¹ Yesu ningho gag weshik ankhulbe wetipiri khungha tiya munduk. ² shakkhi manni fomin ankhinni we mannan murou tepiri munu we peleu wekhuluk. ³ Shakkhi tah, khalli netekkheme, ankhinni weh mannaro muroiye liyo wegbeg tekhuyu pip. ⁴ Manan wepip munkho tomtiyatalla yatte wegbeg, fominye tiyatte we silaro, mungfhopip khankhero. ⁵ Biddi yaparo tiya pirdimmo ando mayo khayakhai yakha pandiwe wala muni shakkhi tah. ⁶ Paro weye wekhe weu balantah watu we, enghe pandi dok wetah biyani tukhu enyadok weh ari penghilanim. ⁷ Shunu maigheni tah anshuber mawe tadunghani dimin? wenni weradiya we ningho weweye tah dunghani? ⁸ Yeso menpiri melishighe me makheren kha dokkhemem, memme gbeo tah, wattu kha shommono, tah, neshakkhi, ti biyum. ⁹ Mameshilo paro whiyi whan likkhik, parowe tah dunghani kha khaudok khayabi aridun ghanim khumunim. ¹⁰ Shakkhin tesshu, khubebe tallani tishik khupebe khan (Mulkijala tasar mamulki). ¹¹ Ilita gbaddilani, tiyapiri kha dok dok memme ta muttirani khan pira tukhu pira. Tawe manniwe tadunghani tigag. ¹² Panam paro we wepip shunu tali shila tikhugho fullegho, gbukkho, shunun gbalegho, ligho tiya synagogues khan pir gbappo fok, watteghon yadoni khub khan (homna) paro shommono. ¹³ Tadiya wenwala tipirin khe. ¹⁴ Makro yalosshogho aparokha dina kha penan when lin shighagho tikhui. ¹⁵ Nera mungho alparo khan benan tekkhu miyan damkhugho shunari weghom. ¹⁶ Matagho tamungho weh gbeg khokho tei, mulangho, binddi mal yamminagho , khan ma shdegho shunu tah liubiddime tiya muro. ¹⁷ Memme gbug tahg khurgho elen khuno. ¹⁸ Enghe shok shigho dok weta dakkhi lani. ¹⁹ Tiya shummo losshogho khewe weshighi. ²⁰ Makhe weh jerusalem ghollani kha jilimshua, khera penani dakkhilan we namma. ²¹ Wosho miweri yatte judea illo tigag waro khupandi, maweti talla mina mawasho, meweti ariyatte khu illin makheren kha lirum. ²² Teye balan dakkhilan weh, paro we ballani pip tah khemani. ²³ Khamnen wentura miweyo fulle khan tukhu miyan munwelin tipala tirai tayuwen dakkhilani tikhu illi, tayun jamtikhu memmeye. ²⁴ Shunu tashughoni tikhu kherem we adah, taliya pir gbappofok tikhu pebepip, jerusalem lakhemani kha, memme shepalan memme khenghon. ²⁵ Taweshik manniwe tipirih tele palan, khanya pel, khankhupebe khupebe tah dakkhilani kha khukha gbangan warbi mirutom. ²⁶ Timore shokhoding diya shukkhulani tipir shewo khan tikhuwe weshunu pirninghani tikhu pebe, paro gbang weti gag tayuni. ²⁷ Shunu taningho lani anyan pir watu tiyashunghu khagah jilim. ²⁸ Wewepip tadugho linghunni shelu tigag khen likhugho, anforme tiya dakkhilln we nemina. ²⁹ Yeso tekkheyu latap ningho vuro khan vuropip. ³⁰ Shunu ningho khuyu manni we meningho khu me menpeni shukkluluk yonghulo nemina. ³¹ Mammah ningho wetipiri illani khisshei yonghulo minani yamba nemna. ³² Khulli netekkheme, khupebe ari kwani wannam shewepip yoh. ³³ Bag khan ili takwa, alparono ari kwanim. ³⁴ Lishigha tikhugho, mayalosshogho kherenkha bakkhulom laptop khaparo sheni khan shenibin khashighegho, khan palanre anummum khumun khumun khegha manniwe weh khesshim enya mah enya gbukkho khui. ³⁵ Tawatu tikhuni nonpip wediyi tiyado khupebe pip. ³⁶ Likhummo palan-palan, khen dimmina kherayu gbang khen pereghon tiyaweye weta yuani, khen sheli tiyado lau shokhoding. ³⁷ Palan weshakkhe tipiriyun shuber tiyamina dimma kha piri piro pebe shakkhin sheli tikhuwe yeyi kha (Olive). ³⁸ Memme pip pennan khan shegher sheghari manshileni tiyapirdimma.