¹ Palan kheghi jukdanjik an whu khinnima nimna, weyeyi kha passover. ² Shakkhi angbagha khanshibba foni piri gbanu wetayuani shunun liyeso khumoi shunuyo deng khan memmeh. ³ Jilinshua khan liyashini judas, weyeyi (Iscariot), weshakkhi dok ti talla gbummo khan peleu. ⁴ Judas menji diyakhub khan (Captain) yuparo khanshunu paroni shakkhi tah pellu kha yeso tishunu. ⁵ Shunu tipiri yushulo khumpiri manmunni khulbe. ⁶ Shadangho ninghina khokkho man munni gbaddina tishunu mankhonti pirin ghawan memme. ⁷ Palan fonna we anwau khinnima jukdanjuk,, wekhinnima menji tom. ⁸ Yeso shunna Peter khan. John, Tah waru menwara yuparo loh, tire wemunta shuani. ⁹ Shunun tenni tah, titonk wekhe menji munyu parowauwai? ¹⁰ Shakkhin menyu piri ningho, mamme liyatalla mina, miyawe khan ball weam taweme. Doubini tiyamina weshakkhi liyoi. ¹¹ Yuparo khan ankhu minai, anshuber tah, tonk yaghedda mibai, wennera shu loh, khan-anshurarinoi? ¹² Shakkhi tah shume shik minan gbure wetigag. Megbaddo wemere yuniti morepip. ¹³ Shunu shakkhi tekkhoyu shunu khan makro loh wauwa. ¹⁴ Khan neman weshun tadunghon (ie hour) shakkhi diyoti ili khain shibba foni. ¹⁵ Shakkhi teshu, nekhan gbang yalossho menshui wewauwa khannai pennen shuwuya. ¹⁶ Paro wenne tekkheme, narishua ne milamm she khenghon tiyamminani yamba. ¹⁷ Yeso khanshar labiddim tukkhu we shakkhi pammukhon shakkhi tah, sharte, mensheti shaberme. ¹⁸ Paro tukkhu wenne tekkheme nari shawe levufo minim milam sheminani yamba shana. ¹⁹ Shakkhin sharjukdanjuk tukkhu wepiryu pammo shakkhi gbuloyatte khan munju tewi tah teye shino, we mungho time. Meyute merin khatteno khane. ²⁰ Shakkhi milan sharlabiddin khigha wemmeh khayabi weshukhon weh tewitah, labiddimye unfoye (Alkawari) tiyatomino, weyo paromai. ²¹ Meshilo, shila envadok we khurghe ninkhanei, khannei tukhu tebur. ²² Paro la-enya khisshei waro khirgha pirban khokkho. paron gbang tipirin miyare we shakkhi khurou. ²³ Shunu khan khesshi yuparo tishaber we dok titallayu weta yuweye. ²⁴ Fiyukyu parotiya tallayu tekkhu madon tiyatallayu weta ninghani gburebin. ²⁵ Shakkhi tekkheyu, khub Galilee Jilim tikhuyu, khan urokdok wekha gbang tikhutu yiu tah khan ninwe walayo khisshirai. ²⁶ Aridiyani khisshirain tipirin when shilo, wossho miwe gbure titallame manwatu khigha miya weyuyi wauwa. ²⁷ Tipir miyawe gburgheme, miyawe diyo nimmi khan tebur khenwe anwauwa? Amiya wediyi nimmi khan teburum? Nera tallame khigha anyu wauwa. ²⁸ Khewekhe dungho khan nei kha fotom. ²⁹ Likho likhu mina khub, khagha we tano ligheno tukkhu mina khub. Khera shuani kheshei titebur no tiyamina khub , ³⁰ khera diyani tukhu poandin khon fok gbummo khan peleu ti (Israel). ³¹ Simon, simon, lishighegho satan mayo mankhekkho, Jadulo yattegho tukkho wekheyo. ³² Neyonimma likhugho, jilim arishughanim. khayabbi we makhemenan mungbang timologho. ³³ Peter kham tenni yeso, nemenji neyu milekhan khai, pirgbappo fok khan khubbi. Yeso khan menani. ³⁴ Netekkhogho peter, gbeme ari ghawani momiyerm penkhumme piri shogbunum tahkhe penkheno. ³⁵ Yeso khantesshu, manneshur ghekho tipebe akha paro shar vurom weshari, takha kha menji manniwem. ³⁶ Shakkhi khan teshu gbonje miwe khan lavuro mashakkhi