna phiri wauwa phalang wauwan shelon to balluh alleh, ¹⁷ yele mungoh ballun anteufuk Ishaya akhu ballain yele weuh phirin ballani. ¹⁸ Jilib mungbure ti khunoh ma nomnoh manuh deyo anforo pharon tommoh ti an khidere shurgenoh munnoh shira kha wukhui ti meya we khelani manuh awul ado andualeh ma foroh. ¹⁹ Memmeh weh yetie vumm manuh teuwuh shenan khewah ti phirin mungbureh. ²⁰ Shakkhi nomi balla yele munung ti anforon phiri dimmoh shakkhi denih. ²¹ Lenya we phiri wauwal yele phatingho do khuirih sheleh dogho pharo moniye alleh khengau ta khumomeh. Phep leng weti phiri teuh fonoh we wenoh tekkho. ²² Yelediyata lih shida ti folosho khaakpharo khugha we phiri phetoh ti fonih ta teye lanoh Yusufkheshen ko a kheshen?. ²³ Yesu ta mara teu phanont yetei pharo andangoma dangoh khunih marah teunowe we yuh ti kafarnahum, yungho ti phesheng, ²⁴ shakkhi tengho anshurahfuk a weye kheuwa ni ti minnayom. ²⁵ nne weuh khulih khan shelep we angenh kha batti (gwayraye gbug ti Isra'ila ti shenan we Iliya phalang we nongho gag shene gbunum ayu amh ti shenareh yugoh khuyam ti gbure khui Illi. ²⁶ shugoh Iliya phiri manni kha fomi we mannanu moroh ti zarifat nim mi kha sidan. ²⁷ kham ming anbugah ti Isra'ila ti phalang Elisha angeh meyan we yuyi dagghom. Na'aman lenya suriya dokkni we Elisha daggho. ²⁸ phep lenya ti phin wauwah yele yugu dein tikkhu yele shiloh we faro ²⁹ yele ilu ti phiriye we waruh yele wargeneh folkpandi ti khu diyah minnanyung yele ta wurenih ti ileh ³⁰ shakkhi biyo yashekkliyung yele phinni. ³¹ shakkhi shagho Kafarnahum ti Galili tella wauwah ti phiri shuppuh lenya ti phiri wauwah yelegbutu shela khu bili. ³² kha shupperuh kha pharonih kha gbag. ³³ kham ning mandi meyan ti phiri wauwah tiye kha shuhjilib yuye kha gbureh ileh mawani we dagegbo ³⁴ kha ning Yesu ba Nazaret? khai wannah khe menya ballemah? nne phenoh makhai nong khai ankub Yamba. ³⁵ Yesu jannung libbi mellot pherru ti phesheng, libbi wegeroh meyan ti ilih shakkhi pherroh akha liya pherati shigem lenya gbuntoh ³⁶ shela ti foyung ma phanoye angho teuwa khagba losho? ta phiri teuwah dakkhilang jibib kha gbang yeletin phiri, ³⁷ ma kheshe tishuppu fuk phiroshelang khu ili. ³⁸ Yesu wushigho yaminna wauwa, liyauh minnano siman, shullohno siman agbaghim akkhung wegbag, yele dimmegenih lukk huroh ³⁹ shakkhi shelgho ti khuru shakkhi jannung akkhung phiru khumonoh motoh ileuh motom dokgho yoforoh. ⁴⁰ Phalang shukkho lenya yele wanna kha meyan doggah sheli lingho lingho shela nihti khuyung doggah phirro tishiyung libbi phiri lengah dakhan yele ta khai lanoh Yamba. ⁴¹ Yesu jannung libbi, shakkih batigeyo pharo yele pheron shakkhi Almasihu. ⁴² Kha shegerr yele foro khuiri dokkning ti phirin angeh meyah we weshining phiri ligeyung yeleti kbanung phiri shigih yele wanna phiri we duging yele yumashunu ⁴³ khayuphiri shakkhita foro pharonoh Yamba phiri manning gbag ti khuruh we shunenoh. ⁴⁴ Shakkhi khokho tom kha pharo tomung ti mmnah phiri dimmah ti gbure khui ili Yahudiya.