sharu, khan liyin vuro weshar woshari, miya we enghe khan Adah tapillun kha shuani shakkhi pildok. ³⁷ Paro wenne tekkheme mallani paro ne tah khemani, shakkhi whakkhou wane enghe tiya foronfok we teckho khashommono takhemani. ³⁸ Shunu tah yeso, dingho moye Adapellovi shakkhen teshu tah yoiyon ghulo. ³⁹ yoh whafoni OLives, munun, Jam tibini. ⁴⁰ Weshunfonan, shakkhin tesshu, meyu dinmakheren mekha liyatte dakkhilan wem. ⁴¹ Shakkhi khokheni tigbeleyu tukkhu paro pendi we windou shakkhi gbusshina yudimmmah. ⁴² Tah taho mekhe menji, forlabiddimye tipirimne. penan ashomon ayunnom, shekho yuani. ⁴³ Jilim khan shan tigag tipirin shakkhi, tenni khumun khummun. ⁴⁴ Wanna tiyaparo we pirabing shakkhi yodimmah gbebin khan yalosshoni yashinighalan muttirani khigha we gbare tom shukkhou ti iliten khayun tilli. ⁴⁵ Weshakkhi illatigag tipiri dimma, shakkhi wanna pirin shibba foni weyu shuntipiri shina dusshon parashewoyu. ⁴⁶ Masshu, paronbi merpir shina dusshon? illo menyu dimma mari liyatte dakkhilanwem. ⁴⁷ Weshakkhi bambiripiryu paroni pipme, ghawan memme khanpiltu kham judas dokti talla gbummo khan pelleu antomyu. shakkhi wanna dimmi khan yeso menji shumma yafoghi. ⁴⁸ Yeso khantesshu, judas kheripiri dakkhulu lanienya khashummo yafok? ⁴⁹ Miwe nemmi tijeli yeso weshik weye, shunuta, yeso, munta bettum kha Adamu. ⁵⁰ Dok titallayu pennan kha anwauwa miyan gbure pip, khan khuyu khum weti khushilan shauwe. ⁵¹ Yeso tah, teye yoh, shakkhi nakkho khumoi khan forpirai. ⁵² Yeso tekkhon ti mungbure khub, khan lauyadoni khuh, khan mungbuni we wannajeleni mewanna milan khigha munu anjili, kha Ada kha gbarum? ⁵³ Wene palan-palan khan khe tiyapir dimmo do khalishilagho tikhunom teye palangho, khan gbankho tukkhu wen dakkhilani. ⁵⁴ Yugheni jam kham wosheni wattenin pirin yadoni khub timina peter kham naltu biyu tali. ⁵⁵ Khayabbi wishunu likhonwi tiya talla pirkho khan diyaniti ili pirdok, peter doyo tiya tallayu. ⁵⁶ Manfomini khan weshini diyani nimmi khanwi ningho khubbi do ni tah. ⁵⁷ Miyaye diyi khan shakkhi. Peter akhumpirin tah, domin, napennim. ⁵⁸ Khayebbi tom manni dokro we shini tah, whedok titallayu peter khan teweni miya na khumpirin. ⁵⁹ Khayabbi (Hour) dok manni miya liyo tewitah khulli miyaye khan shikkhi, shakkhi enya Galilean. ⁶⁰ Peter tah, miya napen wekheri piritewanim weshikkhi piryu paro andokkhulu kheh yokhui. ⁶¹ Penghilna yeso nengho peter khan khatto alparoni yeso, weh shakkhi tekkheni, pandi anwosheghom shogbunum. ⁶² Peter pero pebe shuaro wankhuni khagbanan yagbon. ⁶³ Anghele yeso gbana yagbonyu shunun gbukni. ⁶⁴ Shunsharo wedumkhui nummu bini khan maini, tah, miyan gbure ⁶⁵ miyandok winakkhe kho? Shunu yoparogbeg tikkhu yeso fulleni. ⁶⁶ Ashomon palan fonna munghudina memmeh ghakkhou piradok, mah khub khan lafoni shunu warkhenin pirdiya. ⁶⁷ Tah, makhe yeso temmu, shakhi khan tesshu, manne tekkhegho, khari khumpirim. ⁶⁸ Manne manghekho, khari menpirim. ⁶⁹ WEkhekho monje watu, la, enya tah, wawo diyani ti tikhu shalan shauwe khagbanni yamba. ⁷⁰ Shunpip tah, makhisshei khelani yamba? yeso tesshu, khe tekkhou khera nei. ⁷¹ Shuntah, paroni munbanbiri menji miyan doubimun? makhisshei mukhakhumu khan ya lossho tipirin yafoni.